Fuɗɗoode 6:6 - Dewtere Laamɗo Fulfulde Burkina Faso

⁶ Joomiraaɗo mimsiti ko tagannoo neɗɗo ley adunaaru. Ɓernde muuɗum metti sanne.

Fuɗɗoode 6:6 ပူးပေါင်းရင်းမြစ်များ

Fuɗɗoode 6:7

Ndeen o wi'i: — Mi fiɗɗan yimɓe ɓe tagumi ɓeen e adunaaru, kamɓe e kulle mawɗe e pamare e ladooje e leydi e pooli piirooji fuu, sabo mi mimsitii ko tagannoomi ɗum'en.

2 Samuwiila 24:16

Nde maleyka foortunoo junngo mum faa halka Urusaliima ndeen fu, Joomiraaɗo mimsiti, wi'i maleyka kalkoowo oon: — Heƴii! Ittu junngo maa. Wakkati oon maleyka Joomiraaɗo oon na woni to nokkuure ƴarorde Arawna Yebusiijo.

1 Kabaaruuji Laamiiɓe 21:15

Laamɗo neli maleyka Urusaliima faa jippina masiiba oon. Ammaa wakkati maleyka oon wonnoo na halka galluure ndeen, Joomiraaɗo mimsiti bonanda oon de haaldi e maleyka kalkoowo oon wi'i ɗum: — Heƴii! Jippin junngo maaɗa. Tawi nelaaɗo oon na darinoo ɗakkol ƴarorde Ornan, Yebusinke.

Wurtagol 32:14

Ndeen Joomiraaɗo wayliti anniya bone mo wi'unoo waɗan yimɓe ɓeen.

Yuunusa 3:10

Nde Laamɗo yi'unoo ko ɓe ngaɗi e yoppude laabi maɓɓe bonɗi ɗiin fu, acciti halkude ɓe hono no wiirunoo halkan ɓe ni. O waɗaay ɗum katin.

Limle 23:19

Laamɗo wanaa tagaaɗo sakko fena, wanaa ɓii-Aadama sakko mimsita. Yalla o waɗataa ko o wi'i naa? Yalla o tabintintaa ko o haali naa?

Romankooɓe 11:29

Wo noon, sabo Laamɗo waylitataa anniya dow mo moƴƴinani dokke muuɗum, e dow mo noddi.

Efeesunkooɓe 4:30

Taa mettinanee Ruuhu Laamɗo Ceniiɗo, sabo Laamɗo waɗi maande Ruuhu oon e mooɗon saabe nyalaande nde Laamɗo rimɗinta on ndeen.

Fillitagol 32:29

Si ɓe ngooduno hakkillooji fu, ɓe taykotono ɗum, ɓe paamanno ko warata ɗuum.

Fillitagol 32:36

Joomiraaɗo saranan yimɓe muuɗum, yurmoto gollanooɓe ɗum, nde taykowii semmbe muɓɓen re'ii, wakkati maccuɗo walaa, dimo walaa.

Fillitagol 5:29

Si kulol am ngool waawuno heddaade ley ɓerɗe maɓɓe faa ɓe ɗowtanoo jamirooje am nyannde fuu, ndeen ɓe keɓanno wuurude e jam kamɓe e ɓiɓɓe maɓɓe fuu faa abada.

Ibraninkooɓe 3:10

Saabe ɗuum tikkiranmi yimɓe jamaanu oon, mbiimi: wakkati fuu ɓerɗe maɓɓe ina ndunƴa ɓe e majjere, ɓe anndaa laabi am fey!

Ibraninkooɓe 3:17

Ɓeye ngoni ɓe Laamɗo tikkani ko foti duuɓi 40? Wo luttuɓe de maayi kantii ley ladde ɓeen.

Yaakuuba 1:17

Moƴƴere lobbere e dokkal kiɓɓungal fuu, to dow kammu ƴuurata, to Baabiiwo taguɗo annooraaji kammu, mo waylitataako. O nanndaa e ɗowkiiji baylitotooɗi.

1 Samuwiila 15:11

— Mi mimsitii ko ngaɗumi Sawulu kaananke sabo o tottitake kam, o waɗaay ko njamirmi mo ɗuum. Ndeen Samuwiila mettaa sanne, wullani Joomiraaɗo haddu jemma oon fuu.

1 Samuwiila 15:29

Joomiraaɗo Israa'iila Koolniiɗo, o fewataa, o waylitataa anniya makko. Sabo o wanaa neɗɗo sakko o mimsita.

1 Samuwiila 15:35

Samuwiila yi'aay Sawulu katin haddu nguurndam muuɗum faa maayi fay si ɓernde muuɗum metti dow makko sanne. Joomiraaɗo du mimsiti ko waɗi Sawulu kaananke Israa'iila.