Fuɗɗoode 6:4 - Dewtere Laamɗo Fulfulde Burkina Faso

⁴ Ley jamaanu oon, e caggal muuɗum fu, tagaako mawko ina ngonnoo ley adunaaru. Sabo wo ɓiɓɓe Laamɗo kawriti e ɓiɓɓe tagaaɓe rewɓe de ndimdi e muɓɓen. Ɓeen ngoni worɓe jom'en semmbe ɓe inɗe anndeeɓe ley jamaanuuji ɗiin.

Fuɗɗoode 6:4 ပူးပေါင်းရင်းမြစ်များ

Fuɗɗoode 11:4

Ɓe mbi'i: — Ngaree mahanen ko'e men huɓeere e suudu toowndu faa na hewta kammu. Ngaɗanen ko'e men innde taa caakoɗen ley adunaaru fuu.

Limle 13:33

Min nji'ii fay Anakinkooɓe, lenyol tagaako mawko sanne koon. Iɓe ndaarda min hono baɓɓatti yeeso maɓɓe. Minen du hono noon min nga'i yeeso maɓɓe.

Limle 16:2

de kam'en e Israa'iila'en hooreeɓe e tedduɓe ardiiɓe 250 innde anndeeɓe kawriti umminani Muusaa e Haaruuna muurtere, na mbi'a: — Min kutake on! Neɗɗo Israa'iila fuu wo ceniiɗo. Wooɗi du, Joomiraaɗo na wondi e muuɗum. Saabe ɗume de oɗon ɓurni ko'e mooɗon yimɓe kawrital Joomiraaɗo heddiiɓe ɓeen fuu?

Fillitagol 2:11

Eminkooɓe e Anakinkooɓe fuu na noddiree Refayinkooɓe. Ammaa Mo'abinkooɓe na noddirannoo ɓe Eminkooɓe.

Fillitagol 3:11

Tawi ley lenyol Refayinkooɓe fuu, Oga kaananke Basan tan heddinoo na wuuri. Leeso makko, wo njamndiiwo. Njuuteefi muuɗum na ɓura piyanɗe jeetati, njaajeefi muuɗum du hono piyanɗe nay. Ingo woni wuro Rabba leydi Amoninkooɓe faa warde hannden.

1 Samuwiila 17:4

Gorko jaalotooɗo gomma wurtii ndaaka Filistiya'en fonndii to Israa'iila'en. Innde makko wo Goliyat, jeyaaɗo wuro Gaat. Darnde makko wo piyanɗe jeegom e feccere.