Fuɗɗoode 5:22 - Dewtere Laamɗo Fulfulde Burkina Faso

²² Caggal rimeede Matusala, Henok wuuri duuɓi 300, e ley ɗum fuu imo wondi e Laamɗo. O rimi ɓiɓɓe worɓe e rewɓe

Fuɗɗoode 5:22 ပူးပေါင်းရင်းမြစ်များ

Fuɗɗoode 17:1

Nde Abram hewtunoo duuɓi 99 ndeen, Joomiraaɗo ɓangani ɗum wi'i: — Miin woni Laamɗo Jom Baawɗe. Njokkaa laawol am, laatoɗaa ponnditiiɗo.

Fuɗɗoode 24:40

O wi'i kam: «Joomiraaɗo mo o jokki laawol muuɗum oon nelan maleyka muuɗum yeeso am faa laawol am gasa, mi ɓaŋana ɓiyiiko oon debbo ley jeydaaɓe makko e suudu baabiiko.

Fuɗɗoode 48:15

O barkini Yuusufi e ƴuwdi muuɗum, o wi'i: — Laamɗo mo baabiraaɓe am Ibrahiima e Isiyaaka njokkunoo oon, reenii kam ley nguurndam am fuu.

Fuɗɗoode 5:21

Nde Henok wuurnoo duuɓi 65 ndeen, heɓi ɓiɗɗo gorko bi'eteeɗo Matusala.

Fuɗɗoode 5:23

Duuɓi Henok fuu wo 365.

Fuɗɗoode 5:24

Henok wuuri ina wondi e Laamɗo. Caggal ɗuum, o yi'aaka, sabo Laamɗo adii mo.

Fuɗɗoode 6:9

Inan kabaaru Nuuhu e ɓiɓɓe muuɗum. Nuuhu wo gorko ponnditiiɗo mo walaa feloore e hakkunde yimɓe jamaanu muuɗum. O jokkii laabi Laamɗo.

1 Kaanankooɓe 2:4

Joomiraaɗo yottinan aadi muuɗum mo fodaninoo kam nde wi'unoo kam: «Si ƴuwdi maaɗa hakkilani laawol am, si ɓe mbuurdii yeeso am e laaɓal ɓerɗe e yonkiiji maɓɓe fu, abada a hunngataako loomtoowo ma dow jooɗorgal laamu Israa'iila.»

2 Kaanankooɓe 20:3

Yaa Joomiraaɗo, miɗo ŋaare miccitoɗaa no mbuurdunoomi yeeso maaɗa e hoolnaare e ɓernde wootere. Mi waɗii ko wooɗi yeeso maaɗa. Ndeen o wulli bojji cattuɗi.

Wurtagol 16:4

Ndeen Joomiraaɗo wi'i Muusaa: — Mi ƴuurnan buuru dow kammu mi tomnana on. Nyannde fuu, yimɓe mburtoo cuɓa haddi ko heƴata ɗum'en ley nyalaande wootere. Noon ndaartindortoomi ɓe faa mi ndaara yalla ɓe ɗowtanto jamirooje am naa ɓe ɗowtantaako ɗe.

Lewinkooɓe 26:12

Mi yaadan e mooɗon, mi laatoo Laamɗo mooɗon, onon du laatoɗon yimɓe am.

Amos 3:3

Yalla yimɓe ɗiɗo na njaada tawaa paamiraay naa?

Luuka 1:6

Ɓe ɗiɗo fuu ɓe fonnditiiɓe to Laamɗo. Iɓe njokki jamirooje Joomiraaɗo e sariyaaji muuɗum fuu. Feloore fuu walaa e maɓɓe.

Golle Nelaaɓe 9:31

Ndeen kawrital goonɗinɓe ngaal heɓi jam ley Yahuudiya e Galili, kam e Samariya fuu. Ngal ɓeydi semmbe, ngal yehi yeeso e kulol Joomiraaɗo, ngal ɓeydii heewude saabe ballal Ruuhu Ceniiɗo.

Romankooɓe 8:1

Joonin kaa, jukkungo fuu walaa e hawtuɓe e Iisaa Almasiihu ɓeen,

1 Korintunkooɓe 7:17

Ɗum le, mono fuu wuurda hono no Joomiraaɗo yeɗiri ɗum ni, no worrunoo nde Laamɗo noddi ɗum ndeen. Noon njamirammi kawrite goonɗinɓe fuu.

2 Korintunkooɓe 6:16

Yalla amaana ina woodi hakkunde suudu Laamɗo e tooruuji naa? Paamee, enen ngoni suudu Laamɗo Buurɗo oon. Sabo Laamɗo wi'ii: «Mi hoɗidan e maɓɓe, mi yaada e maɓɓe, mi laatoo Laamɗo maɓɓe, kamɓe du, ɓe laatoo yimɓe am.»

Efeesunkooɓe 5:15

Ndelle, ngaɗon hakkillo faa sanne no mbuurdoton, tawee wanaa no fuuyɓe ni, ammaa hono no jom'en hakkillo ni.

Fillitagol 13:4

taa kettindanee annabaajo naa piirtoowo koyɗi oon sabo wo Joomiraaɗo, Laamɗo mooɗon oon ndaartintoo on faa faama yalla oɗon njiɗiri ɗum e ɓerɗe mon e yonkiiji mon fuu.

Fillitagol 28:9

Si on ɗowtanake jamirooje Joomiraaɗo ɗe kam e hoorem hokki on ɗeen, de ndewuɗon laabi muuɗum fu, waɗan laatoɗon yimɓe muuɗum seniiɓe fodde no hunoranii on noon.

Fillitagol 5:33

Tokkon laawol ngol Joomiraaɗo, Laamɗo mooɗon hokki on ngool faa mbuuron de keɓon jam, wooɗi du, balɗe mooɗon njuuta ley leydi ndi njeytoyton ndiin.

Koloosiyankooɓe 1:10

Hono noon, keɓon wuurude nguurndam mbeloojam Joomiraaɗo kawroojam e muuyɗe muuɗum e dow huunde fuu, tabiton e gollal lobbal fuu, ɓeydon anndude Laamɗo.

Koloosiyankooɓe 4:5

Laatee hakkilante'en hakkunde yimɓe ɓe ngoonɗinaay ɓeen. Wakkati laatiiɗo fuu, tawdeɗon e seedaaku lobbu.

1 Tesaloniyankooɓe 2:12

Min mbaajake on, min cellinii ɓerɗe mon, min nyaagake on mbuuron nguurndam kawroojam e muuyɗe Laamɗo, nodduɗo on faa naaton laamu muuɗum e teddeengal muuɗum.

1 Tesaloniyankooɓe 4:1

Caggal ɗuum, sakiraaɓe, min njannginii on no kaanɗon worrude faa wela Laamɗo. Oɗon ngaɗa ɗum du. Miɗen nyaagoo on saabe Joomiraaɗo men Iisaa, tinnoɗon, ɓeydon semmbe.

1 Yuhanna 1:7

Ammaa si e annoora mbuurɗen hono no o worri e annoora kanko e hoore makko ni fu, ndeen eɗen ngoodi kawtal hakkunde meeɗen. Katin du ƴiiƴam Ɓiyiiko Iisaa na laaɓina en e hakkeeji fuu.