Fuɗɗoode 49:25 - Dewtere Laamɗo Fulfulde Burkina Faso

²⁵ Laamɗo bammaa oon wallete, Jom Baawɗe oon barkinante huunde fuu, barkeeji ƴuurooji dow kammu, barkeeji ilam mbaaliiɗam e leydi, barkeeji enndu e enɗam.

Fuɗɗoode 49:25 ပူးပေါင်းရင်းမြစ်များ

Fuɗɗoode 17:1

Nde Abram hewtunoo duuɓi 99 ndeen, Joomiraaɗo ɓangani ɗum wi'i: — Miin woni Laamɗo Jom Baawɗe. Njokkaa laawol am, laatoɗaa ponnditiiɗo.

Fuɗɗoode 27:28

Laamɗo jippinane peewol saawoore ƴuurunde dow. O hokke du leydi lobbiri e alkama ɗuuɗɗo, e inaboojam keewɗam.

Fuɗɗoode 28:13

Joomiraaɗo darii dow maggal, wi'i: — Miin woni Laamɗo, Joomiraaɗo bammaa Ibrahiima, Laamɗo Isiyaaka. Leydi ndi pukkiɗaa dow muuɗum ndiin, mi hokkete ndi, aan e ƴuwdi maa.

Fuɗɗoode 28:21

faa mi wartii suudu baaba am e jam fu, Joomiraaɗo laatoto Laamɗo am.

Fuɗɗoode 28:3

Laamɗo jom Baawɗe barkine, waɗa ndimaa, ɗuuɗaa faa laatoɗaa lenyi keewɗi.

Fuɗɗoode 32:9

O wi'itii: — Si Isuwa yanii e feccere wootere, fiyii nde fu, tawan ɗiɗaɓerde ndeen ina reenii.

Fuɗɗoode 35:11

Laamɗo wi'i mo: — Miin woni Laamɗo Jom Baawɗe. Ndimaa, ɗuuɗaa. Ƴuwdi maa laatoto suudu mawndu. Lenyi keewɗi ƴuwan e maaɗa. Kaanankooɓe du njaltan e maaɗa.

Fuɗɗoode 35:3

Ummee, njehen Baytila. Toon nyiɓanten Laamɗo sakkirde, sabo o jaabanake kam wakkati ɓillaare. Wooɗi du imo wondi e am e laawol ngol njahammi fuu.

Fuɗɗoode 43:23

Oon jaabii, wi'i: — Pukkinee hakkillooji mon, taa kulee. Laamɗo mon, Laamɗo baaba mooɗon, kam watti jawdi ndiin ley bootooji mon. Ceede mon ɗeen njottake kam. Caggal ɗuum gorko oon hokkiti ɓe Simeyon.

Fuɗɗoode 48:3

Yaakuuba wi'i Yuusufi: — Laamɗo Jom Baawɗe ɓanganii kam Luus ley leydi Kanaana. O barkini kam,

Wurtagol 18:4

Gooto oon du na wi'ee Eliyejer, (ɗum na fiirta Laamɗo woni ballo am) sabo Muusaa wi'i: «Laamɗo baaba am wallii kam, o dannii kam e kaafaahi Fira'awna.»

Matta 6:33

Ndelle, piloɗon laamu Laamɗo tafon, kam e fonnditaare muuɗum. Ndeen ko heddii ɗuum fuu, on ɓeydante ɗum.

Efeesunkooɓe 1:3

Jettooje ngoodanii Laamɗo Baaba Joomiraaɗo meeɗen Iisaa Almasiihu! O waɗanii en barkeeji ɗi Ruuhu hokkata ɗiin fuu to dow kammu saabe kawtal men e Almasiihu.

Fillitagol 33:1

Inan no Muusaa nelaaɗo Laamɗo oon barkiniri Israa'iila'en de caggal ɗuum dilli adunaaru.

Fillitagol 8:17

Kakkilon taa mbi'on: — Wo semmbe e baawɗe amin min keɓiri jawdi ndii fuu.

Filipiyankooɓe 4:19

Laamɗo am jom goodal keewngal oon humtiran haajuuji mon fuu saabe Iisaa Almasiihu e teddeengal muuɗum.

1 Timote 4:8

Eltude ɓanndu muuɗum ina nafa e kulle goɗɗe, ammaa kulol Laamɗo ina nafa e huunde fuu, sabo ina wondi e aadi nguurndam joonin e ngaroojam ɗaam fuu.