Fuɗɗoode 49:10 - Dewtere Laamɗo Fulfulde Burkina Faso

¹⁰ Sawru laamu heddoto e lenyol Yahuuda, laamu dillataa ley ƴuwdi makko, faa nde podanaaɗo teddeengal oon warowi. Lenyi adunaaru ɗowtanto mo.

Fuɗɗoode 49:10 ပူးပေါင်းရင်းမြစ်များ

2 Samuwiila 7:13

Wo kanko nyiɓanta innde am suudu, de miin du mi tabintinan jooɗorgal laamu makko faa abada.

2 Samuwiila 7:16

Ƴuwdi maa e laamu maa keddoto faa abada. Jooɗorgal laamu maaɗa tabintinte faa abada.

1 Kabaaruuji Laamiiɓe 12:24

Inan limoore konunkooɓe tiigiiɓe kaɓitirɗe waruɓe to Daawda wuro Heberon faa kokka ɗum laamu Sawulu fodde no Joomiraaɗo yamirnoo.

1 Kabaaruuji Laamiiɓe 12:39

Konunkooɓe ɓeen fuu ngari Heberon na cegilanii konu faa kokka Daawda laamu dow Israa'iila fuu e ley ɓernde wootere. Israa'iila'en heddiiɓe fuu njardii Daawda laatoo kaananke muɓɓen.

Limle 21:18

Ndu ardiiɓe mbasi, Ndu tedduɓe mbasiri cabbi laamu e cabbi muɓɓen. Ndeen ɓe eggiri ladde Mattana.

Limle 24:17

Miɗo yi'a mo de wanaa joonin. Miɗo ndaara mo de wanaa to ɓadii. Hoodere wurtoto e Yaakuuba, Sawru laamu yaltan e Israa'iila. Indu hela le'e ko'e yimɓe Mo'ab, e tiiɗe ɓiɓɓe Siita.

Limle 24:19

Jaltoowo e Yaakuuba laamoto, de halka kedde huɓeere ndeen fuu.

Matta 1:21

O riman ɓiɗɗo gorko. Inndiraa mo Iisaa, sabo wo kanko hisinta yimɓe makko e hakkeeji muɓɓen.

Matta 17:5

O tilaaki e haalude, faa ruulde jalboore suddi ɓe. Daande ƴuuri ley ruulde ndeen, wi'i: — O woni Ɓiyam mo korsinmi, mo ceyortoomi. Kettindanee mo!

Matta 21:9

Jama'aaje gonɗe yeeso Iisaa ɗeen e jokkuɗe caggal makko fuu ina ilina, ina mbi'a: — Jettooje ngoodanii Taan Daawda! Barke woodanii garɗo e dow innde Joomiraaɗo! Jettooje ngoodanii Laamɗo faa dow kammuuli!

Matta 25:32

Yimɓe adunaaru ɓeen fuu kawrundurte yeeso makko, o sennda ɓe hono no duroowo senndirta baali e be'i ni:

Yuhanna 12:32

Miin le, si mi toownaama e leydi ndi, mi fooɗan yimɓe fuu ngara to am.

Yuhanna 18:31

Ndeen Pilaatu wi'i ɓe: — Njaaree mo, caroɗon mo sariya mooɗon. Alhuudiyankooɓe ɓeen njaabii: — Laamu hokkaay min laawol warude fay gooto.

Yuhanna 19:12

Gilla ndeen Pilaatu ina filoo yoppude mo. Ɗum waɗi de Alhuudiyankooɓe ina peekoo, ina mbi'a: — Sini a yoppii mo, a wanaa yigoo kaananke Roma mawɗo oon. Neɗɗo fuu gaɗuɗo hoore muuɗum kaananke wo ganyo kaananke Roma.

Yuhanna 19:15

Ɓe ƴeewnii semmbe: — War mo! War mo! Tontu mo e leggal palaangal! Pilaatu jaabii, wi'i: — Mi tonta kaananke mooɗon oon naa? Hooreeɓe almaami'en ɓeen mbi'i: — Min ngalaa kaananke si wanaa kaananke Roma mawɗo oon.

Yuhanna 9:7

O wi'i ɗum: — Yahu sulmowa luggere wi'eteende Silowam (maanaa majjum woni «Nulaaɗo»). O sulmowii, o warti imo yi'a.

Romankooɓe 15:12

Annabi Esaaya du wi'ii: «ƴuuruɗo e lenyol Yesa warowan, oon ummoytoo faa laamoo lenyi adunaaru. Ɗi njowan jikke majji e makko.»

2 Korintunkooɓe 5:10

Sabo ina tilsi en fuu ndaroɗen yeeso Almasiihu faa careɗen, faa mono fuu heɓa mbarjaari golleeji muuɗum gaɗooji e ɓanndu ndu, nde wo ko wooɗi naa ko boni.

Fillitagol 28:57

E ley cuccukka, o nyaaman fay ɓinngel ngel o rimi wakkatim e jaado muuɗum fuu sabo faa'e heddanaaki o katin e ley torra ka wayɓe mooɗon njarnata on nder dammbuɗe galluuje mon kaan.

Ibraninkooɓe 7:14

Sabo en fuu en anndii, Joomiraaɗo men oon e lenyol Yahuuda ƴuuri, de Muusaa kaa haalaay e dow lenyol ngool nde haalnoo haala almaamaaku.

Holleede 11:15

Maleyka njeɗɗaɓo oon fuufi buututal muuɗum. Ndeen daaɗe toowɗe nanaa dow kammu, ina mbi'a: — Laamu adunaaru ndu fuu laatake laamu Joomiraaɗo meeɗen e Almasiihu muuɗum. O laamoto faa abada abadin!