Fuɗɗoode 47:27 - Dewtere Laamɗo Fulfulde Burkina Faso

²⁷ Ɓiɓɓe Israa'iila du koɗi leydi Misira nder leydi Goosan. Ɓe keɓi toon jawdi, ɓe ndimi, ɓe keewi sanne.

Fuɗɗoode 47:27 ပူးပေါင်းရင်းမြစ်များ

Fuɗɗoode 13:16

Mi waɗan ƴuwdi maa ɗuuɗa faa fay gooto waawataa limude ndi. Si njaareendi na waawi limeede fu, ƴuwdi maa ndiin du waawete limeede.

Fuɗɗoode 17:6

Mi ɗuuɗinan ɓeyngu maaɗa sanne, mi waɗe lenyi keewɗi. Kaanankooɓe njaltan e maaɗa.

Fuɗɗoode 26:4

Mi ɗuuɗinan ƴuwdi maa hono koode, mi hokkan ƴuwdi maa leyɗe ɗee fuu. Lenyi adunaaru fuu keɓan barke saabe ƴuwdi maa.

Fuɗɗoode 28:14

Ƴuwdi maa ɗuuɗan hono gabbe njaareendi, ndi sankitoto faro lettugal e gorgal e soɓɓirre e horɗoore. Lenyi duuniyaaru fuu keɓan barke saabe maa e saabe ƴuwdi maaɗa.

Fuɗɗoode 34:10

Njooɗodoɗon e amin, leydi ndii laatanoo on ngeɗu. Ngonon ley mayri, njuloɗon e mayri, keɓon du ngeɗu mayri.

Fuɗɗoode 35:11

Laamɗo wi'i mo: — Miin woni Laamɗo Jom Baawɗe. Ndimaa, ɗuuɗaa. Ƴuwdi maa laatoto suudu mawndu. Lenyi keewɗi ƴuwan e maaɗa. Kaanankooɓe du njaltan e maaɗa.

Fuɗɗoode 46:3

Laamɗo wi'i: — Miin woni Laamɗo, miin woni Laamɗo bammaa. Taa hulu yaade Misira, sabo wo toon ɗuuɗinanmi ƴuwdi maaɗa.

Fuɗɗoode 47:11

Yuusufi honni bammum e sakiraaɓe muuɗum, hokki ɗum'en laamoo ɗo ɓuri fuu wooɗude e leydi Misira, ley leydi Ramses hono no Fira'awna yamirnoo noon.

Fuɗɗoode 8:7

O yoofi daawuwal dilli. Daawuwal ngaal ina yaha ina warta faa ndiyam ɗaam re'i dow leydi.

Fuɗɗoode 8:9

Ammaa wuugaandu nduun heɓaay fuu ɗo jippoo. Ndu yeccii to Nuuhu ley laana kaan, sabo ndiyam ɗaam ina heddii na hurri leydi fuu. Nuuhu foorti junngo mum, nanngi ndu, nanni ley laana kaan.

Nehemiya 9:23

A ɗuuɗini ɓiɓɓe maɓɓe hono koode. A nyottinɗaa ɓe nder leydi ndi mbiiɗaa maamiraaɓe maɓɓe njaha teetowa de laatoo dongu muɓɓen.

Wurtagol 1:12

Ammaa no Misirankooɓe tampiniri ɓe fu, wo noon ɓe ɓeydorii ɗuuɗude, noon du ɓe ɓeydorii sankitaade. Saabe ɗuum de Israa'iila'en mbemmbi Misirankooɓe sanne.

Wurtagol 1:7

Yimɓe Israa'iila ndimi, ɗuuɗi sanne. Ɓe ɓeydii, ɓe ɗuuɗi sanne, semmbe maɓɓe du ɓeydii. Ɓe keewi e leydi ndiin fuu.

Golle Nelaaɓe 7:17

Nde amaana mo Laamɗo waɗannoo Ibrahiima ɓadinoo yottaade ndeen, Ibraninkooɓe keewi ley Misira.

Fillitagol 10:22

Nde maamiraaɓe mooɗon naatannoo leydi Misira ndeen wo 70. Ammaa hannden Joomiraaɗo, Laamɗo mooɗon waɗii on ɗuuɗii hono koode kammu ni.

Fillitagol 26:5

Ndeen muɓɓiton kunnduɗe mon mbi'on: — Baabii amin na laatinoo Araminkeejo egga-hoɗaajo. Ndelle o yehiino leydi Misira kanko e yimɓe seeɗa ɓe njooɗowii. Wari ɓe ɗuuɗi ɓe laatii lenyol manngol cemmbiɗingol.