Fuɗɗoode 46:34 - Dewtere Laamɗo Fulfulde Burkina Faso

³⁴ mbi'on: «Minen maccuɓe maa, wo min ekintinaaɓe durngol gilla cukaaku amin faa warde joonin, minen e baabiraaɓe amin fuu.» Noon keɓirton jooɗaade ley leydi Goosan, sabo durooɓe dammuuli fuu wo tuunɓe yeeso Misirankooɓe.

Fuɗɗoode 46:34 ပူးပေါင်းရင်းမြစ်များ

Fuɗɗoode 13:7

Hamre waɗi hakkunde durooɓe Abram e durooɓe Luudu. Tawi wakkati oon Kanaaninkooɓe e Perisinkooɓe njooɗinoo ley leydi ndiin.

Fuɗɗoode 13:8

Abram haaldi e Luudu, wi'i ɗum: — Taa hamre waɗa hakkunde meeɗen, taa durooɓe maa e durooɓe am du kaɓa, sabo en sakiraaɓe.

Fuɗɗoode 26:20

Ndeen durooɓe Gerar pooɗondiri e durooɓe Isiyaaka, mbi'i: — Ndiyam ɗam wo minen njeyi ɗam. Isiyaaka inndiri ɓunndu nduun Eseka, sabo ɓe pooɗondirii dow mayru.

Fuɗɗoode 30:35

Ammaa nyannde ndeen Laban wurtini ley be'i ɗiin damɗi toddi e pantooji. Hono noon du be'i debbi nyaawi e pantooji e ko woodi pelle daneeje fuu, e baali ɓaleeji fuu. O watti ɗi e juuɗe ɓiɓɓe makko worɓe.

Fuɗɗoode 34:5

Yaakuuba nani Sikem tuuninii Dina ɓiyum debbo oon, tawi ɓiɓɓe muuɗum worɓe ndurowi dammuuli muuɗum. Yaakuuba deƴƴinii faa ɓe ngarti.

Fuɗɗoode 37:12

Mawniraaɓe makko ɓeen njehi Sikem faa ndurowa dammuuli baaba muɓɓen.

Fuɗɗoode 37:2

Inan kabaaru ƴuwdi Yaakuuba: Yuusufi ina tawra duuɓi 17. Imo durdannoo e mawniraaɓe makko baali. Imo wondi e ɓiɓɓe Bilha e Jilpa, deekiraaɓe baabiiko. Imo haaltanannoo baabiiɓe kabaaru maɓɓe bonɗo.

Fuɗɗoode 43:32

Ndeen o hokkaa e feere makko, kamɓe du, ɓe kokkaa feere maɓɓe. Misirankooɓe wonduɓe e makko ɓeen du, kokkaa feere muɓɓen. Misirankooɓe njeyaano nyaamdude e Ibraninkooɓe sabo Misirankooɓe ina ndardannoo ɓe wo ɓe tuunɓe.

Fuɗɗoode 45:10

A hoɗan ley leydi Goosan, tawa aɗa ɓadii kam, aan e ɓiɓɓe maa e taaniraaɓe maa e dammuuli maa e na'i maa e jawdi maa fuu.

Fuɗɗoode 45:18

Ngardowon e baabii on e koreeji mon to am. Mi hokkan on to ɓuri wooɗude e leydi Misira fuu. On nyaaman ko ɓuri welde ley leydi ndii.»

Fuɗɗoode 46:32

Worɓe ɓeen wo durooɓe daabaaji, margol woni gollal muɓɓen. Ɓe ngaddii be'i maɓɓe e baali maɓɓe e na'i maɓɓe e ko ɓe njogii fuu.»

Fuɗɗoode 47:11

Yuusufi honni bammum e sakiraaɓe muuɗum, hokki ɗum'en laamoo ɗo ɓuri fuu wooɗude e leydi Misira, ley leydi Ramses hono no Fira'awna yamirnoo noon.

Fuɗɗoode 47:3

Fira'awna wi'i sakiraaɓe makko ɓeen: — Ɗume woni gollal mon? Ɓe njaabii Fira'awna, ɓe mbi'i: — Maccuɓe maa wo durooɓe, minen e baabiraaɓe amin fuu.

Fuɗɗoode 47:4

Min ngarii wo min yananɓe ley leydi maa, sabo dammuuli maccuɓe maa ngalaa durduɗe, rafo sattii ley leydi Kanaana. Joonin miɗen ŋaare, njardoɗaa maccuɓe maa njooɗoo ley leydi Goosan.

Fuɗɗoode 47:6

Leydi Misira ina woni yeeso maa. Honnu ɓe ley leydi ɓurndi woodde. Ɓe koɗa ley leydi Goosan. Si aɗa anndi waawɓe gollal durngol ina ngoni hakkunde maɓɓe fu, ngaɗaa ɗum'en hooreeɓe durooɓe daabaaji am.

Wurtagol 8:22

Ndeen Muusaa wi'i: — Noon dagaaki! Sabo ko min kirsanta Joomiraaɗo, Laamɗo amin ɗuum wo ko nyiddinii to Misirankooɓe. Wooɗi si min ngaɗii kirsamaaji yeeso Misirankooɓe, wanaa ɓe paɗɗan min kaaƴe ɓe mbara min naa?

Wurtagol 8:26

Muusaa wurtii to Fira'awna, ŋaarii Joomiraaɗo.