Fuɗɗoode 44:17 - Dewtere Laamɗo Fulfulde Burkina Faso

¹⁷ Ammaa Yuusufi jaabii, wi'i: — Laamɗo hiinam waɗude noon! Gorko mo horde ndeen tawaa e junngo mum oon, kam tan laatotoo maccuɗo am. Onon kaa, kootee to baabii on e jam.

Fuɗɗoode 44:17 ပူးပေါင်းရင်းမြစ်များ

Fuɗɗoode 18:25

A'aa! A wanaa ngaɗoowo iri ɗuum! A halkidataa ponnditiiɗo e oonyiiɗo. Abada a fonndataa njoɓdi ponnditiiɗo e ndi bonɗo! Aan carotooɗo adunaaru fuu oon, a sarorto dartaare!

Fuɗɗoode 26:29

Taa ngaɗaa min ko boni, hono no min meemiraay ma noon, hono no min ngaɗaay ma faa'e si wanaa ko wooɗi tan, min njoppii ma ndilluɗaa e jam, aan laatiiɗo joonin barkinaaɗo Joomiraaɗo.

Fuɗɗoode 42:18

Nyannde tataɓerde ndeen, Yuusufi wi'i ɓe: — Inan no ngaɗoton de mbuuron, sabo miin wo mi kuloowo Laamɗo.

Fuɗɗoode 44:10

O wi'i: — Ayyo, joonin ɗum laatortoo hono no mbiiruɗon noon: tawraaɗo horde ndeen fu laatoo maccuɗo am, ammaa heddiiɓe ɓeen kaa njoofee.

Fuɗɗoode 44:16

Yahuuda jaabii, wi'i: — Joomii amin, ɗume min mbi'ata? Ɗume min mbaawi haalude? Noy min ngaɗata de min laamna ko'e amin? Laamɗo wannginii hakke amin. Joomii amin, min maccuɓe maa, minen e mo horde ndeen tawaa e junngo muuɗum oon fuu.

Fuɗɗoode 44:18

Yahuuda ɓattitii mo, wi'i: — Miɗo ŋaare joomam! Hettina faa maccuɗo maa haala konngol gootol. Taa metteɗaa e maccuɗo maa. Si goonga wo a hono Fira'awna.

2 Samuwiila 23:3

Laamɗo Israa'iila haalii, tefaare Israa'iila ndeen haalanii kam, wi'i: — Nde kaananke laamorii yimɓe laaɓal, nde o laamorii ɓe ley kulol Laamɗo fu,

Banndi 17:15

Carotooɗo joofuɗo bonɗo e carotooɗo jukkuɗo laaɓuɗo, ɓe ɗiɗo fuu wo nyiddiniiɓe yeeso Joomiraaɗo.