Fuɗɗoode 42:38 - Dewtere Laamɗo Fulfulde Burkina Faso

³⁸ Oon jaabii, wi'i: — Ɓiyam oon yaadataa e mooɗon. Sabo mawniiko maayii, kanko tan heddii. Si won torra kewtiiɗo mo e laawol ngool fu, ɗum waɗan faa miin jom hoore raneere oo, mi maayda e mettorgal ɓernde.

Fuɗɗoode 42:38 ပူးပေါင်းရင်းမြစ်များ

Fuɗɗoode 37:33

Nde baabiiɓe oon ndaarnoo ngo fu, annditi, de wi'i: — Ngo, wo saayo ɓiyam! Kaari! Huunde ladde nyaamii mo. Sikke walaa Yuusufiyel am taƴaama.

Fuɗɗoode 37:34

Yaakuuba seeki kaddule muuɗum, ɓoornii bootooji de woyiri ɓiyum oon balɗe keewɗe.

Fuɗɗoode 37:35

Ɓiɓɓe makko worɓe e rewɓe fuu ngari faa ndeƴƴina mo, ammaa o salii deƴƴineede, o wi'i: — Mi woyan ɓiyam oon faa nyannde tawtoymi ɗum. Noon baabiiko ɓeydiri woyude mo.

Fuɗɗoode 42:13

Ɓe njaabii, ɓe mbi'i: — Minen maccuɓe maaɗa ɓeen, wo min sakiraaɓe sappo e ɗiɗo ɓe baaba gooto. Baaba amin na woni ley leydi Kanaana. Koddaajo amin oon ina toon hannden to baaba amin de gooto amin du heddaaki.

Fuɗɗoode 42:37

Ndeen Ruben wi'i bammum: — Si mi wartiranaay ma mo fu, mbaraa ɓiɓɓe am ɗiɗo ɓeen. Wattu o e junngo am, mi wartirante o.

Fuɗɗoode 42:4

Ammaa Yaakuuba accaay Benjamin, minyoo Yuusufi oon yaadi e maɓɓe. Sabo o wi'i ina hasii si oon yehii fu, masiiba hewtan ɗum.

Fuɗɗoode 43:13

Njaadee e minyii on oon, coƴƴee to gorko oon.

Fuɗɗoode 44:20

De min mbi'i joomii amin miɗen njogii baaba e minyiragel korsungel ngel o heɓi ley naywaaku makko. Mawniigel maayii, kanngel tan baabiigel heddorii e reedu inniigel, de ingel horsi e baabiigel sanne.

Fuɗɗoode 44:22

Min njaabii joomii amin, min mbi'i suka oon waawaa seedude e bammum, sabo nde o seedi e baabiiko fuu, maayan.

1 Kaanankooɓe 2:6

Ndelle aan Suleymaana, hakkillo maaɗa anndinte ko ngaɗataa, de taa acca hoore makko rawna de o naata ley nokkuure maayɓe e jam.

Tindinoowo 1:14

Mi ndaarii ko waɗetee ley sorndu naange ndu fuu, mi tawii wo ɓolum. Fuu na nanndi e riiwude henndu.

Tindinoowo 2:26

Laamɗo na hokka ɗowtaniiɗo ɗum hakkillo e anndal e seyo, ammaa gaɗoowo ko boni oon o ronndii ɗum gollal ɓoɓtude jawdi faa hokka kuloowo Laamɗo. De ɗuum du fuu wo ɓolum, wo riiwude henndu.