Ndelle ƴiiƴam maɓɓe wartan dow hoore makko, kanko e ƴuwdi makko faa abada. Ammaa Daawda e ƴuwdim e suudum e laamu muuɗum keɓan jam ƴuuruɗo to Joomiraaɗo faa abada.
Nde jeyaaɓe ɗoon ɓeen njiinoo mboddi ndiin ina ɓilii e junngo Pool ndeen, mbi'unduri hakkunde muɓɓen: — Tannyoral, gorko o wo gaɗɗo war-hoore. Fay si o daɗi to maayo manngo toon du, sariya accataa mo o wuura.
Ɓe kollii ko Tawreeta Muusaa oon yamiri ɗuum ina winndaa e ɓerɗe maɓɓe. Ɓerɗe maɓɓe ina ceedanoo ɓe, wakkati wakkati miilooji maɓɓe na pela ɓe, wakkati gom du na laamna ɓe.
Ndelle Yonatan mani Daawda to bammum Sawulu, wi'i: — Kaananke, taa waɗu hakke dow maccuɗo maaɗa Daawda, sabo o waɗaay hakke to maaɗa. Si goonga du, ko o gayni ɗuum nafii maa sanne.