Fuɗɗoode 42:10 - Dewtere Laamɗo Fulfulde Burkina Faso

¹⁰ Ɓe njaabii, ɓe mbi'i: — Joomii amin, wanaa noon! Maccuɓe maa wo ngaru faa cooda nyaamri.

Fuɗɗoode 42:10 ပူးပေါင်းရင်းမြစ်များ

Fuɗɗoode 27:29

Cuuɗi baaba ngollane! Laamuuji cujidane! Laamoɗaa sakiraaɓe maa! Ɓiɓɓe inna maa cujidane. Kuɗuɗo ma fuu, kuddi ndiin saama dow muuɗum. Du'aniiɗo ma fuu, Laamɗo barkin ɗum!

Fuɗɗoode 27:37

Isiyaaka jaabii Isuwa, wi'i: — Ndaar, mi waɗii mo jooma, mi hokkii mo rimdaaɓe makko fuu ngollana mo, mi yooɓinii mo alkama e inaboojam. Ndelle ɗume mbaawumi waɗande ma katin, suka am?

Fuɗɗoode 37:8

Mawniraaɓe ɓeen njaabii mo, mbi'i: — Yalla laamaade min njiɗɗaa naa? Laataade joomii amin kaajaɗaa naa? Ɓe ɓeydi wanyude mo saabe koyɗi makko e haalaaji makko.

Fuɗɗoode 42:11

Min fuu, wo min baaba gooto, miɗen koolnii. Minen maccuɓe maa, min nganaa horooɓe leydi.

Fuɗɗoode 44:9

Mo horde ndeen tawaa to muuɗum hakkunde maccuɓe maa fuu, joomum waree de minen heddiiɓe du min laatoo maccuɓe maaɗa.

1 Kaanankooɓe 18:7

Nde Obadiya yahannoo dow laawol fu, hawri e Iliyaasa, annditi ɗum de hippii e leydi, wi'i: — Aan wo a Iliyaasa joomam naa?

1 Samuwiila 26:17

Sawulu annditi daande Daawda de wi'i: — Yalla ɗum wo daande maa, aan ɓiyam Daawda naa? Daawda wi'i: — Wo daande am, joomam kaananke.