Fuɗɗoode 35:9 - Dewtere Laamɗo Fulfulde Burkina Faso

⁹ Nde Yaakuuba ƴuurunoo Padan-Aram ndeen, Laamɗo ɓangi e muuɗum katin, barkini ɗum.

Fuɗɗoode 35:9 ပူးပေါင်းရင်းမြစ်များ

Fuɗɗoode 12:7

Joomiraaɗo ɓangi e Abram, wi'i ɗum: — Wo ƴuwdi maa kokkammi leydi ndii. Abram mahani Joomiraaɗo sakkirde to ɓangani ɗum toon.

Fuɗɗoode 17:1

Nde Abram hewtunoo duuɓi 99 ndeen, Joomiraaɗo ɓangani ɗum wi'i: — Miin woni Laamɗo Jom Baawɗe. Njokkaa laawol am, laatoɗaa ponnditiiɗo.

Fuɗɗoode 18:1

Joomiraaɗo ɓangani Ibrahiima ɗakkol leɗɗe Mamre mawɗe, tawi imo jooɗinoo dammbugal hukum makko hakkunde naange.

Fuɗɗoode 25:20

Duuɓi Isiyaaka wo 40 nde ɓaŋannoo Rebeka minyoo Laban, ɓii Betuwel Aramanke ƴuuruɗo Padan-Aram oon.

Fuɗɗoode 26:2

Joomiraaɗo ɓangi e makko wi'i: — Taa yahu Misira. Jooɗa ley leydi ndi kaalananmaami haala muuɗum ndiin.

Fuɗɗoode 28:13

Joomiraaɗo darii dow maggal, wi'i: — Miin woni Laamɗo, Joomiraaɗo bammaa Ibrahiima, Laamɗo Isiyaaka. Leydi ndi pukkiɗaa dow muuɗum ndiin, mi hokkete ndi, aan e ƴuwdi maa.

Fuɗɗoode 31:3

Joomiraaɗo wi'i Yaakuuba: — Yecca kootaa leydi maamiraaɓe maa, wuro baaba maa. Mi wondan e maaɗa.

Fuɗɗoode 32:1

Jaango mum, Laban dawi gilla subaka kecco, muccii ɓiɓɓe muuɗum rewɓe e taaniraaɓe muuɗum worɓe, barkini ɗum'en. Caggal ɗuum, o dilli to maɓɓe, o hooti wuro makko.

Fuɗɗoode 35:1

Caggal ɗuum, Laamɗo wi'i Yaakuuba: — Umma, yahu Baytila, njooɗoɗaa toon de nyiɓanaa kam hirsirde, miin Laamɗo ɓanganɗo ma nde ndoggunoɗaa mawna Isuwa ndeen.

Golle Nelaaɓe 7:2

Etiyen jaabii, wi'i: — Sakiraaɓe e baabiraaɓe, kettindanee kam! Laamɗo jom teddeengal oon ɓanganii maami en Ibrahiima nde wonnoo leydi Mesopotami, fadde muuɗum hoɗoyde Haran,