Fuɗɗoode 35:2 - Dewtere Laamɗo Fulfulde Burkina Faso

² Yaakuuba wi'i yimɓe galle muuɗum e wonduɓe e muuɗum fuu: — Paɗɗee tooruuji ɗi njogiɗon ɗiin, laaɓinee ko'e mon de mbattiton kaddule.

Fuɗɗoode 35:2 ပူးပေါင်းရင်းမြစ်များ

Fuɗɗoode 18:19

Sabo mi suɓake mo faa o yamira ɓiɓɓe makko e suudu makko tinnaade e rewude laawol Joomiraaɗo caggal makko. Ɓe laatoo fonnditiiɓe, ɓe ngaɗa ko dartii faa mi yottina ko aadaniimi Ibrahiima ɗuum.

Fuɗɗoode 31:19

Tawi Laban yehi hesoyde baali muuɗum. Nde ɓe ndillannoo ndeen, Rahiina wujji tooruuji bammum.

Fuɗɗoode 31:30

Joonin, aan a dillii sabo a muuyii yeccaade suudu bammaa sanne. De ko saabii mbujjuɗaa tooruuji am?

Fuɗɗoode 31:34

Tawi Rahiina kam hooƴunoo tooruuji ɗiin, watti ley kirke ngeelooba de jooɗii dow majji. Laban filii ley hukum oon fuu, de yi'aay fay huunde.

Fuɗɗoode 34:2

Sikem ɓii Hamor Hewinke laamiiɗo leydi ndiin yi'i mo, nanngi mo, fukkodii e makko e semmbe, tuunni mo, semtini mo.

Fuɗɗoode 35:22

Wakkati Israa'iila jooɗinoo ley leydi ndiin ndeen, Ruben yehi fukkodowii e Bilha korɗo bammum nattaaɗo oon. Israa'iila nani kabaaru majjum. Yaakuuba ina jogii ɓiɓɓe worɓe 12.

2 Samuwiila 7:23

Lenyol fay gootol walaa ley adunaaru nanndungol e yimɓe maaɗa Israa'iila. Si goonga, lenyol gonngol walaa ngol aan Laamɗo yehi soottiti ƴuwde e maccungaaku, faa laatoo yimɓe maaɗa, faa mawninaa innde maaɗa. A waɗanii hoore maa kulle mawɗe, a waɗii kulle kaayniiɗe du saabe leydi maa. A soottitii ndi e leydi Misira, a riiwii lenyi goɗɗi e tooruuji muɓɓen yeeso yimɓe maaɗa.

2 Kaanankooɓe 17:29

Ammaa lenyol fuu waɗi alla muuɗum, ɓe ndarni ɗi ley nokkuuje cakkirɗe ɗe yimɓe Samariya njoppunoo. Lenyi ɗiin fuu ngaɗiri noon ley galluuje ɗe njooɗii ɗeen.

2 Kaanankooɓe 5:10

Elisey neli o wi'ee o yaha maayo Urdun o lootowo kile jeɗɗi de ɓanndu makko laaɓa, wooɗi du o daɗa.

1 Kabaaruuji Laamiiɓe 16:26

Sabo allaaji lenyi keddiiɗi ɗiin fuu wo fewreeji, ammaa wo Joomiraaɗo tagi kammu.

Ayuuba 1:5

Nde ɓe timminta jeɗɗiire weltaareeji fuu, Ayuuba nelanan ɓe ɓe ngara faa sena ɓe. Ndeen o dawa, o sakkana mono e maɓɓe fuu sadaka buleteeɗo, o wiitoo: — Hasii ɓiɓɓe am ngaɗii hakke, kuɗii Laamɗo ley ɓerɗe muɓɓen. Noon Ayuuba waɗirta wakkati weltaare maɓɓe fuu.

Wurtagol 19:10

Joomiraaɗo wi'i Muusaa: — Yahu to yimɓe ɓeen, mbi'aa ɓe ɓe cenina ko'e maɓɓe hannden e jaango fuu. Ɓe lonna kaddule maɓɓe.

Wurtagol 19:14

Muusaa jippii waamnde ndeen, yehi to yimɓe ɓeen, senini ɗum'en. Ɓe lonni kaddule maɓɓe.

Wurtagol 23:13

Ngaɗon ko mbi'umi on ɗuum wooɗi du, taa noddon allaaji feere, taa fay inɗe majji nanee e kunnduɗe mooɗon.

Tindinoowo 5:1

Taa hunnduko maa haranoo haalude, taa ɓernde maa du yaawa aadanaade Laamɗo. Laamɗo ina woni dow, aan du aɗa woni ley, ndelle taa kebbinaa haalaaji maa.

Lewinkooɓe 15:5

Meemuɗo daɗɗo ngoon fu, sey lonna kaddule muuɗum, lootoo de heddoo wo tuunɗo faa hewta futuro.

Lewinkooɓe 17:16

Si joomum lonnaay kaddule muuɗum, lootaaki fu, saaminii hakke dow hoore muuɗum.

Limle 31:24

Lonnon kaddule mooɗon nyalaande jeɗɗaɓerde ndeen faa laaɓon, de caggal ɗuum, ngarton ley hoɗorde.

Golle Nelaaɓe 19:26

Oɗon nji'a, oɗon nana no Pool oon heɓiri hakkillo yimɓe heewɓe, ina wosina ɗum'en, wanaa ley Efeesu ɗo tan, ley leyɗe Aasiya fuu. Imo wi'a ɓe kulle deweteeɗe ɗe yimɓe moƴƴiniri juuɗe muɓɓen ɗeen nganaa deweteeɗe.

1 Korintunkooɓe 10:7

Taa laatee rewooɓe tooruuji hono no woɓɓe maɓɓe ngaɗiri ni, hono no winndiraa: «Yimɓe ɓeen njooɗii ina nyaama ina njara, de ummii ina pija.»

2 Korintunkooɓe 7:1

Ndelle sakiraaɓe horsuɓe, saabe en ngaɗanaama amaanaaji ɗiin fu, laaɓinen ko'e meeɗen e ko tuuninta ɓalli men e yonkiiji men fuu. Tabintinen senaare men e ley kulol Laamɗo.

Galaatiyankooɓe 4:8

Nde on anndaano Laamɗo ndeen, oɗon ngonnoo e maral alla'en ɓe nganaa Laamɗo.

Fillitagol 11:28

On kuɗete si on kettindaaki jamirooje Joomiraaɗo, Laamɗo mooɗon, si on celii laawol ngol kollammi on hannden faa ndewon allaaji goɗɗi ɗi on anndaa.

Fillitagol 32:16

On umminirii kiram Joomiraaɗo e rewude allaaji janani, mettinirɗon ɓernde muuɗum e waɗude tooruuji nyiddiniiɗi.

Fillitagol 5:7

Taa ngoodaa alla goɗɗo si wanaa miin.

Fillitagol 6:14

Taa ndewon allaaji goɗɗi hakkunde allaaji lenyi piiliiɗi on ɗiin,

Fillitagol 7:25

Mbulon tooruuji maɓɓe ɗiin. Taa eelon kaŋŋe naa cardi ko woni dow tooruuji ɗiin. Taa kooƴanon ɗum ko'e mooɗon sabo iɗum waawi laatanaade on tuugol. Wo ɗe kujje karmuɗe yeeso Joomiraaɗo, Laamɗo mooɗon.

Ibraninkooɓe 10:22

Ndelle, ɓattitoroɗen Laamɗo ɓerɗe goongaaje e goonɗinal ngal sikkitiraaka. Sabo ɓerɗe meeɗen laamnaama, pelataa en dow ko boni, ɓalli meeɗen du lootiraama ndiyam laaɓuɗam.

Yaakuuba 4:8

Ɓattee Laamɗo, ndeen kam du ɓadoto on. Onon luttuɓe, laaɓinee juuɗe mon. Onon waɗuɓe ɓerɗe ɗiɗi, laaɓinee ɓerɗe mon!

Yoosuwa 23:7

Taa kawtee e lenyi keddiiɗi hakkunde mon ɗiin. Taa inndee inɗe allaaji maɓɓe, taa kunoree inɗe majji du, taa teddinee ɗi, taa cujidanee ɗi.

Yoosuwa 24:14

Ndeen Yoosuwa ɓeydi, wi'i: — Joonin kaa, kulee Joomiraaɗo, ngolliranee mo ngoongalaaku e ɓernde wootere. Ittee allaaji ɗi maamiraaɓe mooɗon ɗowtantonoo caggal maayo Efaratis e ley Misira ɗiin. Ɗowtanee Joomiraaɗo tan.

Yoosuwa 24:15

Si ɗowtanaade Joomiraaɗo fotanaay on, ndelle hannden cuɓee mo ɗowtantoɗon, yalla allaaji ɗi maamiraaɓe mon ɗowtantonoo caggal maayo Efaratis ɗiin naa wo allaaji Amorinkooɓe ɓe njooɗiɗon ley leydi muɓɓen ɓeen ɗowtantoɗon. Ammaa miin e suudu am kaa, min ɗowtanto Joomiraaɗo.

Yoosuwa 24:2

Yoosuwa wi'i jamaa oon fuu: — Inan ko Joomiraaɗo, Laamɗo Israa'iila wi'i: «Arande maamiraaɓe mon njooɗakeno caggal maayo Efaratis. Ɓe cujidaniino allaaji feere. Gooto maɓɓe wo Tera, baaba Ibrahiima e Nakor.

Yoosuwa 24:20

Si on njoppii Joomiraaɗo, de oɗon teddina allaaji goɗɗi fu, o honan on, o hiitoto on du. O halkan on, fay si imo waɗana on ko wooɗi joonin.

Yoosuwa 24:23

Yoosuwa wi'i ɓe: — Si wo noon fu, ittee allaaji janani gonɗi hakkunde mooɗon ɗiin. Ngartiree ɓerɗe mon to Joomiraaɗo, Laamɗo Israa'iila.

Yahuuda 1:23

Ndippitee, mburtinee woɓɓe e yiite, ndannon ɗum'en. Woɓɓe du, njurmee ɗum'en tawee oɗon kulana ko'e mooɗon. Nyiddon fay saayaaji ɗiin, taa muuyɗe ɓalli maɓɓe tuunɗe ɗeen ndaaɓa on.

Ardiiɓe 10:16

Wakkati oon, ɓe itti allaaji janani ɗiin hakkunde maɓɓe, ɓe ɗowtanii Joomiraaɗo. Kanko du ɓernde makko mettani torra mo ɓe torretee oon.

Ruttu 1:15

Wooɗi, Na'omi wi'i katin Ruttu: — Inan, sakiike maa debbo kaa soƴƴake to yimɓe muuɗum e to allaaji muuɗum. Aan du jokku o, kootaa wuro maaɗa.

1 Samuwiila 16:5

Samuwiila jaabii wi'i: — Jam nii. Mi warii faa mi hirsana Joomiraaɗo. Laamnee ko'e mon de njaadon e am to kirsamaari. Ndeen o laamni Yesa e ɓiɓɓe muuɗum de o silminiri ɓe kirsamaari ndiin.

1 Samuwiila 7:3

Ndeen Samuwiila wi'i yimɓe Israa'iila fuu: — Si on ngartii to Joomiraaɗo e ɓerɗe mooɗon fuu, sanaa mboɗɗoɗon alla'en woɓɓe e tooru wi'eteendu Astarta hakkunde mooɗon. Sanaa ponndinon ɓerɗe mooɗon to Joomiraaɗo, ɗowtanoɗon ɗum kam tan. Ndeen o dannan on e juuɗe Filistiyankooɓe.