Fuɗɗoode 35:12 - Dewtere Laamɗo Fulfulde Burkina Faso

¹² Leydi ndi kokkumi Ibrahiima e Isiyaaka ndiin, mi hokkete ndi. Caggal maa du, mi hokkan ndi ƴuwdi maaɗa.

Fuɗɗoode 35:12 ပူးပေါင်းရင်းမြစ်များ

Fuɗɗoode 12:7

Joomiraaɗo ɓangi e Abram, wi'i ɗum: — Wo ƴuwdi maa kokkammi leydi ndii. Abram mahani Joomiraaɗo sakkirde to ɓangani ɗum toon.

Fuɗɗoode 15:18

Nyannde ndeen, Joomiraaɗo waddi amaana e Abram, wi'i ɗum: — Wo ƴuwdi maaɗa kokkammi leydi ndii, gilla maayo Misira faa yottoo Efrat, maayo manngo ngoon.

Fuɗɗoode 28:13

Joomiraaɗo darii dow maggal, wi'i: — Miin woni Laamɗo, Joomiraaɗo bammaa Ibrahiima, Laamɗo Isiyaaka. Leydi ndi pukkiɗaa dow muuɗum ndiin, mi hokkete ndi, aan e ƴuwdi maa.

Fuɗɗoode 48:4

o wi'i kam: «Mi hokkete ɓeyngu, mi yaajinan suudu maa, mi ɗuuɗinan lenyol maa faa ngol laatoo siyiiji yimɓe heewɓe. Caggal ma, mi hokkan ƴuwdi maa leydi ndii, ɓe njeyta ndi faa abada.»

Fuɗɗoode 50:24

Yuusufi wi'i sakiraaɓe muuɗum: — Mi ɓadake maayde. Ammaa Laamɗo wallan on. O wurtinan on e leydi ndi, o yaaran on ley leydi ndi o huninoo o hokkan Ibrahiima e Isiyaaka e Yaakuuba ndiin.

1 Kabaaruuji Laamiiɓe 16:17

Amaana oon laatanake Yaakuuba sariya, o laatanake Israa'iila aadi tabitoori faa abada.

Wurtagol 2:24

Laamɗo nani uumaali maɓɓe, siwtori amaana muuɗum mo waddunoo e Ibrahiima e Isiyaaka e Yaakuuba.

Wurtagol 3:8

Saabe ɗuum de njippiimi faa mi danna yimɓe am e baawɗe Misirankooɓe, mi itta ɓe leydi Misira, mi yaara ɓe leydi lobbiri njaajundi, leydi ndi kosam e njuumndi ilata e muuɗum, nokkuure ɗo Kanaaninkooɓe e Hittiyankooɓe e Amorinkooɓe e Perisinkooɓe e Hewinkooɓe e Yebusinkooɓe njooɗii.

Wurtagol 32:13

Miccita Ibrahiima e Isiyaaka e Israa'iila maccuɓe maaɗa ɓe kunaniɗaa e innde maaɗa de mbiiɗaa a waɗan lenyol muɓɓen ɗuuɗa hono koode kammu. Ciwtoraa a wi'ii a hokkan lenyol maɓɓe leydi ndiin fuu, ndi laatoo ndongu maɓɓe faa abada.

Lewinkooɓe 26:42

mi miccitoto amaana mo ngaddunoomi e Yaakuuba e Isiyaaka e Ibrahiima. Mi miccitoto leydi maɓɓe ndiin.