Fuɗɗoode 34:7 - Dewtere Laamɗo Fulfulde Burkina Faso

⁷ Nde ɓiɓɓe Yaakuuba njaanyunoo fu, nani haala kaan. Ɗum metti ɓe, ɗum haɓɓi ɓe ko'e sanne. Sabo Sikem fukkodake e ɓii Yaakuuba debbo, waɗii ko semtinii Israa'iila, ko haanaa waɗeede.

Fuɗɗoode 34:7 ပူးပေါင်းရင်းမြစ်များ

Fuɗɗoode 20:9

Abimelek noddi Ibrahiima, haaldi e muuɗum, wi'i: — Ɗume woni ko ngaɗuɗaa min ɗuum? Ɗume ngaɗumaami de ngaddanɗaa kam miin e leydi am hakke mawɗo o? A waɗii kam ko neɗɗo haanaa waɗeede.

Fuɗɗoode 34:6

Hamor baaba Sikem yehi to Yaakuuba faa haalda e muuɗum.

Fuɗɗoode 34:8

Hamor wi'i ɓe: — Sikem ɓiyam gorko ina yiɗi suka mon oon sanne. Miɗo nyaagoo on kokkon mo o, o dewla.

Fuɗɗoode 46:7

O dillidi e ɓiɓɓe makko worɓe e taaniraaɓe makko worɓe e ɓiɓɓe makko rewɓe e taaniraaɓe makko rewɓe e koreeji makko fuu faa ɓe njottii leydi Misira.

2 Samuwiila 13:21

Nde kaananke Daawda nannoo ɗum ndeen, tikki sanne.

Banndi 7:7

de nji'umi jokolɓe ɓe ƴoƴaa, hakkunde maɓɓe, nji'umi mo walaa hakkillo.

Lewinkooɓe 4:13

Si tawii wo yimɓe Israa'iila fuu lutti de ngaɗi ko haɗaa ley jamirooje Joomiraaɗo, tawi kensaaki, wooɗi du paamaay ngaɗii hakke fu, kamɓe jey feloore.

Lewinkooɓe 4:2

Kaaldaa e Israa'iila'en mbi'aa ɗum'en: Si neɗɗo luttii jamirooje ɗe Joomiraaɗo hokki de waɗi ko haɗaa, tawi hensaaki fu, inan no ngaɗoton:

Lewinkooɓe 4:27

Si wo gooto ley jamaare ndeen lutti de waɗi ko jamirooje Joomiraaɗo kaɗi tawi hensaaki fu, waɗii junuuba.

1 Korintunkooɓe 10:8

Taa naaten e fijirde hono no woɓɓe maɓɓe naatiri. Ko ɗum waɗi, yimɓe maɓɓe ujunaaje noogayo e tato maayi nyannde wootere.

1 Korintunkooɓe 6:18

Ndoggee fijirde! Hakkeeji goɗɗi ɗi neɗɗo waɗata fuu takkataa e ɓanndu muuɗum, sanaa fijirde. Pijoowo na waɗana ɓanndu mum hakke.

Efeesunkooɓe 5:3

Saabe wo on seniiɓe Laamɗo, on kaanaa fay haalde haala huunde fuu ko wartata e fijirde e ko tuuni e eelgal.

Fillitagol 22:20

Ammaa si ko gorko oon wi'ii dow makko ɗuum wo goonga, o wanaa debbo mo anndaano gorko fu,

Fillitagol 22:21

sey o wurtinee o darnee dammbugal ɓaade baabiiko de yimɓe galluure ndeen ngara paɗɗa mo kaaƴe faa o maaya sabo o waɗii ko boni ley Israa'iila. O waɗii woykuraaku ley ɓaade baabiiko. Noon ittirton ko boni hakkunde mooɗon.

Fillitagol 23:17

Accon o jooɗoo to mooɗon, o wona hakkunde mooɗon ley wootere e galluuje mon nde o muuyi fuu. Taa torron o.

Koloosiyankooɓe 3:5

Ndelle, mbaree kulle adunankooje gonɗe e mooɗon ɗeen. Ɗuum woni fijirde e ko soɓi e muuyɗe terɗe e muuyooji bonɗi, kam e eelgal jawdi, sabo eelgal ngaal du wo rewude tooruuji.

1 Timote 5:13

Katin du, iɓe mboowtina ko'e maɓɓe jaayre. Iɓe naata suudu ndu ɗo, ɓe mburtoo ɓe naata ndu to. De wanaa ɗuum tan, ammaa ɓe laatoto heewɓe haala du, haaltooɓe ko iidinta noppi. Iɓe kaala haalaaji ɗi ngalanaa ɓe.

Ibraninkooɓe 13:4

Yimɓe fuu teddina dewgal. Tilay aadi dewgal jogoree laaɓal. Sabo Laamɗo saroto fijooɓe wonɓe e dewgal e ɓe ngalaa e dewgal fuu.

Yaakuuba 3:10

Hunnduko wooto yaltinta jettooje e kuddi fuu. Sakiraaɓe am, ɗum haanaa worrude noon.

Yoosuwa 7:15

Cappaaɗo saabe kujje cakkanteeɗe Joomiraaɗo oon faɗɗete ley yiite, kanko e ko o jeyi fuu, sabo o luttii amaana Joomiraaɗo, o semtinii leydi Israa'iila.»

1 Piyeer 2:9

De onon kaa, wo on lenyol cuɓaangol, wo on almaami'en gollanooɓe Kaananke oon, wo on lenyol ceniingol, wo on yimɓe ɓe Laamɗo suɓanii hoore muuɗum. O suɓake on faa kaalon kabaaru moƴƴuki makko, kanko nodduɗo on ƴuuwde e nimre warude e annoora makko kaayniiɗo oon!

Ardiiɓe 20:6

Caggal ɗuum, kooƴumi ɓanndu makko, taƴumi ndu, ngaɗumi pecce, neldumi ɗe nokku fuu to lenyol Israa'iila woni, sabo ɓe ngaɗii huunde bonde harmunde ley leydi Israa'iila.