Fuɗɗoode 32:31 - Dewtere Laamɗo Fulfulde Burkina Faso

³¹ Yaakuuba wi'i: — Mi yi'i Laamɗo gite e gite, de ɗuum fuu yonki am hisi. Saabe majjum, o inndiri nokku oon Paniyel. Ɗuum woni «Yeeso Laamɗo».

Fuɗɗoode 32:31 ပူးပေါင်းရင်းမြစ်များ

Fuɗɗoode 16:13

Hajara noddi Joomiraaɗo kaalduɗo e muuɗum oon. O wi'i ɗum wo a «El Roy» (ɗum na fiirta «Laamɗo ji'oowo kam») sabo o wi'itake: — Jaka wo ɗoo podanaami yi'ude koroowo kam oon!

Fuɗɗoode 19:15

Nde ɓadinoo weetude ndeen, maleyka'en ɓeen ciini Luudu yalta. Ɓe mbi'i ɗum: — Umma, hooƴu deeka e ɓiɓɓe maa rewɓe ɗiɗo ɓeen, taa kalkeɗaa saabe hakkeeji wuro ngo.

Fuɗɗoode 19:23

Wakkati puɗal naange, Luudu naati huɓeere Sowar.

Fuɗɗoode 32:25

Kanko kaa o heddii gaɗa toon. Ley jemma majjum gorko gomma wari, durwi e makko faa weeti.

Fuɗɗoode 32:32

Nde o faltotonoo Paniyel ndeen, naange fuɗi. Imo laƴa asangal.

1 Kaanankooɓe 12:25

Yerobo'am nyiɓii wuro Sikem dow baamle Efrayim de jooɗii toon. O yalti toon o nyiɓi wuro Paniyel.

1 Kaanankooɓe 18:26

Ɓe kooƴi ngaari ndi ɓe kokkaa ndiin, ɓe moƴƴini, de ɓe noddi innde tooru Ba'al. Iɓe nodda, iɓe nodda, gilla beetee faa hakkunde naange, iɓe mbi'a «Ohoo Ba'al! Jaaba min!» Ammaa daande fu nanaaka, fay gooto jaabaaki. Iɓe pitta, iɓe mbama, iɓe piiloo hirsirde ndeen.

Wurtagol 24:10

Ɓe nji'i Laamɗo Israa'iila. Ley koyɗe makko na nanndi e kaaƴe ɗelkooje, laaɓuɗe hono njaayri kammu.

Wurtagol 24:11

O halkaay mawɓe Israa'iila ɓeen. Ɓe njiiri Laamɗo e gite maɓɓe, iɓe mbuuri. Ɓe nyaami, ɓe njari.

2 Korintunkooɓe 12:7

Ko kollaami ɗuum ina ɓuri hakkillo. De taa mi mana hoore am e majjum, ko nanndi hono gi'al wattaama ley terɗe am. Ɗum laatanake kam nelaaɗo Seyɗaani, ina fiya kam faa taa mi mawnitoo.

2 Korintunkooɓe 12:9

ammaa o wi'i kam: «Hinney am oon heƴii ma, sabo baawɗe am wo ley lokkaaku kiɓɓirta.» Ndelle na weli kam mantoraade lokkaaku am, faa baawɗe Almasiihu ɗeen ngonda e am.

Fillitagol 5:24

Ndeen mbiiɗon: — Joomiraaɗo, Laamɗo meeɗen hollii min teddeengal e manngu muuɗum. Min nani daande makko nder yiite. Hannden, min nji'i ko Laamɗo na waawi haaldude e tagaaɗo de joomum heddoo na wuuri.

Fillitagol 5:26

Moy heɓi nanude daande Laamɗo Buurɗo na haala nder yiite hono no amin ni de heddodii e yonki?

Ardiiɓe 6:22

Ndeen Gedeyon faami wo ɗum maleyka Joomiraaɗo. O wi'i: — Wayyoo! Joomiraaɗo mawɗo! Mi yi'ii maleyka Joomiraaɗo gite e gite.

Ardiiɓe 6:23

Ndeen maleyka Joomiraaɗo wi'i mo: — Jam wondu e maaɗa. Taa hulu, a maayataa.

Ardiiɓe 8:8

Caggal ɗuum, o ummii o dilliri ngalluure Peniila. O ŋaarii ɓeen du ko o ŋaarinoo yimɓe Sukkot ɗuum, de kamɓe du, ɓe njaaborii mo hono no yimɓe Sukkot noon.