Fuɗɗoode 32:24 - Dewtere Laamɗo Fulfulde Burkina Faso

²⁴ Nde o feƴƴintinnoo ɓe ndeen, o feƴƴintini ko o mari fuu.

Fuɗɗoode 32:24 ပူးပေါင်းရင်းမြစ်များ

Fuɗɗoode 18:2

O ɓanti gite makko, o yi'i worɓe tato ina ndarii yeeso makko. Nde o yi'unoo ɓe fu, o harii, o ummii dammbugal hukum ɗoon, o doggi o jakkitowii ɓe. O hippii yeeso maɓɓe, o wi'i:

Fuɗɗoode 30:8

Rahiina wi'i: — Durwo naawngo kaɓumi e mawnam debbo. Mi jaalake. Ɗum waɗi de o inndiri suka oon Naftali.

Fuɗɗoode 32:23

Ley jemma oon, o ummini rewɓe makko ɗiɗo e horɓe muɓɓen ɗiɗo e ɓiɓɓe makko worɓe 11 ɓeen. O feƴƴintini ɓe feƴƴitirde gooruwol Yabok.

Fuɗɗoode 32:25

Kanko kaa o heddii gaɗa toon. Ley jemma majjum gorko gomma wari, durwi e makko faa weeti.

Fuɗɗoode 32:28

Gorko oon wi'i mo: — Noy mbi'eteɗaa? O jaabii, o wi'i: — Miɗo wi'ee Yaakuuba.

Fuɗɗoode 32:30

Yaakuuba ƴami mo, wi'i: — Haalanam innde maa. O jaabii, o wi'i: — Ko saabii lamndiɗaa innde am? Ndeen oon barkini mo.

Fuɗɗoode 48:16

Maleyka kisinɗo kam e sii torra fuu, barkina sukaaɓe ɓee. Innde am e innde saaraaɓe am Ibrahiima e Isiyaaka, keddoo saabe maɓɓe. Ɓe ɗuuɗa faa ɓe keewa ley adunaaru.

Wurtagol 14:27

Muusaa foorti junngo muuɗum dow maayo. Nde weetunoo fu maayo warti hono no worrunoo. Tawi Misirankooɓe ina ndoggannoo ley toon. Ɓe kawri e ndiyam ɗaam. Joomiraaɗo faɗɗi ɓe ley maayo ngoon.

Luuka 13:24

— Ndurwee naatiron dammbugal paaɗungal sabo miɗo wi'a on: heewɓe tefan naatude, de kunngoo.

Luuka 22:44

Ley mettorgal ɓernde makko o ɓeydi tekkinde du'aare makko, nguli makko laatii hono toɓɓe ƴiiƴam ina simta e leydi.

Romankooɓe 15:30

Sakiraaɓe, saabe Joomiraaɗo meeɗen Iisaa Almasiihu e saabe njinngu ngu Ruuhu oon hokkata nguun, miɗo nyaagoo on sanne: kawton e am e ley du'aawuuji mooɗon to Laamɗo saabe am.

1 Korintunkooɓe 15:47

Neɗɗo arandeejo oon e sollaare leydi tagiraa. Neɗɗo ɗiɗaɓo oon e kammu ƴuuri.

Efeesunkooɓe 6:12

Sabo wanaa yimɓe kaɓeten, ko kaɓeten dey, wo laamuuji e baawɗe e hoorewaaku ley adunaaru niɓɓundu ndu, kam e seyɗaani'en bonɓe wonɓe hakkunde kammu e leydi ɓeen.

Efeesunkooɓe 6:18

Wakkati fuu ngaɗon du'aawuuji e nyaagundeeji e ballal Ruuhu Ceniiɗo. Kakkilee taa on celu waɗande seniiɓe ɓeen fuu du'aare.

Koloosiyankooɓe 2:1

Miɗo yiɗi anndon haɓo naawngo ngo kaɓeteemi saabe mooɗon, onon e yimɓe wonɓe Lawdikiya e woɓɓe ɓe njiiraay kam gite muɓɓen ɓeen fuu.

Koloosiyankooɓe 4:12

Epafara, gollanoowo Iisaa Almasiihu oon, ina jowta on. Kanko du e mooɗon o jeyaa. Wakkati fuu imo tinnii e du'aare saabe mooɗon faa ndaroɗon, laatoɗon hiɓɓuɓe, faa tannyoron muuyɗe Laamɗo fuu, njokkon ɗe.

Ibraninkooɓe 5:7

Nde Iisaa wonnoo e leydi ndiin ndeen, waɗirii du'aawuuji e bullaali cattuɗi e gonɗi, nyaagake Laamɗo baawɗo hisinde ɗum e maayde oon. Laamɗo jaɓanii mo saabe ko o ɗowtanii ɗum.

Yoosuwa 5:13

Nde Yoosuwa ɓattinoo Yeriko fu, ɓanti gite muuɗum, yi'i gorko gomma ina darii yeeso muuɗum, ina jogii kaafaahi e junngo mum. O yehi to gorko oon, o ƴami ɗum: — Aan le, wo moy ngonanɗaa? Yalla minen naa wayɓe amin?