Fuɗɗoode 3:15 - Dewtere Laamɗo Fulfulde Burkina Faso

¹⁵ Mi waɗan nganyaandi hakkunde maaɗa e debbo oon, e hakkunde ƴuwdi maaɗa e ƴuwdi makko. Ƴuwdi debbo oon fusan hoore maa, aan du, a soppan mo teppere.

Fuɗɗoode 3:15 ပူးပေါင်းရင်းမြစ်များ

Fuɗɗoode 49:17

O laatoto hono mboddi dow laawol, hono foosikere soppoore teppe pucci de waɗɗiiɓe ɗi caamira gaɗa gaɗalde dow laawol.

Amos 9:3

Si ɓe cuuɗake dow seɓtoodu waamnde Karmel, mi filoyto ɓe de mi nannga ɓe, si ɓe miilii ɓe lallan e gite am, fay ɓe muti faa ley maayo, mi yamiran mboddi soppa ɓe toon.

Matta 1:23

«Surbaajo mo anndaa gorko reedan, rima ɓiɗɗo gorko. O inndirte Imanuwel.» Maanaa innde ndeen wo: «Laamɗo ina wondi e meeɗen».

Matta 1:25

ammaa o wondaay e muuɗum faa rimi ɓiɗɗo gorko. Yuusufi inndiri ɓiɗɗo oon Iisaa.

Matta 12:34

Onon ɓiɓɓe bolle! Noy mbaawirton haalude ko wooɗi tawee on bonɓe? Sabo ko heewi e ley ɓernde fu, wo ɗuum hunnduko wurtinta.

Matta 13:38

Ngesa ngaan woni adunaaru ndu. Aawdi lobbiri ndiin wo ɓiɓɓe laamu Laamɗo. Huɗo bonko koon wo ɓiɓɓe bonɗo oon.

Matta 23:33

Onon bolle, ɓiɓɓe poosoke! Walaa fuu no ndaɗiron halkere jahannama.

Matta 3:7

Ko o yi'i Farisa'en e Saduki'en heewɓe na ngara faa lootee lootagal batisima ɗuum, o wi'i ɗum'en: — Onon ɓiɓɓe bolle! Moy sappani on ndoggon tikkere Laamɗo waroore?

Marka 16:18

ɓe nanngiran bolle e juuɗe maɓɓe. Fay si ɓe njari poson, fay huunde waɗataa ɓe. Ɓe njowan juuɗe maɓɓe e nyawɓe de cella.

Luuka 1:76

Aan du cukalel, a noddirte annabaajo Laamɗo Toowɗo, sabo a artoto Joomiraaɗo warde faa moƴƴinanaa mo laabi makko,

Luuka 10:19

Nanee, mi hokkii on baawɗe yaaɓude bolle e jahe, mi hokkii on jaalaade baawɗe ganyo fuu. Huunde fuu torrataa on fes.

Luuka 22:53

Nyannde fuu miɗo wondunoo e mooɗon ley suudu dewal mawndu, on njowaay junngo dow am. Ammaa joonin wo wakkati mon, joonin wo wakkati mo nimre laamii.

Luuka 24:27

Ndeen o faamini ɓe ko Binndi Ceniiɗi ɗiin fuu kaali dow makko, gilla e Tawreeta Muusaa faa e dewte annabaaɓe.

Yuhanna 8:44

Onon, Ibiliisa woni baaba mooɗon. Muuyɗe baaba mooɗon ngolloton. O gaɗoowo bar-ko'e gilla fuɗɗoode. O walaa e goonga sabo goonga walaa e makko. Si o fenii fu, jikku makko tan o waɗi, sabo wo o penoowo, wo o baaba fewre du.

Golle Nelaaɓe 13:10

wi'i: — Ɓii Ibiliisa! Aan keewɗo jamba e hiila, ganyo ko laaɓi fuu! A selataa oonyude laabi Joomiraaɗo ponnditiiɗi naa?

Romankooɓe 16:20

Laamɗo jom jam oon waɗan niison Seyɗaani ley teppe mooɗon ko ɓooyataa. Hinney Joomiraaɗo meeɗen Iisaa wondu e mooɗon.

Romankooɓe 3:13

«Kunnduɗe maɓɓe ina nga'i hono caabeeje udditiiɗe ni, ɗemle maɓɓe ina kaala hiila. Toni maɓɓe ina caawi tooke bolle.»

Galaatiyankooɓe 4:4

Ammaa nde sarɗi oon yottinoo ndeen, Laamɗo nuli Bajjo muuɗum mo debbo rimi, ɗowtaniiɗo Tawreeta Muusaa,

Efeesunkooɓe 4:8

Sabo wo hono noon winndiraa: «O ƴeeŋii dow, o hooƴi honaaɓe heewɓe, o hokki yimɓe dokke.»

Koloosiyankooɓe 2:15

ɓortii laamuuji e baawɗe. Nde o jaalorinoo ɗum'en e maayde Almasiihu ndeen, o hersinii ɗum'en yeeso yimɓe fuu.

Ibraninkooɓe 2:18

Kanko e hoore makko, o ndaartindoraama torraaji. Saabe ɗuum, imo waawi wallude ndaartindeteeɓe ɓeen.

Ibraninkooɓe 5:7

Nde Iisaa wonnoo e leydi ndiin ndeen, waɗirii du'aawuuji e bullaali cattuɗi e gonɗi, nyaagake Laamɗo baawɗo hisinde ɗum e maayde oon. Laamɗo jaɓanii mo saabe ko o ɗowtanii ɗum.

1 Yuhanna 3:10

Inan ko hollata ɓiɓɓe Laamɗo e ɓiɓɓe Ibiliisa: mo gollataa ko fonnditii fuu, wanaa neɗɗo Laamɗo. Mo yiɗaa sakiraaɓe muuɗum du, hono noon worri.

1 Yuhanna 3:8

Kaa luttoowo wo neɗɗo Ibiliisa, sabo Ibiliisa wo luttoowo gilla e fuɗɗoode. Saabe majjum Ɓii Laamɗo oon wardi faa halka golle Ibiliisa.

1 Yuhanna 5:5

Moy jaalotoo adunaaru? Walaa fuu jaalotooɗo ndu si wanaa goonɗinɗo Iisaa woni Ɓii Laamɗo.

Holleede 12:17

Kuungal manngal ngaal tikkani debbo oon sanne, yehi haɓoyde e heddiiɓe e ƴuwdi debbo oon. Ɓeen ngoni ɗowtaniiɓe jamirooje Laamɗo de tiigii seedaaku ngu Iisaa waddi nguun.

Holleede 13:7

Nga hokkaama baawɗe faa nga haɓa e seniiɓe ɓeen, nga jaaloo ɗum'en. Nga hokkaa baawɗe laamaade lenyi fuu e siyiiji yimɓe fuu e ɗemle fuu e laamorɗe fuu.

Holleede 2:10

Taa hulu torra ɓadiiɗo hewtude ma. Ndaar, Ibiliisa ɓadake faɗɗude woɓɓe maaɗa ley kasu faa filoo jarribaade ma. A torrete balɗe sappo. Laatoɗaa koolniiɗo faa e maayde, de mi hokke nguurndam nduumiiɗam laatane kufune jaalorgal.

Holleede 20:10

Ibiliisa kiilannooɗo ɓe oon faɗɗaa e weendu yiite e sitti nduun, ɗo ndaabaawa ngaan e annabaajo peneejo oon ngoni ɗoon. Ɓe njukketee ɗoon jemma e nyalooma faa abada.