Fuɗɗoode 28:18 - Dewtere Laamɗo Fulfulde Burkina Faso

¹⁸ Ndeen Yaakuuba dawi law, hooƴi hayre nde wawlinoo ndeen, darni nde, waɗi maande miccinoore. O joori nebbam dow hayre ndeen.

Fuɗɗoode 28:18 ပူးပေါင်းရင်းမြစ်များ

Fuɗɗoode 21:14

Ibrahiima dawi gilla subaka kecco, hooƴi buuru e sumalle ndiyam, wakkini Hajara, hokki ɗum suka oon de dillini ɗum. O dilli, imo yiiltoo ley ladde Beerseba yoornde.

Fuɗɗoode 22:3

Ibrahiima dawi gilla subaka kecco, seeli leɗɗe duppirteeɗe sadaka, rimndi araawa muuɗum de yaadi e gollooɓe muuɗum ɗiɗo e Isiyaaka ɓiyum oon. O yehi nokku to Laamɗo sifanii o oon.

Fuɗɗoode 28:11

Naange yani mo nokku gomma, o tawi sanaa o walaa ɗoon. O hooƴi hayre, o wawlii, de o fukkii ɗoon.

Fuɗɗoode 31:13

Miin woni Laamɗo ɓanganɗo ma Baytila, nokkuure ɗo ndarnuɗaa hayre miccinoore de njooruɗaa ɗum nebbam ndeen. Nokku ɗo kunaniɗaa kam ɗoon. Joonin, umma yaltu leydi ndi, njeccoɗaa leydi bammaa.»

Fuɗɗoode 31:45

Yaakuuba hooƴi hayre, darni nde faa nde laatoo maande miccinoore.

Fuɗɗoode 35:14

Yaakuuba darni hayre nokku ɗo ɓe kaaldi ɗoon. O joori nebbam dow mayre, o joori du sadaka njaram.

Fuɗɗoode 35:20

Yaakuuba darni hayre dow saabeere makko. Ɗum laatii maande saabeere Rahiina faa hannden.

2 Samuwiila 18:18

Tawi nde Absalom wondunoo e yonki ndeen, darniino bimmbeere ley naɗɗol kaanankooɓe, sabo na miiloo walaa ɓiɗɗo gorko tabintinoowo innde muuɗum. O inndiri bimmbeere ndeen innde makko. Faa hannden inde wi'ee Bimmbeere Absalom.

Tindinoowo 9:10

Ko ngollataa ɗuum, ngolliraa ɗum semmbe maa, sabo saabeere to ponndiɗaa toon, golle ngalaa, dabare walaa, anndal walaa, hakkilantaaku du walaa.

Limle 7:1

Nyannde Muusaa yottinnoo darnude hukum Ceniiɗo oon, o rufi nebbam ceninirɗam dow hukum oon faa o senina ɗum. Noon du, o seniniri kujje gonɗe ley hukum oon e hirsirde ndeen e gollitirɗe muuɗum fuu. O rufi nebbam ɗaam dow majje ɗe fuu.

Yoosuwa 4:9

Yoosuwa darni kaaƴe 12 goɗɗe hakkunde Urdun, nokku ɗo almaami'en wakkiiɓe keesuwal ngaal ndarinoo ɗoon. Toon ɗe ngoni faa warde hannden.

1 Samuwiila 7:12

Ndeen Samuwiila hooƴi hayre, wallini nde hakkunde wuro Mispa e wuro Sen, de inndiri nde Ebeneser, ɗum woni «Haayre Walloore». Sabo o wi'ii, «Illa ndeen faa hannden Joomiraaɗo wallii en.»