Joomiraaɗo ɓangani mo ley jemma, wi'i: — Miin woni Laamɗo bammaa Ibrahiima. Taa hulu, sabo miɗo wondi e maaɗa. Mi barkinte, mi ɗuuɗinan ƴuwdi maa saabe maccuɗo am Ibrahiima.
Keddoɗaa ley leydi ndi ɗo. Mi wondan e maaɗa, mi barkinte. Sabo wo aan e ƴuwdi maa kokkammi leydi ndii fuu. Mi hiɓɓinan hunayeere nde kunaniimi bammaa Ibrahiima ndeen.
Maleyka kisinɗo kam e sii torra fuu, barkina sukaaɓe ɓee. Innde am e innde saaraaɓe am Ibrahiima e Isiyaaka, keddoo saabe maɓɓe. Ɓe ɗuuɗa faa ɓe keewa ley adunaaru.
Laamɗo wi'i o: — Mi wondan e maaɗa. Inan maande holloore wo miin neli ma. Nde mburtinɗaa yimɓe ɓeen Misira fu, on fuu on ngaran teddinon kam dow waamnde ndee.
Mi miccitoto amaana am mo ngaddunoomi e maamiraaɓe maɓɓe, ɓe mburtinnoomi leydi Misira e gite lenyi goɗɗi faa mi laatoo Laamɗo muɓɓen ɓeen. Miin woni Joomiraaɗo.
Laatee yimɓe semmbiɗinɓe suusuɓe. Taa kulee, taa accee ɓe kulɓina on. Joomiraaɗo, Laamɗo mooɗon kam e hoorem na wondi e mooɗon. Abada o yoppataa on, o tottitataako on.