Fuɗɗoode 27:28 - Dewtere Laamɗo Fulfulde Burkina Faso

²⁸ Laamɗo jippinane peewol saawoore ƴuurunde dow. O hokke du leydi lobbiri e alkama ɗuuɗɗo, e inaboojam keewɗam.

Fuɗɗoode 27:28 ပူးပေါင်းရင်းမြစ်များ

Fuɗɗoode 27:37

Isiyaaka jaabii Isuwa, wi'i: — Ndaar, mi waɗii mo jooma, mi hokkii mo rimdaaɓe makko fuu ngollana mo, mi yooɓinii mo alkama e inaboojam. Ndelle ɗume mbaawumi waɗande ma katin, suka am?

Fuɗɗoode 27:39

Baabiiko Isiyaaka wi'i mo: Wuro maaɗa woɗɗoto e leydi lobbiri, ngoodundi barke, ndi saawoore kammu jippataako dow muuɗum.

Fuɗɗoode 45:18

Ngardowon e baabii on e koreeji mon to am. Mi hokkan on to ɓuri wooɗude e leydi Misira fuu. On nyaaman ko ɓuri welde ley leydi ndii.»

Fuɗɗoode 49:20

Aser jogoto neema gooduɗo nebbam. O waɗanan laamiiɓe neemaaji belɗi.

Fuɗɗoode 49:25

Laamɗo bammaa oon wallete, Jom Baawɗe oon barkinante huunde fuu, barkeeji ƴuurooji dow kammu, barkeeji ilam mbaaliiɗam e leydi, barkeeji enndu e enɗam.

2 Samuwiila 1:21

Onon baamle Gilbo'a, Taa keɓon saawandere naa ƴuwoonde, naa gese kokkooje nyaamri. Sabo toon wawaadeeji cemtinaa, toon wawaade Sawulu wujaaka nebbam.

1 Kaanankooɓe 17:1

Iliyaasa wo neɗɗo Tisibi, leydi Galaad. Kanko wi'i Ahabi kaananke Israa'iila: — Mi hunorake Joomiraaɗo, Laamɗo Israa'iila buurɗo mo ɗowtantoomi oon, sikke walaa, ley duuɓi garooji ɗi, ƴoonde toɓataa, saawoore waɗataa si wanaa miin ŋaarii ɗum waɗa.

1 Kaanankooɓe 5:11

Imo ɓurnoo neɗɗo fuu hakkillo, fay Etan Ejraahiijo. Imo ɓuri du Himaan e Kalkol e Darda ɓiɓɓe Mahola fuu. Innde makko nanaama nder leyɗe piiliiɗe ɓe fuu.

Banndi 19:12

Tikkere kaananke, wo bojji laddeeru, moƴƴere muuɗum du, saawandere dow huɗo.

Banndi 3:20

Anndal makko wurtini diyeele e leydi, waɗi duule njippini saawandere.

Limle 13:20

Ndaaron no leydi gese maɓɓe wa'i, yalla wo mbuurndi naa wo mbaatundi. Ndaaron yalla indi woodi leɗɗe naa ndi walaa. Taa kulon, ngartidon e ɓiɓɓe leɗɗe mayri. Tawi wakkati oon inabooje puɗɗata ɓenndude.

Limle 18:12

Mi hokkii ma ko ɓuri wooɗude e nebbam e cabijam kesam e alkama, e ko artii ɓenndude e gese ko Israa'iila'en ngaddanta kam fuu.

Romankooɓe 11:17

Joonin le, Israa'iilankooɓe ina nga'i hono no lekki jaytun ki licce muuɗum goɗɗe caltaa. Aan mo wanaa Alhuudiyanke nannduɗo e liccal jaytun laddeehi, a waddaama, a dobaama e jaytun kiin. Nii keɓirɗaa ngeɗu e ko ƴuurata e ɗaɗi jaytun kiin. Aɗa heɓa barke lekki kiin, aɗa mawnida e licce goɗɗe ɗeen.

Fillitagol 32:2

Anndal am saakoroo hono baade ƴoonde, haala am du wa'a hono toɓɓe saawoore. Ka laatoo hono toɓo dow huɗo, hono baade ndiyam dow huɗo hecco.

Fillitagol 33:13

Inan no Muusaa barkiniri ƴuwdi Yuusufi: Joomiraaɗo barkina leydi maɓɓe, ɓe keɓan saawoore lobbere ƴuuroore e kammu, e ndiyam iloojam e leydi.

Fillitagol 33:28

Israa'iila na jooɗii e jam, walaa torrooɓe Yaakuuba. Imo wuuri ley leydi ndimoori alkama, keewndi inabooje, saabe barke Joomiraaɗo ƴuuroowo kammu.

Fillitagol 7:13

O yiɗan on, o barkina on de o ɗuunna on. O barkinan ɓeyngu mooɗon, wooɗi du, o barkinan alkama mon e inaboojam mon e nebbam mon, e ɓiɓɓe gese mon fuu. Daabaaji mon pamari e mawɗi fuu ngaɗan barke ley leydi ndi o hunanii maamiraaɓe mon o hokkan on ndiin.

Ibraninkooɓe 11:20

Saabe goonɗinal, Isiyaaka barkiniri Yaakuuba e Isuwa. O faami ko o barkini ɓe ɗuum tabitan jaango.

Yoosuwa 5:6

Wooɗi yimɓe Israa'iila ngaɗiino duuɓi 40 ina njaha ley ladde. Wakkati majjum ɓe keɓaay taadude ɓiɓɓe maɓɓe worɓe. Waawɓe konu wurtiiɓe Misira ɓeen du fuu maayii nder ladde saabe ko ɓe ɗowtanaaki Joomiraaɗo ɗuum. Joomiraaɗo hunii, wi'i ɓe nji'ataa leydi ndi o hunaninoo maamiraaɓe maɓɓe o hokkan en, enen taaniraaɓe maɓɓe, ndi kosam e njuumndi heewi e muuɗum ndiin.