Fuɗɗoode 24:40 - Dewtere Laamɗo Fulfulde Burkina Faso

⁴⁰ O wi'i kam: «Joomiraaɗo mo o jokki laawol muuɗum oon nelan maleyka muuɗum yeeso am faa laawol am gasa, mi ɓaŋana ɓiyiiko oon debbo ley jeydaaɓe makko e suudu baabiiko.

Fuɗɗoode 24:40 ပူးပေါင်းရင်းမြစ်များ

Fuɗɗoode 17:1

Nde Abram hewtunoo duuɓi 99 ndeen, Joomiraaɗo ɓangani ɗum wi'i: — Miin woni Laamɗo Jom Baawɗe. Njokkaa laawol am, laatoɗaa ponnditiiɗo.

Fuɗɗoode 24:56

O jaabii ɓe, o wi'i: — Taa kanndee kam, sabo Joomiraaɗo moƴƴinii laawol am. Accee kam mi nannga laawol am, mi hoota to joomam.

Fuɗɗoode 24:7

Laamɗo Joomiraaɗo taguɗo kammu oon ƴuwni kam suudu baaba am e leydi ndi ndimaami ndiin. O hunanii kam, o wi'i: «Wo ƴuwdi maa kokkammi leydi ndii.» Wo kanko nelata maleyka makko yeeso maaɗa, faa ɓaŋanaa ɓiyam debbo toon.

Fuɗɗoode 48:15

O barkini Yuusufi e ƴuwdi muuɗum, o wi'i: — Laamɗo mo baabiraaɓe am Ibrahiima e Isiyaaka njokkunoo oon, reenii kam ley nguurndam am fuu.

Fuɗɗoode 5:22

Caggal rimeede Matusala, Henok wuuri duuɓi 300, e ley ɗum fuu imo wondi e Laamɗo. O rimi ɓiɓɓe worɓe e rewɓe

Fuɗɗoode 5:24

Henok wuuri ina wondi e Laamɗo. Caggal ɗuum, o yi'aaka, sabo Laamɗo adii mo.

Fuɗɗoode 6:9

Inan kabaaru Nuuhu e ɓiɓɓe muuɗum. Nuuhu wo gorko ponnditiiɗo mo walaa feloore e hakkunde yimɓe jamaanu muuɗum. O jokkii laabi Laamɗo.

1 Kaanankooɓe 2:3

Ngaɗaa muuyɗe Joomiraaɗo, Laamɗo maaɗa, njokka laabi muuɗum, ɗowtanoɗaa jamirooje muuɗum, ndewaa sariyaaji e seedaakuuji muuɗum e ko winnda ley Tawreeta Muusaa fuu. Ndeen a heɓan barke ley golle maaɗa e ley laabi maaɗa fuu.

1 Kaanankooɓe 3:6

Suleymaana jaabii wi'i: — A hollii maccuɗo maaɗa baaba am Daawda njinngu koolniingu manngu sabo o ɗowtanake ma e hoolaare e fonnditaare e laaɓal ɓernde. A reenanii mo njinngu koolniingu ko kokkuɗaa mo ɓiɗɗo loomtuɗo mo dow jooɗorgal laamu makko, iɗum laatorii noon hannden.

1 Kaanankooɓe 8:23

o wi'i: — Joomiraaɗo, Laamɗo Israa'iila, hono maaɗa walaa, walaa dow kammu, walaa dow leydi. Aɗa reena amaana, aɗa holla maccuɓe maaɗa jokkirɓe ma e ɓerɗe muɓɓen fuu ɓeen njinngu koolniingu.

2 Kaanankooɓe 20:3

Yaa Joomiraaɗo, miɗo ŋaare miccitoɗaa no mbuurdunoomi yeeso maaɗa e hoolnaare e ɓernde wootere. Mi waɗii ko wooɗi yeeso maaɗa. Ndeen o wulli bojji cattuɗi.

Wurtagol 23:20

Mi nelan maleyka yeeso mooɗon deenoowo on dow laawol faa yaara on nokkuure nde moƴƴinanmi on ndeen.

Wurtagol 33:2

Mi nelan maleyka ardoo on de mi riiwa Kanaaninkooɓe e Amorinkooɓe e Hittiyankooɓe e Perisinkooɓe e Hewinkooɓe e Yebusinkooɓe.

Ibraninkooɓe 1:14

Ɗume woni maleyka'en? Ɓe fuu wo ɓe ruuhuuji gollanooji Laamɗo ɗi o nulata faa ngollana heɓooɓe kisindam ɓeen.

Holleede 22:16

Miin Iisaa, mi nulii maleyka am faa seedoo kulle ɗe e ley kawrite goonɗinɓe ɗeen. Miin woni ɗaɗol Daawda, wo mi ƴuwdi Daawda du. Miin woni hoodere fajiri jalboore ndeen!

Holleede 22:8

Wo miin, Yuhanna, woni nanuɗo, ji'uɗo kulle ɗeen fuu. Caggal ko nanumi e ko nji'umi ɗuum, kippiimi e leydi to koyɗe maleyka kollannooɗo kam oon faa mi sujidana ɗum.