Fuɗɗoode 22:12 - Dewtere Laamɗo Fulfulde Burkina Faso

¹² Joomiraaɗo wi'i: — Taa junngo maa yottoo suka oon! Taa ngaɗaa mo fay gootum, sabo joonin kaa, mi annditii wo a kuloowo Laamɗo. A salanaaki kam ɓiya korsuɗo gooto mo njogiɗaa oon.

Fuɗɗoode 22:12 ပူးပေါင်းရင်းမြစ်များ

Fuɗɗoode 20:11

Ibrahiima jaabii, wi'i: — Mi miilake yimɓe nokkuure nde kulataa Laamɗo fay seeɗa, mi miilake du ɓe mbaran kam saabe deekam oon.

Fuɗɗoode 22:13

Ibrahiima ɓanti gite muuɗum de yi'i njawdiri, luwe muuɗum na ngadii e wuumoore. O yehi o nanngowi ndi, o waɗani Joomiraaɗo sadaka buleteeɗo, lunnde ɓiyiiko oon.

Fuɗɗoode 22:16

O wi'i: — Inan konngol Joomiraaɗo: «Mi hunorake e innde am, saabe ko ngaɗuɗaa ɗuum, a salanaaki kam ɓiya gooto korsuɗo mo njogiɗaa oon,

Fuɗɗoode 22:2

Joomiraaɗo wi'i o: — Adu Isiyaaka, ɓiya korsuɗo mo njiɗɗaa sanne oon, njahaa leydi Moriya, ngaɗaa mo sadaka buleteeɗo dow waamnde mawnde nde kollanmaami ndeen.

Fuɗɗoode 26:5

Mi waɗiran noon sabo Ibrahiima hettindanake kam. O tinnake e jamirooje am e ekintinooje am e sariyaaji am.

Fuɗɗoode 42:18

Nyannde tataɓerde ndeen, Yuusufi wi'i ɓe: — Inan no ngaɗoton de mbuuron, sabo miin wo mi kuloowo Laamɗo.

Nehemiya 5:15

Goforneere'en artiiɓe kam na njowaanno ko teddi dow yimɓe, nyannde fuu iɓe njoɓno ɓe buuɗi cardi 40 e nyaamndu e cabijam. Fay gollooɓe maɓɓe na ɓeyɗannoo ɗum. Ammaa miin ka, saabe kulol Laamɗo, mi waɗaay noon.

Ayuuba 1:1

Ina woodunoo gorko gomma jeyaaɗo leydi Us bi'eteeɗo Ayuuba. Wo laaɓuɗo, dartiiɗo, kulɗo Laamɗo, bosiiɗo ko boni fuu.

Ayuuba 28:28

De o wi'i neɗɗo: — Ndaar! Kulol Joomiraaɗo, kam woni hakkillo, wosaade ko boni du woni paamal.

Ayuuba 5:19

O hisinte e torra fay si wo ɗi torraaji jeegom naa jeɗɗi, no torraaji poti fuu bonandaaji ɗiin kewtataako ma.

Wurtagol 20:20

Muusaa wi'i yimɓe ɓeen: — Taa kulee sabo Laamɗo ina ndaartinoo on faa kulol mum wona ley ɓerɗe mooɗon, taa ngaɗon hakke.

Banndi 1:7

Hulude Joomiraaɗo woni puɗɗam anndal, wo puuyɗo yawata hakkillo e ekintinol.

Tindinoowo 12:13

Jonkaa ɗum fuu ɗum nanaama, inan timmoode haala ka: Kulaa Laamɗo de kaybaa jamirooje muuɗum, sabo ɗuum woni fuu ko neɗɗo haani waɗude.

Matta 16:24

Caggal ɗuum, o wi'i taalibaaɓe makko ɓeen: — Muuyɗo jokkude kam fuu, sela ndaarude hoore muuɗum, hooƴa leggal muuɗum palaangal, jokka kam.

Matta 19:29

Neɗɗo fuu joppuɗo suudu mum, naa sakiraaɓe mum worɓe e rewɓe, naa inna mum, naa bammum, naa sukaaɓe mum, naa gese mum saabe am fu, heɓan ko ɓuri ɗum kile hemre, katin du heɓan nguurndam nduumiiɗam.

Matta 5:16

Hono noon annoora mooɗon haani yaynirde yeeso yimɓe, faa nji'a golleeji lobbi ɗi ngaɗoton, de njetta Baaba mooɗon gonɗo dow kammuuli oon.

Yuhanna 3:16

Sabo Laamɗo ina yiɗi yimɓe adunaaru faa hokkitiri Ɓiyum bajjo, faa goonɗinɗo oon fuu taa halka ammaa heɓa nguurndam nduumiiɗam.

Golle Nelaaɓe 9:31

Ndeen kawrital goonɗinɓe ngaal heɓi jam ley Yahuudiya e Galili, kam e Samariya fuu. Ngal ɓeydi semmbe, ngal yehi yeeso e kulol Joomiraaɗo, ngal ɓeydii heewude saabe ballal Ruuhu Ceniiɗo.

Romankooɓe 5:8

Ammaa Laamɗo hollii no yiɗiri en ko Almasiihu maayanii en gilla en luttuɓe.

Romankooɓe 8:32

Kanko, fay Ɓiyiiko oon e hoore muuɗum o haɗaay en, o hokkitirii ɗum saabe meeɗen en fuu. Si noon woni moƴƴere makko, wanaa o hokkidan en e muuɗum huunde fuu naa?

1 Korintunkooɓe 10:13

Walaa torra ndaartintooɗo on mo hewtataa ɓii-Aadama fuu. Wooɗi, Laamɗo wo koolniiɗo, accataa ndaartindeɗon ko ɓuri semmbe mon. Ley ndaartindaare ndeen o hokkan on laawol no mburtoroɗon nde faa mbaawon munyande nde.

2 Korintunkooɓe 8:12

Sabo si neɗɗo anniyake waɗude moƴƴere fu, dokkal ngaal ina weli Laamɗo fodde baawɗe kokkoowo oon. Laamɗo ƴamataa neɗɗo ko walaa.

Ibraninkooɓe 11:19

Ibrahiima ina jogorii Laamɗo ina waawi ummintinde ɓiyum Isiyaaka e maayde. Saabe hoolaare ndeen, o wartiranaa ɓiyiiko hono wo ummitiiɗo e maayde.

Ibraninkooɓe 12:28

Ndelle wo laamu ngu dimmbataako keɓeten. Saabe ɗuum, njetten Laamɗo, ndewren mo no weldata mo tawee e leeƴinkinaare e kulol.

Yaakuuba 2:18

De si goɗɗo wi'ii ma: «Aan, wo a jom goonɗinal, miin, mi jom golle», ndeen, mi jaaboto joomum, mi wi'a: «Hollam goonɗinal maa tawee waldaa e golleeji lobbi si aɗa waawi. Miin du mi hollirte golle am wo mi goonɗinɗo.»

Holleede 19:5

Daande ƴuuri to jooɗorgal toon, ina wi'a: — Njettee Laamɗo meeɗen, onon maccuɓe muuɗum fuu, onon hulooɓe ɗum, tedduɓe e lo'uɓe!

1 Samuwiila 15:22

Samuwiila wi'i: Ɗume ɓuri welde Joomiraaɗo? Kirsamaaji buleteeɗi e sadakaaji kirseteeɗi naa ɗowtanaade konngol Joomiraaɗo? Hettinda! Ɗowtanaade ɗum na ɓuri kirsamaaji, jaɓande ɗum du na ɓuri ɓellere jawɗi.