Fuɗɗoode 21:17 - Dewtere Laamɗo Fulfulde Burkina Faso

¹⁷ Laamɗo nani daande cukalel ngeel. Maleyka Laamɗo ƴeewnii illa dow kammuuli noddi Hajara, wi'i ɗum: — Ɗume danyi maa Hajara? Taa hulu, sabo Laamɗo nanii daande suka oon faa to woni toon.

Fuɗɗoode 21:17 ပူးပေါင်းရင်းမြစ်များ

Fuɗɗoode 15:1

Caggal ɗuum, konngol Joomiraaɗo wari e Abram, wi'i: — Taa hulu Abram! Miin woni wawaade maaɗa, mbarjaari maa mawnan sanne.

Fuɗɗoode 16:11

Maleyka Joomiraaɗo oon wi'i mo katin: Inan aɗa wondi e reedu, A riman ɓiɗɗo gorko, Inndiraa ɗum Ismaa'iila (ɗum na fiirta «Laamɗo nanii»), sabo Joomiraaɗo nanii bullaali maa ɗiin.

Fuɗɗoode 16:7

Maleyka Joomiraaɗo tawi mo ɗakkol ildude wonnde ley ladde yoornde dow laawol Sur

Fuɗɗoode 16:8

de wi'i o: — Hajara, korɗo Saaray, toy ƴuuruɗaa? Toy njahataa? O jaabii, o wi'i: — Wo mi doggu joomam Saaray.

Fuɗɗoode 16:9

Maleyka oon wi'i mo: — Yecca to jooma debbo oon de leeƴinaa hoore maa yeeso makko.

Fuɗɗoode 22:11

Ammaa wakkati oon, Maleyka Joomiraaɗo ƴeewnii illa dow kammuuli, noddi mo wi'i: — Ibrahiima! Ibrahiima! O jaabii, o wi'i: — Inani kam!

Fuɗɗoode 24:7

Laamɗo Joomiraaɗo taguɗo kammu oon ƴuwni kam suudu baaba am e leydi ndi ndimaami ndiin. O hunanii kam, o wi'i: «Wo ƴuwdi maa kokkammi leydi ndii.» Wo kanko nelata maleyka makko yeeso maaɗa, faa ɓaŋanaa ɓiyam debbo toon.

Fuɗɗoode 26:24

Joomiraaɗo ɓangani mo ley jemma, wi'i: — Miin woni Laamɗo bammaa Ibrahiima. Taa hulu, sabo miɗo wondi e maaɗa. Mi barkinte, mi ɗuuɗinan ƴuwdi maa saabe maccuɗo am Ibrahiima.

Fuɗɗoode 46:3

Laamɗo wi'i: — Miin woni Laamɗo, miin woni Laamɗo bammaa. Taa hulu yaade Misira, sabo wo toon ɗuuɗinanmi ƴuwdi maaɗa.

2 Kaanankooɓe 13:23

Ammaa Joomiraaɗo yurmake ɓe, hollii ɓe moƴƴere muuɗum saabe amaana mo waddunoo e Ibrahiima e Isiyaaka e Yaakuuba. O muuyaay halkude ɓe wooɗi du, o muuyaay riiwude ɓe ɗakkol makko faa warde hannden.

2 Kaanankooɓe 13:4

Ndeen Yehowakas ŋaarii Joomiraaɗo waaltinana ɓe tikkere muuɗum. Joomiraaɗo jaabii du'aare makko, sabo yi'i torra ka kaananke Siiriya yarnata Israa'iila'en kaan.

Wurtagol 14:13

Muusaa jaabii yimɓe ɓeen, wi'i: — Taa kulee. Ndaree wooɗa, on nji'an no Joomiraaɗo hisinirta on hannden. Sabo Misirankooɓe ɓe nji'oton hannden ɓe, on nji'ataa ɓe katin faa abada.

Wurtagol 22:23

de mi tikkane, mi warde kaafaahi. Rewɓe mooɗon keddoo ngalaa goriraaɓe, ɓiɓɓe mooɗon du laatoo atiime'en.

Wurtagol 22:27

Taa mbonkee Laamɗo, taa kuɗee ardiiɗo lenyol mooɗon.

Wurtagol 3:2

Maleyka Joomiraaɗo ɓangani mo ley lewngol yiite hakkunde wuumoore. O haynii, o yi'i inan wuumoore ina huɓɓa ammaa yiite ngeen nyaamata nde.

Wurtagol 3:7

Joomiraaɗo wi'i: — Goonga, mi yi'ii mettorgal yimɓe am ley Misira. Mi nanii bullaali maɓɓe saabe torrooɓe ɓe. Miɗo anndi torraaji maɓɓe.

Matta 15:32

Iisaa noddi taalibaaɓe muuɗum ɓeen, wi'i ɗum'en: — Yimɓe ɓe ina njurminii kam, sabo hannden woni balɗe tati iɓe ngondi e am, de ɓe ngalaa ko ɓe nyaama. Mi yiɗaa yoppude ɓe ndilla tawee ɓe nyaamaay, sabo hasii yolbere liɓowan ɓe dow laawol.

Marka 5:36

Kaa Iisaa hiisaaki haala maɓɓe, wi'i Jayrus: — Taa hulu, goonɗin tan!

Fillitagol 26:7

Ndeen min mbullitii to Joomiraaɗo, Laamɗo maamiraaɓe amin. Joomiraaɗo du, nani daaɗe amin, o yi'i torraaji e mettorgal e bone mo min njarnetee fuu.

Ardiiɓe 18:23

Mika'en ƴeewnii yimɓe Dan, de ɓeen njeeƴii, ƴami Mika: — Ɗume hewtii ma de kawrinɗaa yimɓe ɓee fuu faa kaɓaa e amin?

1 Samuwiila 11:5

Wakkati oon Sawulu ina warta wuro ina jokki ga'i muuɗum. O ƴami: — Ɗume hewti yimɓe ɓe ko iɓe mbulla? De ɓe kaalani mo ko yimɓe wuro Yabes mbi'i.