Fuɗɗoode 2:17 - Dewtere Laamɗo Fulfulde Burkina Faso

¹⁷ Ammaa taa nyaamu ɓiɓɓe lekki anndinoohi ko boni e ko wooɗi kiin, sabo nde nyaamuɗaa ɓiɓɓe makki fu, a maayan.

Fuɗɗoode 2:17 ပူးပေါင်းရင်းမြစ်များ

Fuɗɗoode 2:9

Laamɗo Joomiraaɗo funni e leydi sii leɗɗe muuyniiɗe ndaarude ɗe ɓiɓɓe muɓɓen mbeli nyaamude fuu. O funni lekki nguurndam hakkunde ngesa ngaan, kam e lekki anndinoohi ko wooɗi e ko boni kiin.

Fuɗɗoode 20:7

Joonin kaa, hokkitin gorko oon deekum, sabo o annabaajo. O du'ante heɓa mbuuraa. Ammaa si a hokkitaay mo fu, tennyoraa a maayan, aan e jeydaaɓe maa fuu.

Fuɗɗoode 3:11

Laamɗo Joomiraaɗo wi'i: — Mooy haalani ma ɓanndu ɓoldu ngonɗaa? Ndelle a nyaamii ɓiɓɓe lekki ki mbiimi taa nyaamaa kiin naa?

Fuɗɗoode 3:17

Laamɗo wi'i gorko oon: — Saabe ko njaɓuɗaa haala deeka de nyaamuɗaa ɓiɓɓe lekki ki kaɗumaami nyaamude ɗuum: leydi huɗaama saabe maa. E tampiri keɓirtaa nyaamdu ley nguurndam maa fuu.

Fuɗɗoode 3:19

E nguli maaɗa keɓirtaa nyaamdu, faa nde njeccoyɗaa e leydi ndi ittaɗaa e muuɗum ndiin. Sabo wo a sollaare, ley mayre du njeccotoɗaa.

1 Kaanankooɓe 2:37

Sabo nyannde mburtiɗaa wuro ngo de peƴƴuɗaa gooruwol Kidiron fu, laamna a maayan. Ƴiiƴam maa wartan dow hoore maaɗa.

1 Kaanankooɓe 2:42

Kaananke nelani Simey, wi'i ɗum: — Wanaa mi waɗiino kunoɗaa yeeso Joomiraaɗo, mi sappaniino ma taa mburtoɗaa wuro ngo, sabo nyannde mburtiɗaa ngo fu, a maayan. Aan du njaabiɗaa kam mbiiɗaa na wooɗi, a faamii.

Limle 26:65

Sabo Joomiraaɗo wi'iino ɓe maayan ley ladde ndeen, wooɗi du, wo noon ɗum laatorii: Kaalibu ɓii Yefunne e Yoosuwa ɓii Nuun tan keddii.

Romankooɓe 1:32

Iɓe anndi ko Laamɗo yamiri: gaɗoowo golleeji ɗi fuu ina haani maayde. Ammaa wanaa golleeji ɗiin tan ɓe ngaɗata, iɓe njardoo woɓɓe du ngaɗa ɗi.

Romankooɓe 6:16

On paamaay naa? Si on kokkii goɗɗo ko'e mon faa ngollanon ɗum, ɗowtanoɗon ɗum fu, on laatake maccuɓe mo ɗowtantoɗon oon. Ndelle, naa on laatake maccuɓe hakke jaaroowo on e maayde, naa on ɗowtanake Laamɗo jaaroowo on e fonnditaare.

Romankooɓe 6:23

Sabo njobdi hakke wo maayde, ammaa dokkal Laamɗo wo nguurndam nduumiiɗam e ley kawtal Iisaa Almasiihu Joomiraaɗo meeɗen.

Romankooɓe 8:2

sabo baawɗe Ruuhu kokkooje en nguurndam saabe Iisaa Almasiihu ɗeen ndimɗinii en e baawɗe hakke e maayde fuu.

1 Korintunkooɓe 15:22

No yimɓe fuu maayirta saabe kawtal muɓɓen e Aadama, hono noon du yimɓe fuu ummintinirtee saabe kawtal muɓɓen e Almasiihu.

1 Korintunkooɓe 15:56

Tooke pooɗooje maayde wo hakke. Hakke du hemrii baawɗe saabe jamirooje Tawreeta.

Galaatiyankooɓe 3:10

Ammaa yowuɓe jikke muɓɓen e jokkude Tawreeta Muusaa ɓeen kuddi ina woni dow muɓɓen. Sabo ina winndaa: «Kuddi woodanii neɗɗo fuu mo jokkaay ko woni e dewtere Tawreeta ndeen faa hiɓɓi.»

Efeesunkooɓe 5:14

sabo huunde fuu ko ɓanginaa yaynan. Ɗum waɗi de na wi'ee: «Aan ɗaaniiɗo, finu! Umma e hakkunde maayɓe, Ndeen annoora Almasiihu yaynante.»

Fillitagol 27:26

Kuddi woodana mo ɗowtanaaki ko haalaaji Tawreeta ɗiin mbi'i, mo waɗaay ko yamiraa ɗuum. Ndeen yimɓe fuu njaaboo mbi'a: «Aamiina.»

Fillitagol 30:15

Inan mi waddii yeeso mooɗon hannden nguurndam e jam tawti maayde e bone.

Fillitagol 30:19

Kammu e leydi ceedanoo kam hannden mi waddii nguurndam e maayde, tawti barke e kuddi yeeso mooɗon. Ndelle cuɓee nguurndam faa mbuuron onon e ƴuwdi mon fuu.

Koloosiyankooɓe 2:13

On maaynooɓe saabe lutti mooɗon e saabe on laataakino yimɓe Laamɗo. Ammaa Laamɗo iirtindinii on e Almasiihu, yaafanake en lutti meeɗen fuu,

1 Timote 5:6

Ammaa debbo mo gorum maayi, pilotooɗo mbelirka adunaaru tan, wo maayɗo fay si wuuri.

Yaakuuba 1:15

Caggal ɗuum, si muuyɗe bonɗe aawaama fu, ndiman hakke. De si hakke mawnii fu, riman maayde.

1 Yuhanna 5:16

Ndelle, si won jiiɗo sakiike muuɗum ina waɗa hakke mo waddantaa ɗum maayde, o nyaaganoo ɗum Laamɗo, Laamɗo du hokkan ɗum nguurndam. De na woodi hakke gaddoowo maayde. Mi wi'aay nyaagoroɗon saabe hakke oon.

Holleede 2:11

Jom nowru fuu, nana ko Ruuhu haalanta kawrite goonɗinɓe ɗuum! Jaaliiɗo fuu, maayde ɗiɗaɓerde ndeen meemataa ɗum.»

Holleede 20:14

Maayde e laakara fuu paɗɗaa e weendu yiite nduun. Weendu nduun woni maayde ɗiɗaɓerde ndeen.

Holleede 20:6

Barke e senaare ngoodanii jeyaaɓe e ummital arandeyal ɓeen! Maayde ɗiɗaɓerde ndeen walaa ko waawani ɓe. Ɓe laatanto Laamɗo e Almasiihu almaami'en, ɓe laamodoo e Almasiihu duuɓi ujunere.

Holleede 21:8

Ammaa waatuɓe ɓerɗe e ɓe ngalaa goonɗinal e gollooɓe ko nyiddini e warooɓe yimɓe e fijooɓe e dabarankooɓe e rewooɓe tooruuji e fenooɓe ɓeen fuu, weendu yiite e sitti huɓɓooru nduun woni ngeɗu muɓɓen. Ɗum woni maayde ɗiɗaɓerde ndeen.

Ardiiɓe 3:2

O waɗii ɗum faa jamaanu oon ekitoo wolde, sabo ɓe anndaano wolde tafon.

1 Samuwiila 14:39

Mi hunorake Joomiraaɗo kisinoowo Israa'iila buurɗo, fay si hakke o e suka am Yonatan woni, na tilsi o maaya. De fay gooto hakkunde yimɓe wi'aay faa'e.

1 Samuwiila 14:44

Sawulu wi'i: — Laamɗo hiitam kiite mawɗe si mi waraay ma, Yonatan!

1 Samuwiila 20:31

Si ɓii Yesa na wuuri ley adunaaru ndu, aan e laamu maaɗa fuu, on tabitataa. Ndelle nanngaa mo ngaddaa to am, sanaa o waree!

1 Samuwiila 22:16

Ammaa kaananke wi'i: — Sikke walaa a maayan Ahimelek, aan e suudu baabaaɓe maa fuu.