Fuɗɗoode 18:30 - Dewtere Laamɗo Fulfulde Burkina Faso

³⁰ Ibrahiima wi'i katin: — Joomiraaɗo, taa ɓernu, won ko njiɗumi ɓeydude. De si fonnditiiɓe 30 tawaama toon le? O jaabii, o wi'i: — Mi halkataa ɓe si mi tawii toon fonnditiiɓe 30.

Fuɗɗoode 18:30 ပူးပေါင်းရင်းမြစ်များ

Fuɗɗoode 18:29

Ibrahiima haaldi e makko katin wi'i: — Si 40 tawaama toon le? Joomiraaɗo jaabii, wi'i: — Mi halkataa ɓe saabe fonnditiiɓe 40 ɓeen.

Fuɗɗoode 18:31

Ibrahiima ɓeydi katin, wi'i: — A yi'ii mi suusii haaldude e maaɗa, aan Joomiraaɗo. De si fonnditiiɓe 20 tawaama toon le? Joomiraaɗo wi'i: — Mi halkataa ɓe saabe fonnditiiɓe 20 ɓeen.

Fuɗɗoode 44:18

Yahuuda ɓattitii mo, wi'i: — Miɗo ŋaare joomam! Hettina faa maccuɗo maa haala konngol gootol. Taa metteɗaa e maccuɗo maa. Si goonga wo a hono Fira'awna.

Ayuuba 40:4

— Kay! Miin wo mi ɗume? Ɗume mbi'ammaami? Mi ommbiran hunnduko am e junngo am.

Ardiiɓe 6:39

Ndeen Gedeyon wi'i katin Laamɗo: — Taa mettin ɓernde maaɗa saabe am. Mi ɓeydan ŋaaraade ma huunde wootere. Miɗo yiɗi mi nawtoroo nguru nguun nde wootere katin. Accu saawandere soofina leydi fuu, de nguru nguun heddoo ina yoori koloŋ.