Fuɗɗoode 16:11 - Dewtere Laamɗo Fulfulde Burkina Faso

¹¹ Maleyka Joomiraaɗo oon wi'i mo katin: Inan aɗa wondi e reedu, A riman ɓiɗɗo gorko, Inndiraa ɗum Ismaa'iila (ɗum na fiirta «Laamɗo nanii»), sabo Joomiraaɗo nanii bullaali maa ɗiin.

Fuɗɗoode 16:11 ပူးပေါင်းရင်းမြစ်များ

Fuɗɗoode 17:19

Laamɗo jaabii, wi'i: — Wanaa noon! Saaratu deeka oon jaati rimante ɓiɗɗo gorko. Inndiraa mo Isiyaaka. Mi tabintinan amaana hakkunde am e makko, de amaana oon laatanto taaniraaɓe makko ley jamaanuuji fuu faa abada.

Fuɗɗoode 21:17

Laamɗo nani daande cukalel ngeel. Maleyka Laamɗo ƴeewnii illa dow kammuuli noddi Hajara, wi'i ɗum: — Ɗume danyi maa Hajara? Taa hulu, sabo Laamɗo nanii daande suka oon faa to woni toon.

Fuɗɗoode 37:25

Caggal ɗuum, ɓe njooɗii faa ɓe nyaama. Nde ɓe njooɗinoo fu, ɓe ɓanti gite maɓɓe, ɓe kaynii sewre geelooɗi Ismaa'iilankooɓe ina ƴuuri Galaad, na wara. Geelooɗi ɗiin ina ndimndaa ɗakke e nebbeele e urdiiji, faa njaara Misira.

Ayuuba 38:41

Moy hokkata daawuwal ko nyaamata, wakkati ɓikkoy muuɗum mbullotoo Laamɗo, nde koy njiiltotoo koy ngalaa neema?

Wurtagol 3:7

Joomiraaɗo wi'i: — Goonga, mi yi'ii mettorgal yimɓe am ley Misira. Mi nanii bullaali maɓɓe saabe torrooɓe ɓe. Miɗo anndi torraaji maɓɓe.

Wurtagol 3:9

Inan bullaali Israa'iila'en njottake kam. Katin du mi yi'ii ɓillaare nde Misirankooɓe ɓilli ɓe.

Luuka 1:13

Maleyka oon wi'i mo: — Jakariyaa taa hulu, sabo du'aare maa jaabaama. Deeka Elisabet rimante ɓiɗɗo gorko, inndiraa ɗum Yaayaa.

Luuka 1:31

a hooƴan reedu, ndimaa ɓiɗɗo gorko, inndiraa ɗum Iisaa.

Luuka 1:63

Jakariyaa ƴamani alluwal, winndi dow maggal: «Yaayaa woni innde maggel.» Ɓe fuu ɗum haaynii ɓe.

1 Samuwiila 1:20

ɓooyaay de o reedi, o rimi ɓiɗɗo gorko. O inndiri ɗum Samuwiila sabo o wi'ii, «Mi ŋaarake Joomiraaɗo ɓiɗɗo oon.»