Fuɗɗoode 12:7 - Dewtere Laamɗo Fulfulde Burkina Faso

⁷ Joomiraaɗo ɓangi e Abram, wi'i ɗum: — Wo ƴuwdi maa kokkammi leydi ndii. Abram mahani Joomiraaɗo sakkirde to ɓangani ɗum toon.

Fuɗɗoode 12:7 ပူးပေါင်းရင်းမြစ်များ

Fuɗɗoode 12:8

O eggi ɗoon, o yehi hayre wonnde lettugal Baytila o darnowi hukum makko toon. Baytila ina heedi o gorgal, Ayi du ina heedi o lettugal. Toon o mahani Joomiraaɗo sakkirde wonnde de o du'orii e innde Joomiraaɗo.

Fuɗɗoode 13:15

Leydi ndi nji'ataa ndiin fuu, wo aan e ƴuwdi maaɗa kokkammi ndi faa abada.

Fuɗɗoode 13:17

Umma, njiiltoɗaa e leydi ndiin, ndaaraa njuuteefi mayri e njaajeefi mayri sabo wo aan kokkammi ndi.

Fuɗɗoode 13:18

Abram eggi, darnoyi hukum muuɗum ley leɗɗe mawɗe ɗe Mamre, ley Heberon. Toon o nyiɓani Joomiraaɗo sakkirde.

Fuɗɗoode 13:4

to o nyiɓunoo sakkirde arande toon de o du'orii innde Joomiraaɗo.

Fuɗɗoode 15:18

Nyannde ndeen, Joomiraaɗo waddi amaana e Abram, wi'i ɗum: — Wo ƴuwdi maaɗa kokkammi leydi ndii, gilla maayo Misira faa yottoo Efrat, maayo manngo ngoon.

Fuɗɗoode 17:1

Nde Abram hewtunoo duuɓi 99 ndeen, Joomiraaɗo ɓangani ɗum wi'i: — Miin woni Laamɗo Jom Baawɗe. Njokkaa laawol am, laatoɗaa ponnditiiɗo.

Fuɗɗoode 17:3

Abram hippi yeeso muuɗum dow leydi. Laamɗo haaldi e makko katin wi'i:

Fuɗɗoode 17:8

Mi hokkete aan e ƴuwdi maaɗa ngaroori caggal maa, leydi ndi laatinoɗaa beero ley muuɗum ndiin ɗum woni leydi Kanaana. Leydi ndiin fuu laatoto jeyal maaɗa faa abada. Wooɗi miin du, mi laatoto Laamɗo ƴuwdi maaɗa.

Fuɗɗoode 18:1

Joomiraaɗo ɓangani Ibrahiima ɗakkol leɗɗe Mamre mawɗe, tawi imo jooɗinoo dammbugal hukum makko hakkunde naange.

Fuɗɗoode 22:9

Nde ɓe njottinoo nokku ɗo Laamɗo sifanii o ɗoon fu, Ibrahiima nyiɓi sakkirde. O hawrondini leɗɗe ɗeen. O haɓɓi Isiyaaka ɓiyiiko oon, o yowi ɗum dow leɗɗe sakkirde ndeen.

Fuɗɗoode 24:7

Laamɗo Joomiraaɗo taguɗo kammu oon ƴuwni kam suudu baaba am e leydi ndi ndimaami ndiin. O hunanii kam, o wi'i: «Wo ƴuwdi maa kokkammi leydi ndii.» Wo kanko nelata maleyka makko yeeso maaɗa, faa ɓaŋanaa ɓiyam debbo toon.

Fuɗɗoode 26:25

O nyiɓi toon sakkirde, o du'ii e innde Joomiraaɗo. O darni hukum makko. Gollooɓe makko mbasi ɓunndu ɗoon.

Fuɗɗoode 26:3

Keddoɗaa ley leydi ndi ɗo. Mi wondan e maaɗa, mi barkinte. Sabo wo aan e ƴuwdi maa kokkammi leydi ndii fuu. Mi hiɓɓinan hunayeere nde kunaniimi bammaa Ibrahiima ndeen.

Fuɗɗoode 28:13

Joomiraaɗo darii dow maggal, wi'i: — Miin woni Laamɗo, Joomiraaɗo bammaa Ibrahiima, Laamɗo Isiyaaka. Leydi ndi pukkiɗaa dow muuɗum ndiin, mi hokkete ndi, aan e ƴuwdi maa.

Fuɗɗoode 28:4

O hokke barke Ibrahiima, aan e ƴuwdi maa. Ndonaa leydi ndi ngonɗaa ley muuɗum, ndi Laamɗo hokki Ibrahiima ndiin.

Fuɗɗoode 32:30

Yaakuuba ƴami mo, wi'i: — Haalanam innde maa. O jaabii, o wi'i: — Ko saabii lamndiɗaa innde am? Ndeen oon barkini mo.

Fuɗɗoode 33:20

Yaakuuba darni toon sakkirde. O inndiri nde El-Elohe-Israa'iila.

Fuɗɗoode 35:12

Leydi ndi kokkumi Ibrahiima e Isiyaaka ndiin, mi hokkete ndi. Caggal maa du, mi hokkan ndi ƴuwdi maaɗa.

Fuɗɗoode 35:7

O nyiɓi toon sakkirde, o inndiri nokku oon Laamɗo Baytila, sabo ɗoon Laamɗo ɓangannoo mo nde o doggunoo mawniiko gorko ndeen.

Fuɗɗoode 50:24

Yuusufi wi'i sakiraaɓe muuɗum: — Mi ɓadake maayde. Ammaa Laamɗo wallan on. O wurtinan on e leydi ndi, o yaaran on ley leydi ndi o huninoo o hokkan Ibrahiima e Isiyaaka e Yaakuuba ndiin.

Fuɗɗoode 8:20

Nuuhu mahani Joomiraaɗo sakkirde. O itti ley daabaaji dagiiɗi e pooli dagiiɗi ɗiin fuu, o hirsi, o waɗi sadaka buleteeɗo dow sakkirde ndeen.

2 Samuwiila 24:25

Daawda darnani Joomiraaɗo hirsirde ɗoon, hirsi sadakaaji buleteeɗi e sadakaaji jeɗeteeɗi. Ndeen Joomiraaɗo sawrani yimɓe Israa'iila, jaɓii du'aawuuji muɓɓen, nyawu ndaaɓoowu nguun darii acci leydi Israa'iila.

1 Kaanankooɓe 18:32

Kaaƴe ɗeen Iliyaasa nyiɓitorani innde Joomiraaɗo hirsirde. O wasi ngayka mbaawka hooƴude hono liitereeji 15, o fiilni hirsirde ndeen.

1 Kabaaruuji Laamiiɓe 16:16

Taa njeggitee amaana mo o haɓɓidi e Ibrahiima, taa njeebee hunayeere nde o hunanii Isiyaaka.

1 Kabaaruuji Laamiiɓe 16:18

Imo wi'a: Mi hokkete leydi Kanaana, Ndi laatoo ndongu mooɗon.

Isira 3:2

Ndeen Yesuwa ɓii Yoosadak e sakiraaɓe muuɗum almaami'en e Sorobabel ɓii Seyaltiyel e sakiraaɓe muuɗum, ummii nyiɓani Laamɗo Israa'iila hirsirde to sadaka buleteeɗo waɗetee hono no winndiraa ley Tawreeta Muusaa maccuɗo Laamɗo noon.

Wurtagol 17:15

Muusaa nyiɓi sakkirde, inndiri nde «Joomiraaɗo wo mo kawreten to mum de njaaloɗen».

Wurtagol 24:4

Wakkati oon Muusaa winndi ko Joomiraaɗo wi'i ɗuum fuu. O ummii gilla fajiri, o dawi o darni kaaƴe ley waamnde ndeen, o waɗi sakkirde. O darni bimmbeeje 12 faa laatoo maande miccinoore lenyi Israa'iila 12 ɗiin.

Wurtagol 32:13

Miccita Ibrahiima e Isiyaaka e Israa'iila maccuɓe maaɗa ɓe kunaniɗaa e innde maaɗa de mbiiɗaa a waɗan lenyol muɓɓen ɗuuɗa hono koode kammu. Ciwtoraa a wi'ii a hokkan lenyol maɓɓe leydi ndiin fuu, ndi laatoo ndongu maɓɓe faa abada.

Wurtagol 33:1

Joomiraaɗo haaldi e Muusaa wi'i: — Dillu ɗo, aan e yimɓe ɓe mburtinoyɗaa leydi Misira ɓeen. Njahon leydi ndi kunaniimi maamiraaɓe mooɗon Ibrahiima e Isiyaaka e Yaakuuba, mbiimi: «Mi hokkan ƴuwdi mooɗon leydi ndiin.»

Wurtagol 6:3

Arande mi ɓanganiino Ibrahiima e Isiyaaka e Yaakuuba, kollumi ɓe wo mi Laamɗo Jom Baawɗe, ammaa mi anndinaay ɓe innde am wo Joomiraaɗo bi'eteeɗo «Miin Woni» oon.

Wurtagol 6:4

Mi waɗdii amaana am e maɓɓe mi hokkan ɓe leydi Kanaana, leydi ndi ɓe koɗunoo e muuɗum ndiin.

Limle 26:53

Leydi ndiin feccoyte hakkunde yimɓe ɓee fodde limgal muɓɓen faa ndi laatanoo ɓe ndonngu.

Limle 32:11

«Abada worɓe wurtiiɓe leydi Misira hewtuɓe duuɓi 20 e ko ɓuri noon nji'ataa leydi ndi podaninoomi Ibrahiima e Isiyaaka e Yaakuuba ndiin sabo ɓe cikkitirii kam.

Golle Nelaaɓe 7:5

Laamɗo hokkaay mo e leydi ndi tafon, fay taaɓannde. Ammaa aadake hokkude mo ndi, ndi laatoo halal makko, kanko e ƴuwdi makko, fay si taweede o walaa ɓiɗɗo tafon.

Romankooɓe 9:8

Inan ko ɗum yiɗi wi'ude: wanaa ɓiɓɓe Ibrahiima rimiraaɓe no yimɓe fuu ndimirtee nii ngoni ɓiɓɓe Laamɗo, ammaa wo rimiraaɓe saabe amaana ɓeen tiigoraa wo ƴuwdi makko.

Galaatiyankooɓe 3:16

Wooɗi, Laamɗo waɗanii Ibrahiima e ƴuuruɗo e muuɗum amaanaaji. Binndi ɗiin mbi'aay: «Ƴuuruɓe e muuɗum» hono wo heewɓe ɗi cappii, wo gooto ni ɗi cappii nde ɗi mbi'unoo: «Ƴuuruɗo e maaɗa». Oon woni Almasiihu.

Galaatiyankooɓe 4:28

Ammaa onon sakiraaɓe, wo on ɓiɓɓe heɓaaɓe dow amaana Laamɗo oon hono no Isiyaaka ni.

Fillitagol 1:8

Ndaaron, mi hokkii on ndi. Njehee njeytowee ndi. Kayri woni ndi Joomiraaɗo huninoo hokkan maamiraaɓe mon Ibrahiima e Isiyaaka e Yaakuuba laatoo ndongu muɓɓen, kam'en e ƴuwdi muɓɓen fuu.

Fillitagol 30:20

Njiɗon Joomiraaɗo, Laamɗo mooɗon, kettindoɗon jamirooje muuɗum, kaɓɓondiron e muuɗum sabo wo kanko woni nguurndam e njuundam balɗe mon faa keɓon mbuuron ley leydi ndi o huninoo o hokka maamiraaɓe mooɗon Ibrahiima e Isiyaaka e Yaakuuba ndiin.

Fillitagol 34:4

Joomiraaɗo haaldi e makko wi'i: — Wo leydi ndii kunaninoomi Ibrahiima e Isiyaaka e Yaakuuba mi hokkan taaniraaɓe muɓɓen. Mi waɗii a yiirii ndi gite maaɗa, ammaa a naatataa ndi.

Fillitagol 6:10

Nde Joomiraaɗo, Laamɗo mooɗon nannowi on leydi ndi hunaninoo maamiraaɓe mooɗon Ibrahiima e Isiyaaka e Yaakuuba hokkan on ndiin fu, on tawan galluuje lobbe mawɗe ɗe on nyiɓaay.

Fillitagol 9:5

Wanaa saabe dartaare mooɗon e laaɓal ɓerɗe mon waɗi de oɗon njeyta leydi maɓɓe, ammaa wo saabe bonde lenyi ɗiin de Joomiraaɗo, Laamɗo mooɗon teeti ɗi yeeso mon faa tabintina hunayeere nde hunaninoo maamiraaɓe mon Ibrahiima e Isiyaaka e Yaakuuba.

Ibraninkooɓe 11:13

Yimɓe ɓeen fuu maaydii e goonɗinal muɓɓen tawi ko Laamɗo aadanii ɗum'en ɗuum tabitaay tafon. Ammaa ɓe kaynake ɗum to woɗɗi, de ɓe kuyani ɗum. Ɓe cemtaay wi'ude wo ɓe hoɓɓe du, wo ɓe weerɓe e adunaaru ndu.

Ibraninkooɓe 11:8

Saabe goonɗinal, Ibrahiima nootorii noddaango Laamɗo, yehi to leydi ndi Laamɗo aadanii ɗum heɓan. De o dilli tawi le o anndaa fuu to o fonndii.

Yoosuwa 1:6

Semmbin hoore maa, cemmbinɗinaa ɓernde maa du, sabo e ardagol maaɗa yimɓe ɓeen ndonirta leydi ndi kunaniniimi maamiraaɓe muɓɓen mi hokkan ɗum'en ndiin.

Yoosuwa 22:10

Nde yimɓe lenyi Ruben e Gad e feccere lenyol Manasa njottinoo Gelilot caggal Urdun nder leydi Kanaana fu, nyiɓi toon hirsirde mawnde sanne ɗakkol gooruwol ngool.

Yoosuwa 8:30

Caggal majjum Yoosuwa nyiɓani Joomiraaɗo, Laamɗo Israa'iila, hirsirde dow waamnde Ebal.

Ardiiɓe 6:24

Caggal ɗuum Gedeyon waɗani Joomiraaɗo hirsirde nyiɓiraande kaaƴe. O noddiri nde «Joomiraaɗo woni jom jam». Inde woni ley ngalluure Ofera nder leydi Abiijerankooɓe faa warde hannden.

1 Samuwiila 7:17

De o warta Rama sabo ɗoon wuro makko woni, ɗoon du o saroto yimɓe Israa'iila. O nyiɓani Joomiraaɗo nokkuure hirsirde toon.