Fillitagol 9:9 - Dewtere Laamɗo Fulfulde Burkina Faso

⁹ Nde ƴeenyunoomi waamnde faa mi jaɓa alluuje kaaƴe, ɗum woni ɗe amaana mo Joomiraaɗo waddi e mooɗon ɗeen, keddiimi dow toon faa waɗi nyaloomaaji 40 e jemmaaji 40, mi nyaamaay, mi yaraay.

Fillitagol 9:9 ပူးပေါင်းရင်းမြစ်များ

1 Kaanankooɓe 19:8

Iliyaasa ummii nyaami, yari. O heɓi semmbe saabe nyaamndu nduun faa o yehii jahaangal balɗe 40 jemma e nyalooma de o yottii waamnde Laamɗo wi'eteende Sinayi.

2 Kaanankooɓe 6:22

Elisey jaabii mo wi'i: — A'aa, taa waru ɓe. Yalla aɗa woowi warude mo nanngirɗaa kaafaahi maa kure maaɗa naa? Taa waɗu noon. Hokku ɓe ko ɓe nyaama e ko ɓe njara de accaa ɓe koota to joomiiɓe.

Wurtagol 24:12

Joomiraaɗo wi'i Muusaa: Ƴeeŋu ngaraa to am dow waamnde ndee de keɗoɗaa faa mi hokke alluuje kaaƴe cehaaɗe. Mi winndii jamirooje e sariyaaji dow majje faa ekintinaa yimɓe ɓeen.

Wurtagol 24:15

Nde Muusaa ƴeeŋunoo waamnde Sinayi ndeen, ruulde suddi nde.

Wurtagol 24:18

Muusaa naati faa ley ruulde ndeen dow waamnde toon. O heddii dow waamnde toon balɗe 40 jemma e nyalooma.

Wurtagol 31:18

Nde Joomiraaɗo tilinoo haaldude e Muusaa dow waamnde Sinayi ndeen, hokki ɗum alluuje kaaƴe ɗiɗi miccintinooje amaana ɗe Laamɗo e hoorem winndiri honndu muuɗum.

Wurtagol 32:1

Israa'iila'en yi'i Muusaa ɓooyii dow waamnde toon. Ndeen ɓe kawriti to Haaruuna, ɓe mbi'i ɗum: — Umma, ngaɗanaa en tooruuji ardotooɓe en sabo Muusaa, gorko burtinɗo en leydi Misira oon kaa, en anndaa ko hewtii ɗum.

Wurtagol 34:28

Muusaa heddodii e Joomiraaɗo ɗoon jemma e nyalooma faa waɗi balɗe 40. O nyaamaay, o yaraay. O winndi haalaaji amaana ɗiin dow alluuje, ɗiin ngoni jamirooje sappo ɗeen.

Matta 4:2

Iisaa waɗi balɗe 40 ina suumii jemma e nyalooma fuu. Caggal ɗuum, o yolbi.

Galaatiyankooɓe 4:24

Ɗum wo banndol rewɓe ɗiɗo sapporaaɓe aadiiji ɗiɗi. Gooto, mo Haajara oon wo amaana waamnde wi'eteende Sinayi. Amaana oon, wo maccungaaku rimata.

Fillitagol 8:3

Ndelle o yarnii on torra, o rafii on de o nyaamni on manna, nyaamdu ndu onon e maamiraaɓe mooɗon fuu anndaano faa o holla on ko wanaa buuru tan neɗɗo wuurdata ammaa na wuurda ko wurtii e hunnduko Joomiraaɗo fuu.

Fillitagol 9:11

Wo gaɗa nyaloomaaji 40 e jemmaaji 40 ɗiin Joomiraaɗo hokki kam alluuje kaaƴe ɗiɗi, ɗum woni alluuje amaana ɗeen.

Fillitagol 9:15

Ndeen njippiimi dow waamnde ndeen, miɗo tiigii alluuje amaana ɗiɗi ɗeen e juuɗe am, waamnde ndeen fuu na huɓɓa yiite.

Fillitagol 9:18

Wakkati oon kippiimi e leydi yeeso Joomiraaɗo hono no puɗɗam noon. Nyaloomaaji 40 e jemmaaji 40 mi nyaamaay mi yaraay saabe hakkeeji ɗi ngaɗuɗon sabo on umminirii ɓernde Joomiraaɗo e hakkeeji ɗi ngaɗoton ɗiin.

Ibraninkooɓe 9:4

Ley mayru urirde waɗiraande kaŋŋe e keesuwal Amaana mooytiraangal kaŋŋe ngonnoo. Ley keesuwal ngaal ina woodi loongel kaŋŋe goodungel nyaamdu wi'eteendu «manna», kam e sawru Haaruuna wilitinnoondu nduun e alluuje ɗe amaana oon winndaa e muɓɓen ɗeen.