Fillitagol 9:7 - Dewtere Laamɗo Fulfulde Burkina Faso

⁷ Taa njeggiton, miccitoɗon on umminii ɓernde Joomiraaɗo, Laamɗo mooɗon ley ladde yoornde gilla nyannde mburtinoɗon leydi Misira faa nyannde njottinoɗon nokkuure ndee, on celaay muurtande o.

Fillitagol 9:7 ပူးပေါင်းရင်းမြစ်များ

Wurtagol 14:10

Nde Fira'awna ɓadinoo fu, Israa'iila'en ɓanti gite muɓɓen, nji'i Misirankooɓe ina ndewti ɗum'en. Ɓe kuli sanne, ɓe mbullitii Joomiraaɗo.

Wurtagol 14:11

Ɓe mbi'i Muusaa: — Yalla caabeeje ngalaa ley Misira de ngadduɗaa min ley ladde yoornde ɗo faa min maaya naa? Ɗume waɗi mburtinɗaa min Misira?

Wurtagol 16:2

Nder ladde yoornde ɗoon, jamaare Israa'iila fuu fuɗɗi ŋurŋurtande Muusaa e Haaruuna.

Wurtagol 17:2

Ndeen ɓe umminani Muusaa fitina iɓe mbi'a: — Hokku min ndiyam min njara. Muusaa jaabii ɓe, wi'i: — Ko waɗi oɗon piloo haɓude e am? Ko waɗi oɗon ndaartinoo Joomiraaɗo?

Wurtagol 23:21

Kakkilaa faa wooɗa yeeso makko, kettindoɗaa haala makko. Taa muurtanaa o, sabo o yaafataako hakkeeji maaɗa. Innde am na tawdaa e makko.

Limle 11:4

Yimɓe jaayɓe hakkunde maɓɓe cuunaa nyaamduuji feere feere. Ndeen Israa'iila'en puɗɗiti woyude, na mbi'a: — Toy teewu ƴuuranta en?

Limle 14:22

fay gooto e yi'uɓe teddeengal am maa maandeeji kaayniiɗi ɗi ngaɗumi leydi Misira e ley ladde de calii hettindaade ko mbiimi, ndaartindii kam faa waɗi kile sappo ɓeen,

Limle 17:10

Mboɗɗee ɓe sabo mi halkan ɓe fuu ley maƴƴaango yitere. Muusaa e Haaruuna kippii e leydi.

Limle 21:5

Ndeen ɓe muurtani Laamɗo e Muusaa katin, iɓe mbi'a: — Ɗume saabii de mburtinɗon min leydi Misira? Wo faa min maaya ley ladde yoornde nde naa? Buuru walaa! Ndiyam walaa! Wooɗi min kutake nyaamduwa ngaa! (Ɗum woni manna).

Limle 25:2

Surbaaɓe ɓeen na mbaantoo ɓe sadakaaji ɗi ngaɗanta allaaji muɓɓen. Iɓe nyaamda e muɓɓen wooɗi du, iɓe cujidana allaaji ɗiin.

1 Korintunkooɓe 15:9

Si goonga, miin ɓuri nulaaɓe ɓeen fuu famɗude. Mi fotaay fay noddireede nulaaɗo, sabo mi torriino kawrital goonɗinɓe Laamɗo.

Efeesunkooɓe 2:11

Ndelle miccitee ko ngonnoɗon arande, onon ƴuuruɓe e lenyi ɗi nganaa Alhuudiya'en. Mantortooɓe wo «taadiiɓe» ina kuyfina on, ina noddira on «yimɓe ɓe taadaaki» fay si taadagol maɓɓe ngool wo ko junngo ɓii-Aadama gollata e terɗe tan.

Fillitagol 31:27

sabo miɗo anndi no laatoriɗon muurtooɓe yoorɓe ko'e. Si ley nguurndam am, wakkati ngondumi e mooɗon ndeen, on muurtanii Joomiraaɗo, noy muurtiranoyton o gaɗa dillol am adunaaru!

Fillitagol 8:2

Miccitoɗon laawol ngol Joomiraaɗo, Laamɗo mooɗon rewni on gilla duuɓi 40 nder ladde yoornde, to yarni on torraaji feere feere faa anndita ko woni e ɓerɗe mooɗon de faama yalla on ɗowtanto jamirooje muuɗum naa on ɗowtantaako ɗe.

Fillitagol 9:24

Oɗon laatii muurtanooɓe Joomiraaɗo gilla nyannde anndunoomi on.

Fillitagol 9:4

Nde Joomiraaɗo, Laamɗo mooɗon riiwoy ɓe yeeso mooɗon fu, taa mbi'on ley ɓerɗe mon: — Wo saabe min dartiiɓe waɗi de Joomiraaɗo hokki min leydi ndii faa laatoo ndongu amin! Wo saabe bonde lenyi ɗiin de Joomiraaɗo na teeta leydi muɓɓen yeeso mon.