Fillitagol 9:5 - Dewtere Laamɗo Fulfulde Burkina Faso

⁵ Wanaa saabe dartaare mooɗon e laaɓal ɓerɗe mon waɗi de oɗon njeyta leydi maɓɓe, ammaa wo saabe bonde lenyi ɗiin de Joomiraaɗo, Laamɗo mooɗon teeti ɗi yeeso mon faa tabintina hunayeere nde hunaninoo maamiraaɓe mon Ibrahiima e Isiyaaka e Yaakuuba.

Fillitagol 9:5 ပူးပေါင်းရင်းမြစ်များ

Fuɗɗoode 12:7

Joomiraaɗo ɓangi e Abram, wi'i ɗum: — Wo ƴuwdi maa kokkammi leydi ndii. Abram mahani Joomiraaɗo sakkirde to ɓangani ɗum toon.

Fuɗɗoode 13:15

Leydi ndi nji'ataa ndiin fuu, wo aan e ƴuwdi maaɗa kokkammi ndi faa abada.

Fuɗɗoode 15:16

Ley jamaanu nayaɓo, ƴuwdi maa ndiin wartan ɗo, sabo etorgal hakkeeji Amorinkooɓe hiɓɓaay tafon sakko mi jukkoo ɗum'en.

Fuɗɗoode 15:7

Joomiraaɗo haaldi e makko, wi'i: — Miin woni Joomiraaɗo jaltinɗo ma wuro Uur, leydi Kaldiya faa hokke leydi ndii, ndonaa ndi.

Fuɗɗoode 17:8

Mi hokkete aan e ƴuwdi maaɗa ngaroori caggal maa, leydi ndi laatinoɗaa beero ley muuɗum ndiin ɗum woni leydi Kanaana. Leydi ndiin fuu laatoto jeyal maaɗa faa abada. Wooɗi miin du, mi laatoto Laamɗo ƴuwdi maaɗa.

Fuɗɗoode 19:29

Nde Laamɗo halkannoo gure gonɗe ley naɗɗol ngool ndeen, miccitii Ibrahiima de danni Luudu. O itti ɗum e halkere ndeen. Nii o halkiri gure ɗo Luudu hoɗunoo ɗoon.

Fuɗɗoode 26:4

Mi ɗuuɗinan ƴuwdi maa hono koode, mi hokkan ƴuwdi maa leyɗe ɗee fuu. Lenyi adunaaru fuu keɓan barke saabe ƴuwdi maa.

Fuɗɗoode 28:13

Joomiraaɗo darii dow maggal, wi'i: — Miin woni Laamɗo, Joomiraaɗo bammaa Ibrahiima, Laamɗo Isiyaaka. Leydi ndi pukkiɗaa dow muuɗum ndiin, mi hokkete ndi, aan e ƴuwdi maa.

Wurtagol 32:13

Miccita Ibrahiima e Isiyaaka e Israa'iila maccuɓe maaɗa ɓe kunaniɗaa e innde maaɗa de mbiiɗaa a waɗan lenyol muɓɓen ɗuuɗa hono koode kammu. Ciwtoraa a wi'ii a hokkan lenyol maɓɓe leydi ndiin fuu, ndi laatoo ndongu maɓɓe faa abada.

Lewinkooɓe 18:24

Taa tuuniniron ko'e mooɗon e golleeji iri ɗiin sabo wo kanji caabanii lenyi ɗi ndiiwanmi yeeso mooɗon ɗiin laataade tuunɗi.

Lewinkooɓe 18:25

Leydi ndiin laatake tuundi, saabe hakkeeji maɓɓe de njukkiimi ndi faa ndi tuuti yimɓe mayri.

Golle Nelaaɓe 3:25

Onon ngoni ronooɓe annabaaɓe ɓeen, onon ngoni ronooɓe amaana mo Laamɗo nanngani maamiraaɓe men ɓeen nde wi'unoo Ibrahiima: «Wo e ƴuwdi maa lenyi adunaaru ndu fuu keɓirta barke.»

Romankooɓe 11:28

Ko Alhuudiyankooɓe ɓeen njaɓaay Kabaaru Lobbo oon ɗuum, ɓe laatorii wayɓe Laamɗo, ammaa wo ɗum saabe mooɗon faa keɓon Kabaaru oon. De ko Laamɗo suɓii ɓe ɗuum, ɓe laatake ɓe o yiɗi saabe maamiraaɓe maɓɓe.

Romankooɓe 15:8

Miɗo wi'a on: Almasiihu warii gollani Alhuudiyankooɓe. Ko o gollani ɓe ɗuum hollitii Laamɗo wo koolniiɗo, sabo tabintinii amaanaaji ɗi waɗannoo maamiraaɓe maɓɓe ɗiin.

Fillitagol 1:8

Ndaaron, mi hokkii on ndi. Njehee njeytowee ndi. Kayri woni ndi Joomiraaɗo huninoo hokkan maamiraaɓe mon Ibrahiima e Isiyaaka e Yaakuuba laatoo ndongu muɓɓen, kam'en e ƴuwdi muɓɓen fuu.

Fillitagol 12:31

Taa ngaɗanon Joomiraaɗo, Laamɗo mooɗon noon, sabo lenyi ɗiin na ngaɗannoo kujje bonɗe nyiddiniiɗe ɗe Joomiraaɗo wanyi faa iɓe mbulanannoo allaaji maɓɓe ɗiin ɓiɓɓe maɓɓe worɓe e rewɓe.

Fillitagol 18:12

Gaɗuɗo gootel e majji fuu, waɗii ko harmi yeeso Joomiraaɗo. Wo saabe majjum de Joomiraaɗo riiwi lenyi ɗiin fuu yeeso mooɗon.

Fillitagol 18:9

Nde naatoyɗon leydi ndi Joomiraaɗo, Laamɗo mooɗon hokkata on ndiin fu, tinnoɗon taa nyemmbiton waɗude kujje karmuɗe ɗe lenyi ɗiin ngaɗata ɗeen.

Fillitagol 20:18

Noon waɗata taa ɓe ekintina on waɗude ko harmi ko ɓe ngaɗanta allaaji maɓɓe ɗiin de ngaɗon hakke yeeso Joomiraaɗo, Laamɗo mooɗon.

Titus 3:5

o hisinii en. Wanaa saabe golleeji men lobbi o hisiniri en, wo saabe yurmeende makko. O hisinirii en lootagol rimteede, keyɗintiniroowol en saabe Ruuhu Ceniiɗo.