Fillitagol 9:3 - Dewtere Laamɗo Fulfulde Burkina Faso

³ Ndelle paamon hannden, Joomiraaɗo, Laamɗo mooɗon na ardii on hono yiite nyaamoowe. Wo kam halkata ɓe, leeƴina ɓe yeeso mooɗon. On teetan leydi maɓɓe de kalkon ɓe law fodde no Joomiraaɗo wi'iri on noon.

Fillitagol 9:3 ပူးပေါင်းရင်းမြစ်များ

Wurtagol 23:23

Maleyka am ardete faa yaare ley leydi Amorinkooɓe, e Hittiyankooɓe, e Perisinkooɓe, e Kanaaninkooɓe, e Hewinkooɓe, e Yebusinkooɓe. Mi halkan ɓe.

Wurtagol 24:17

No Israa'iila'en njiiri teddeengal Joomiraaɗo dow waamnde noon, ina wa'i hono yiite nyaamoowe.

Matta 15:10

Wakkati oon, Iisaa noddi jamaa oon, wi'i ɗum: — Kettindee, paamee:

Marka 7:14

Caggal ɗuum, Iisaa nodditi jamaa oon, wi'i ɗum: — Kettindanee kam, on fuu, paamee:

Romankooɓe 8:31

Caggal ɗuum fuu, ɗume mbi'eten? Si Laamɗo ina wondi e meeɗen, moy waawani en?

Efeesunkooɓe 5:17

Saabe ɗuum, taa laatee ɓe ngalaa hakkillo, ammaa piloɗon faamude ko woni muuyɗe Joomiraaɗo.

Fillitagol 1:30

Joomiraaɗo, Laamɗo mooɗon ardoto on, kam e hoorem haɓanan on hono no waɗirnoo e gite mon leydi Misira noon.

Fillitagol 20:1

Nde njahoyɗon faa kaɓdon e wayɓe mon de njiiɗon pucci ɗuuɗɗi e torkooji ɗuuɗɗi e ori sordaasiiɓe ɓurɓe on fu, taa kulon sabo Joomiraaɗo, Laamɗo mooɗon burtinɗo on leydi Misira oon na wondi e mooɗon.

Fillitagol 20:4

Joomiraaɗo, Laamɗo mooɗon na yaada e mooɗon faa haɓda e wayɓe mon de hisina on.

Fillitagol 4:24

Sabo Joomiraaɗo, Laamɗo mooɗon oon wo yiite nyanngunge, wo o Laamɗo kiroowo.

Fillitagol 7:16

Kalkon lenyi ɗi Joomiraaɗo, Laamɗo mooɗon watti e juuɗe mon ɗiin fuu. Taa njurmoɗon ɓe, taa ɗowtanoɗon allaaji maɓɓe sabo ɗuum laatanto on tuugol.

Fillitagol 7:22

O riiwiran lenyi ɗiin fuu seeɗa seeɗa yeeso mooɗon. On mbaawataa halkude ɓe wakkati gooto sabo kujje ladde nyannguɗe ɗuuɗan ɓura on semmbe.

Fillitagol 9:6

Ndelle paamon wanaa saabe dartaare mooɗon waɗi de Joomiraaɗo, Laamɗo mooɗon na hokka on leydi lobbiri ndiin faa laatoo ndongu mooɗon, sabo wo on lenyol cattungol.

2 Tesaloniyankooɓe 1:8

O ɓangan ley yiite nyanngunge faa o jukkoo ɓe anndaa Laamɗo, ɓe njaɓaay jokkude Kabaaru Lobbo Joomiraaɗo men Iisaa ɓeen.

Ibraninkooɓe 12:29

Sabo Laamɗo meeɗen na wa'i hono yiite halkoowe.

Yoosuwa 11:12

Yoosuwa jaalii laamorɗe ɗeen fuu. O nanngi kaanankooɓe majje, o wari ɗum'en hono no Muusaa maccuɗo Joomiraaɗo yamirnoo mo noon.

Yoosuwa 11:8

Joomiraaɗo watti sordaasiiɓe ɓeen fuu e juuɗe Israa'iila'en. De Israa'iila'en njaalii ɓe, ndiiwi ɓe faa ɓe njotti Sidon huɓeere mawnde, faa Misrefot-Mayim, wooɗi du faa lettugal naɗɗol Mispa. Ɓe koni ɓeen faa ɓe kanti ɗum'en fuu.

Yoosuwa 14:12

Ndelle, hokkam leydi ngonndi dow baamle ndi Joomiraaɗo aadinoo hokkan kam nyannde majjum ndiin. Si goonga, nde njaanoɗen ndeen, aɗa anndi no tawruɗen lenyol Anakinkooɓe wonɓe toon, kam'en e galluuje muɓɓen cemmbiɗinɗe ɗeen. Ammaa si Joomiraaɗo jaɓii wondude e am fu, mi riiwan ɓe hono no wiirunoo noon.

Yoosuwa 3:11

Inan keesuwal Amaana Joomiraaɗo kaananke dow adunaaru fuu ina naata gooruwol Urdun yeeso mooɗon.

Yoosuwa 3:14

Jamaa oon dilli ɗo hoɗunoo ɗoon faa feƴƴita Urdun. Almaami'en wakkiiɓe keesuwal Amaana ɓeen ina ngoni yeeso maɓɓe.

Ardiiɓe 4:14

Ndeen Deboora wi'i Barak: — Umma! Sabo hannden wo nyalaande nde Joomiraaɗo wattata Sisera e junngo maaɗa. Joomiraaɗo e hoorem ina woni yeeso maaɗa faa ɗowe. Barak jippii waamnde Taabor, konunkooɓe 10.000 ina njokki caggal muuɗum.