Fillitagol 9:26 - Dewtere Laamɗo Fulfulde Burkina Faso

²⁶ Ndu'iimi to Joomiraaɗo mbiimi: — Yaa Laamɗo Joomiraaɗo, taa halku ndongu maaɗa, yimɓe maaɗa ɓe kisinirɗaa manngu maaɗa, ɓe mburtinirɗaa leydi Misira e semmbe mawɗo.

Fillitagol 9:26 ပူးပေါင်းရင်းမြစ်များ

2 Samuwiila 7:23

Lenyol fay gootol walaa ley adunaaru nanndungol e yimɓe maaɗa Israa'iila. Si goonga, lenyol gonngol walaa ngol aan Laamɗo yehi soottiti ƴuwde e maccungaaku, faa laatoo yimɓe maaɗa, faa mawninaa innde maaɗa. A waɗanii hoore maa kulle mawɗe, a waɗii kulle kaayniiɗe du saabe leydi maa. A soottitii ndi e leydi Misira, a riiwii lenyi goɗɗi e tooruuji muɓɓen yeeso yimɓe maaɗa.

1 Kaanankooɓe 8:51

Sabo wo ɓe yimɓe maaɗa e ndongu maaɗa. A wurtinii ɓe leydi Misira, duɗal taayinoowal njamndi ngaal.

1 Kaanankooɓe 8:53

Sabo aan Laamɗo Joomiraaɗo, a ittii ɓe hakkunde lenyi adunaaru fuu faa ɓe laatoo ndongu maaɗa, hono no mbiiruɗaa e hunnduko maccuɗo maaɗa Muusaa wakkati mburtinnoɗaa maamiraaɓe amin leydi Misira noon.

Nehemiya 1:10

Wo kamɓe ngoni maccuɓe maaɗa, yimɓe maa ɓe kisinirɗaa e semmbe maaɗa mawɗo e baawɗe junngo maaɗa.

Wurtagol 15:13

Ley hinney maa koolniiɗo, a ardake yimɓe ɓe ndimɗinɗaa ɓeen. E baawɗe maaɗa du ɗowirtaa ɓe, faa to joonnde maa seniinde ndeen.

Wurtagol 33:13

Ndelle miɗo ŋaare, si mi heɓii hinney yeeso maaɗa fu, kollaa kam laawol maaɗa faa mi annde, de mi ɓeyda heɓude hinney yeeso maaɗa. Wooɗi ndardaa lenyol ngol hono jeyal maaɗa.

Wurtagol 34:9

O wi'i: — Yaa Joomiraaɗo, miɗo ŋaare si mi keɓuɗo moƴƴere yeeso maaɗa, njaada e amin. Goonga, yimɓe ɓee wo sattuɓe, yoorɓe ko'e. Njaafoɗaa lutti amin e hakkeeji amin, de ngaɗaa min laatoo jeyal maaɗa.

Fillitagol 13:5

Ndewon Joomiraaɗo, Laamɗo mooɗon de kulon ɗum. Kettindoɗon jamirooje muuɗum de ɗowtanoɗon konngol muuɗum. Wo oon ndewoton de kaɓɓondiron e muuɗum.

Fillitagol 15:15

Miccitoɗaa a laatakeno maccuɗo leydi Misira de Joomiraaɗo, Laamɗo maaɗa rimɗini ma. Wo saabe ɗuum de miɗo hokke yamiroore ndee hannden.

Fillitagol 21:8

Yaa Joomiraaɗo, mooytu hakke yimɓe maaɗa, Israa'iila'en ɓe ndimɗinɗaa ɓeen. Taa ƴiiƴam laaɓuɗo baraaɗo ɗaam saama dow Israa'iila'en. Ndeen ɓe mooytante hakke ƴiiƴam ɗaam.

Fillitagol 32:9

Sabo ngeɗu Joomiraaɗo wo yimɓe muuɗum, Yaakuuba woni ndongu muuɗum.

Fillitagol 7:8

Ammaa wo saabe Joomiraaɗo na yiɗi on, wooɗi du, na haajaa tabintinde hunayeere nde hunaninoo maamiraaɓe mooɗon. O rimɗini on, o wurtiniri on semmbe mawɗo leydi Misira, ley suudu maccungaaku e junngo kaananke Fira'awna.

Fillitagol 9:12

Ndeen Joomiraaɗo wi'i kam: — Njippoɗaa law sabo yimɓe ma ɓe mburtinɗaa leydi Misira ɓeen ngaɗii ko boni. Ɓe njaawii tottitaade laawol ngol njamirmi ɓe tokka ngool, ɓe ngaɗani ko'e maɓɓe tooru njamndi ciiwaandi.

Fillitagol 9:27

Miccita maccuɓe maaɗa Ibrahiima e Isiyaaka e Yaakuuba. Taa ndaaru njooram hooraaku e bonde e hakke lenyol ngol.

Fillitagol 9:29

Ammaa wo ɓe ndongu maaɗa, yimɓe maa ɓe mburtinirɗaa baawɗe maaɗa e semmbe mawɗo.

Titus 2:14

Kam hokkitiri yonki muuɗum saabe meeɗen, faa rimɗina en e ko boni fuu, laamna en, laatoɗen lenyol muuɗum, tinniingol e gollude golleeji lobbi.

Ibraninkooɓe 9:12

O naatii ley nokkuure ɓurnde fuu senaade ndeen. O naaddaay e ƴiiƴam ndamkoy e nga'oy, wo e ƴiiƴam makko jaati o naaddi. Hono nii o rimɗiniri en nde wootere faa abada.

Holleede 5:9

Heddii iɓe njima jimol kesol, iɓe mbi'a: «Aɗa foti e jaɓude dewtere ndeen de takkitaa takkanɗe uddiraaɗe nde, sabo a hirsanooma. E ƴiiƴam maa coottirɗaa ƴuuruɓe e lenyi fuu e ɗemle fuu e siyiiji yimɓe fuu e laamorɗe fuu faa ɓe njeydaa e Laamɗo.

1 Samuwiila 7:9

Ndelle Samuwiila hooƴi ɓii mbaalu muynoowo hokki ɗum hono kirsamaari mbulanaandi Joomiraaɗo. O wullitii Joomiraaɗo saabe Israa'iila'en, de nootii mo.