Fillitagol 9:12 - Dewtere Laamɗo Fulfulde Burkina Faso

¹² Ndeen Joomiraaɗo wi'i kam: — Njippoɗaa law sabo yimɓe ma ɓe mburtinɗaa leydi Misira ɓeen ngaɗii ko boni. Ɓe njaawii tottitaade laawol ngol njamirmi ɓe tokka ngool, ɓe ngaɗani ko'e maɓɓe tooru njamndi ciiwaandi.

Fillitagol 9:12 ပူးပေါင်းရင်းမြစ်များ

Wurtagol 13:3

Ndeen Muusaa wi'i yimɓe ɓeen: — Miccoɗon nyalaande nde, wo nyalaande nde mburtiɗon Misira, ley leydi maccungaaku, sabo wo junngo Joomiraaɗo semmbiɗingo wurtini on. Taa nyaamon huunde fuu ko jillaa rabilla.

Wurtagol 32:1

Israa'iila'en yi'i Muusaa ɓooyii dow waamnde toon. Ndeen ɓe kawriti to Haaruuna, ɓe mbi'i ɗum: — Umma, ngaɗanaa en tooruuji ardotooɓe en sabo Muusaa, gorko burtinɗo en leydi Misira oon kaa, en anndaa ko hewtii ɗum.

Galaatiyankooɓe 1:6

Ina haaynii kam sanne! Ɓooyaay faa'e de on puɗɗii yoppude Laamɗo, noddirɗo on e moƴƴere Almasiihu oon, de njokkuɗon kabaaru goɗɗo.

Fillitagol 31:29

Miɗo laamni gaɗa maayde am on laatoto laaliiɓe, on celan laawol ngol kollumi on de kawron e bone ley duuɓi garooji sabo on ngaɗowan ko boni yeeso Joomiraaɗo faa mettinon ɓernde muuɗum.

Fillitagol 32:5

Onon le, on tottitake mo, saabe hakkeeji mooɗon, on nganaa ɓiɓɓe makko katin, on jamaanu oonyiiɗo, laaliiɗo.

Fillitagol 4:16

Taa ngaɗon ko boni hono tooru naa natal nanndinaangal e gorko naa debbo,

Fillitagol 5:15

Miccitoɗaa a laatakeno maccuɗo leydi Misira de Joomiraaɗo, Laamɗo maaɗa wurtiniri ma semmbe mawɗo. Saabe ɗuum de Joomiraaɗo, Laamɗo maaɗa yamiri ma kakkilanaa nyalaande fowteteende ndeen.

Fillitagol 9:16

Nde ndaarunoomi fu, nji'umi on ngaɗii hakke yeeso Joomiraaɗo, Laamɗo mooɗon. On ngaɗanii ko'e mon ga'el njamndi ciiwaangel. On njaawii tottitaade laawol ngol Joomiraaɗo yamiri tokkon ngool.

Fillitagol 9:26

Ndu'iimi to Joomiraaɗo mbiimi: — Yaa Laamɗo Joomiraaɗo, taa halku ndongu maaɗa, yimɓe maaɗa ɓe kisinirɗaa manngu maaɗa, ɓe mburtinirɗaa leydi Misira e semmbe mawɗo.

Fillitagol 9:29

Ammaa wo ɓe ndongu maaɗa, yimɓe maa ɓe mburtinirɗaa baawɗe maaɗa e semmbe mawɗo.

Yahuuda 1:10

De yimɓe ɓeen kaa ina mbonkoo kulle ɗe anndaa. Ɓe ummodake e muuyɗe terɗe maɓɓe, nga'uɗe hono muuyɗe daabaaji ladde ni, de ɗuum woni ko halkata ɓe.

Ardiiɓe 2:17

Ammaa e ɗuum fuu, Israa'iilankooɓe kettindaaki ko ardiiɓe ɓeen mbi'i ɗum'en. Ɓe ndewi allaaji goɗɗi, ɓe tuunini ko'e maɓɓe e majji, ɓe cujidani ɗi. Ɓe njoppi laawol maamiraaɓe maɓɓe law, jokkunooɓe jamirooje Joomiraaɗo. Ɓe ngaɗaay hono no ɓeen ngaɗunoo noon.