Fillitagol 9:1 - Dewtere Laamɗo Fulfulde Burkina Faso

¹ Kettinee, onon Israa'iila'en! Hannden on peƴƴitan Urdun faa teeton leyɗe ɓurɗe on manngu e semmbe, galluuje mawɗe piilniraaɗe kokuuji toowɗi faa na tukkowi kammu ɗeen.

Fillitagol 9:1 ပူးပေါင်းရင်းမြစ်များ

Fuɗɗoode 11:4

Ɓe mbi'i: — Ngaree mahanen ko'e men huɓeere e suudu toowndu faa na hewta kammu. Ngaɗanen ko'e men innde taa caakoɗen ley adunaaru fuu.

Wurtagol 32:1

Israa'iila'en yi'i Muusaa ɓooyii dow waamnde toon. Ndeen ɓe kawriti to Haaruuna, ɓe mbi'i ɗum: — Umma, ngaɗanaa en tooruuji ardotooɓe en sabo Muusaa, gorko burtinɗo en leydi Misira oon kaa, en anndaa ko hewtii ɗum.

Amos 2:9

Miin woni kalkunooɗo Amorinkooɓe yeeso maɓɓe. Ɗum woni toowuɓe hono leɗɗe seddere, semmbiɗinɓe hono leɗɗe mawɗe ɓeen. Mi halkii ɓiɓɓe muɓɓen gilla dow, mi yoornii ɗaɗi muɓɓen du faa ley.

Limle 13:22

Ɓe ndewi faro horɗoore, ɓe njottii huɓeere Heberon to ɓiɓɓe Anak, ɗum woni: Akiman e Sesay e Talmay. Tawi Heberon mahiraama duuɓi jeɗɗi fadde wuro So'an ngo leydi Misira e nyiɓeede.

Limle 33:51

Kaaldaa e Israa'iila'en mbi'aa ɗum'en: Nde peƴƴitinɗon Urdun de kewtuɗon leydi Kanaana fu,

Fillitagol 1:28

Toy njahaten? Sakiraaɓe meeɗen taƴii nesiiji men na mbi'a: «Yimɓe ɓeen na ɓuri en semmbe e manngu, galluuje ɗeen du, wo mawɗe cemmbiɗinɗe piilniraaɗe kokuuji toowɗi faa na tikowi kammu. Min nji'ii fay yimɓe Anakinkooɓe toon, tagaako mawko koon.»

Fillitagol 11:23

riiwan lenyi ɗiin fuu yeeso mooɗon de teeton leyɗe lenyi ɓurɗi on manngu e semmbe.

Fillitagol 11:31

sabo on peƴƴan Urdun faa njeytowon leydi ndi Joomiraaɗo, Laamɗo mooɗon hokkata on ndiin de njooɗoɗon e mayri.

Fillitagol 27:2

Nyannde peƴƴuɗon Urdun faa naaton nder leydi ndi Joomiraaɗo, Laamɗo mooɗon hokkata on ndiin fu, ndarnon kaaƴe mawɗe de mbujon ɗe ko rawni.

Fillitagol 3:18

Ndeen kokkumi on yamiroore ndee, mbiimi on: — Joomiraaɗo, Laamɗo mooɗon wattii leydi ndii e juuɗe mooɗon faa njeyton ndi. Ndelle onon konunkooɓe semmbiɗinɓe ɓeen fuu, sey kooƴon kaɓitirɗe mooɗon de ardoɗon sakiraaɓe mon Israa'iila'en.

Fillitagol 4:1

Muusaa ɓeydi wi'i: Onon yimɓe Israa'iila, kettinee jamirooje e sariyaaji ɗi njannginanmi on. Ɗowtanoɗon ɗi faa mbuuron de njahon njeytowon leydi ndi Joomiraaɗo, Laamɗo maamiraaɓe mooɗon hokkata on ndiin.

Fillitagol 4:38

O riiwii lenyi ɓurɗi on manngu e semmbe fuu faa o nanna on leydi muɓɓen ndi o hokkata on laatoo ndongu mooɗon hono no worri hannden ni.

Fillitagol 6:10

Nde Joomiraaɗo, Laamɗo mooɗon nannowi on leydi ndi hunaninoo maamiraaɓe mooɗon Ibrahiima e Isiyaaka e Yaakuuba hokkan on ndiin fu, on tawan galluuje lobbe mawɗe ɗe on nyiɓaay.

Fillitagol 7:1

Joomiraaɗo, Laamɗo mooɗon nannan on leydi ndi kuccuɗon faa laatoo ndongu mooɗon ndiin. Nde ɓattowiɗon ndi fu, o riiwan lenyi keewɗi yeeso mooɗon, ɗum woni Hittiyankooɓe e Girgasinkooɓe e Amorinkooɓe e Kanaaninkooɓe e Perisinkooɓe e Hewinkooɓe e Yebusinkooɓe, lenyi jeɗɗi ɓurɗi on ɗuuɗude e semmbe ɗiin.

Yoosuwa 1:11

«Moƴƴinanee ko'e mooɗon njooɓaari, sabo ɗo yaade balɗe tati on peƴƴitan gooruwol Urdun, faa naaton leydi ndi Laamɗo hokki on ndiin.»

Yoosuwa 1:15

faa ɗo Joomiraaɗo hokki ɓe kamɓe du powtiri hono no hokkiri on ni, faa ɗo ɓe teeti leydi ndi o hokkata ɓe ndiin. Caggal majjum coƴƴoɗon onon du, ndawranon leydi ndi Muusaa maccuɗo Joomiraaɗo hokki on lettugal Urdun ndiin.

Yoosuwa 14:12

Ndelle, hokkam leydi ngonndi dow baamle ndi Joomiraaɗo aadinoo hokkan kam nyannde majjum ndiin. Si goonga, nde njaanoɗen ndeen, aɗa anndi no tawruɗen lenyol Anakinkooɓe wonɓe toon, kam'en e galluuje muɓɓen cemmbiɗinɗe ɗeen. Ammaa si Joomiraaɗo jaɓii wondude e am fu, mi riiwan ɓe hono no wiirunoo noon.

Yoosuwa 3:14

Jamaa oon dilli ɗo hoɗunoo ɗoon faa feƴƴita Urdun. Almaami'en wakkiiɓe keesuwal Amaana ɓeen ina ngoni yeeso maɓɓe.

Yoosuwa 3:16

ɗam seli doggude, ɗam darii nokku gooto hono kokuwol ni, faa ɗam yottii huɓeere wi'eteende Aadama, wonnde ɗakkol Saretan. Ndiyam ndoggiroojam faro maayo Lamɗam fuu darii cep. Jamaa oon heɓi feƴƴitiri e nokkuure huccitinde e Yeriko.

Yoosuwa 3:6

O wi'i almaami'en ɓeen du: — Ƴeptee keesuwal Amaana ngaal, ardoɗon yimɓe ɓeen. Ɓe ƴepti keesuwal ngaal, ɓe ardii jamaa oon.

Yoosuwa 4:19

Nyalaande sappoɓerde ley lewru go'aɓurdu, yimɓe Israa'iila peƴƴiti gooruwol Urdun. Ɓe koɗi ley Gilgal, lettugal Yeriko.

Yoosuwa 4:5

O wi'i ɗum'en: — Naatee nder Urdun yeeso keesuwal Amaana Joomiraaɗo, Laamɗo mon. Mono fuu ƴepta hayre wootere, wakkoo nde, lenyol Israa'iila fuu e hayre muuɗum.