Fillitagol 8:18 - Dewtere Laamɗo Fulfulde Burkina Faso

¹⁸ Miccitoɗon Joomiraaɗo, Laamɗo mooɗon sabo wo kam hokkata on semmbe mo keɓirton jawdi ndiin fuu. Noon o tabintinirta amaana mo o waɗidinnoo e maamiraaɓe mooɗon, hono no worri hannden ni.

Fillitagol 8:18 ပူးပေါင်းရင်းမြစ်များ

Fuɗɗoode 32:14

Yaakuuba waali toon jemma oon. Finti subaka, o itti dokkal ley ko o jogii e junngo makko fuu, o neli mawniiko Isuwa hokkee:

1 Kabaaruuji Laamiiɓe 29:12

Jawdi e teddeengal fuu to maaɗa ƴuurata. Wo aan laamii dow huunde fuu. Semmbe e baawɗe fuu e junngo maaɗa ngoni. Wo aan hokkata manngu e semmbe fuu.

Banndi 10:22

Barke Joomiraaɗo na wadda jawdi, mettorgal walaa e maggol.

Tindinoowo 12:1

Miccitoɗaa Taguɗo maa ley njokollaaku maa, gilla nyalaaɗe tiiɗuɗe ɗeen ngaraay, wooɗi du gilla kitaale ɗe mbi'ataa a walaa seyo e muɓɓen ɗeen ɓadaaki,

Tindinoowo 9:11

Mi ndaarii goɗɗum katin ley sorndu naange ndu: tawumi wanaa waaƴiɗinɓe ndaɗata ley doggudu, wanaa semmbinɗinɓe njaalotoo konu, wanaa hakkilante'en njogii neema, wanaa jom'en paamal ngoodi jawdi, wanaa jom'en anndal kinnetee, ɗum fuu sanaa nde wakkati e saa'a majjum wari.

Fillitagol 26:10

Saabe ɗuum de, inan min ngaddii ko artii ɓenndude ley barke gese amin ɗe kokkuɗaa min aan Joomiraaɗo. Ndeen pukkinon ɗum yeeso Joomiraaɗo de kofoɗon yeeso muuɗum.

Fillitagol 6:11

On tawan cuuɗi keewɗi ko wooɗi ɗi on kebbinaay e ɓulli ndiyam ɗi on mbasaay e gese inabooje e leɗɗe jaytun ɗe on tiiraaki. Nde nyaamoyɗon kaaruɗon fu,

Fillitagol 7:12

Si on kettindake jamirooje ɗeen, on tinnake e waɗude ko mbi'i fu, Joomiraaɗo, Laamɗo mooɗon tabintinan amaana e hinney muuɗum mo hunaninoo maamiraaɓe mooɗon oon.

Fillitagol 7:8

Ammaa wo saabe Joomiraaɗo na yiɗi on, wooɗi du, na haajaa tabintinde hunayeere nde hunaninoo maamiraaɓe mooɗon. O rimɗini on, o wurtiniri on semmbe mawɗo leydi Misira, ley suudu maccungaaku e junngo kaananke Fira'awna.

Fillitagol 8:1

Tinnoɗon e ɗowtanaade jamirooje ɗe ekintinanmmi on hannden ɗeen fuu faa mbuuron, keewon wooɗi du naaton leydi ndi Joomiraaɗo hunaninoo maamiraaɓe mon hokkan ɗum'en ndiin.

Ardiiɓe 3:7

Wooɗi, Israa'iilankooɓe ngaɗi ko boni yeeso Joomiraaɗo. Ɓe njeggiti Joomiraaɗo, Laamɗo maɓɓe, ɓe cujidani tooruuji bi'eteeɗi Ba'al e tooruuji dewi bi'eteeɗi Asera.

Ardiiɓe 7:2

Joomiraaɗo wi'i Gedeyon: — Konunkooɓe ɓe ngadduɗaa ɓeen ina ɗuuɗi sanne. Si mi wattii Madiyankooɓe e juuɗe maɓɓe fu, Israa'iilankooɓe ina mbaawi mantaade, mbi'a: «Wo semmbe amin danni min.»

1 Samuwiila 2:7

Joomiraaɗo na nelda baasal, na nelda goodal, na leeƴinkina, na toowna.