Fillitagol 8:16 - Dewtere Laamɗo Fulfulde Burkina Faso

¹⁶ Ley ladde yoornde ndeen o nyaamnii on manna, nyaamdu ndu maamiraaɓe mooɗon anndaano faa o ndaartindoroo on torra de sakitoo o hokka on jam ley ko warata.

Fillitagol 8:16 ပူးပေါင်းရင်းမြစ်များ

Fuɗɗoode 22:1

Caggal ɗuum, Laamɗo ndaartindii Ibrahiima, wi'i ɗum: — Ibrahiima! O jaabii, wi'i: — Inani kam!

Ayuuba 42:12

Joomiraaɗo du barkini Ayuuba e balɗe muuɗum cakitiiɗe faa ɓuri ko barkinnoo ɗum arande. O heɓi baali e be'i 14.000 e geelooɗi 6.000 e na'i 2.000 e araaji debbi 1.000.

Wurtagol 15:25

Muusaa wullitii Joomiraaɗo, de Joomiraaɗo holli ɗum leggal gomma. O faɗɗi ngal ley ndiyam ɗaam, ɗam laatii mbelɗam. Ɗoon Joomiraaɗo ndaartinii ɓe de hokki ɓe yamiroore.

Wurtagol 16:15

Nde yimɓe Israa'iila nji'unoo ɗum fu, ƴamondiri, mbi'i: — Ɗume woni ɗum? Sabo ɓe anndaa ko ɗum laatii. Muusaa wi'i ɓe: — Ɗum wo buuru mo Joomiraaɗo hokki on faa nyaamon.

Wurtagol 16:31

Israa'iila'en inndiri nyaamdu nduun manna. Iɗum rawni hono gabbe daneeje, iɗum weli hono maasaaje gaɗiraaɗe njuumndi.

Wurtagol 16:4

Ndeen Joomiraaɗo wi'i Muusaa: — Mi ƴuurnan buuru dow kammu mi tomnana on. Nyannde fuu, yimɓe mburtoo cuɓa haddi ko heƴata ɗum'en ley nyalaande wootere. Noon ndaartindortoomi ɓe faa mi ndaara yalla ɓe ɗowtanto jamirooje am naa ɓe ɗowtantaako ɗe.

Wurtagol 20:20

Muusaa wi'i yimɓe ɓeen: — Taa kulee sabo Laamɗo ina ndaartinoo on faa kulol mum wona ley ɓerɗe mooɗon, taa ngaɗon hakke.

Banndi 17:3

Yiite rimɗinta cardi e kaŋŋe, Joomiraaɗo du kam fonndata ɓerɗe.

Romankooɓe 8:28

Eɗen anndi Laamɗo ina gollira huunde fuu faa laatanoo yiɗuɓe ɗum ko wooɗi, ɓe o noddi fodde anniya makko.

2 Korintunkooɓe 4:17

Sabo torraaji ɗi min torretee ɗiin ina kuyfiti, ina paltoo law. De ɗi cegilanto min teddeengal manngal ngal timmataa, ɓurngal torraaji ɗiin abada.

Fillitagol 13:3

de ko wi'i ɗuum waɗiri hono no wiirunoo noon, si o wi'i: «En ndewa allaaji goɗɗi de ɗowtanoɗen ɗum'en!» allaaji ɗi on anndaano fu,

Fillitagol 8:2

Miccitoɗon laawol ngol Joomiraaɗo, Laamɗo mooɗon rewni on gilla duuɓi 40 nder ladde yoornde, to yarni on torraaji feere feere faa anndita ko woni e ɓerɗe mooɗon de faama yalla on ɗowtanto jamirooje muuɗum naa on ɗowtantaako ɗe.

Fillitagol 8:3

Ndelle o yarnii on torra, o rafii on de o nyaamni on manna, nyaamdu ndu onon e maamiraaɓe mooɗon fuu anndaano faa o holla on ko wanaa buuru tan neɗɗo wuurdata ammaa na wuurda ko wurtii e hunnduko Joomiraaɗo fuu.

Yaakuuba 1:12

Barke woodanii neɗɗo fuu munyuɗo ley tiiɗallaaji ndaartindotooɗi ɗum. Sabo nde o ndaardaa o jarraaɗo ndeen, o teddinirte kufune mo Laamɗo aadii hokkude yiɗuɓe ɗum, ɗum woni nguurndam nduumiiɗam.

1 Piyeer 1:7

Torraaji ɗiin kollata goonɗinal mooɗon na selli. Hono no kaŋŋe taaynirtee e yiite faa ndaaree yalla wo dimo, onon du hono noon ndaartinorteɗon. Goonɗinal mooɗon du ina ɓuri kaŋŋe sabo kaŋŋe heddataako. Caggal oɗon munyi torra, on njettete, on keɓan darja e teddeengal nyannde Iisaa Almasiihu ɓangi.