Ɓe ndewlanii ko'e maɓɓe e ɓiɓɓe maɓɓe surbaaɓe leydi ndi. Ndelle lenyol ceniingol jillonduraama e lenyi leydi ndi. De ko ɓuri bonde e majjum fu, wo ardiiɓe e mawɓe lenyol ngool ɓuri waɗude jamba oon.
Mi waɗan laatoɗon yimɓe am, miin du mi laatoo Laamɗo mooɗon. Ndeen on paaman wo miin woni Joomiraaɗo, Laamɗo mooɗon, burtinoowo on ley golleeji yimɓe Misira tiiɗɗi ɗiin.
Saabe ɗuum de mbiimi on: — Wo onon njeytata leydi maɓɓe ndiin. Miin e hoore am hokkata on ndi. Wo ndi leydi ndi kosam e njuumndi ilata e muuɗum. Miin woni Joomiraaɗo, Laamɗo mooɗon. Wo miin senndi on e lenyi keddiiɗi fuu.
Noon o waɗi faa o ɓurna on teddeengal e innde anndaaku e maneede hakkunde lenyi adunaaru ɗi o tagi fuu de laatoɗon lenyol ceniingol saabe Joomiraaɗo, Laamɗo mooɗon fodde no wiirunoo on noon.
Si on ɗowtanake jamirooje Joomiraaɗo ɗe kam e hoorem hokki on ɗeen, de ndewuɗon laabi muuɗum fu, waɗan laatoɗon yimɓe muuɗum seniiɓe fodde no hunoranii on noon.
De onon kaa, wo on lenyol cuɓaangol, wo on almaami'en gollanooɓe Kaananke oon, wo on lenyol ceniingol, wo on yimɓe ɓe Laamɗo suɓanii hoore muuɗum. O suɓake on faa kaalon kabaaru moƴƴuki makko, kanko nodduɗo on ƴuuwde e nimre warude e annoora makko kaayniiɗo oon!
Miccitoɗon du, o accaay adunaaru arandeeru nduun. Ko o waɗi dey, o reenii Nuuhu baajotooɗo fonnditaare oon e yimɓe njeɗɗo woɓɓe, de o wayli ilam tuufaandu faa halki adunaaru yeddundu mo nduun.