Fillitagol 7:24 - Dewtere Laamɗo Fulfulde Burkina Faso

²⁴ O wattan kaanankooɓe maɓɓe e juuɗe mooɗon de kalkon ɗum'en faa inɗe muɓɓen lalla lay. Fay gooto waawataa daraade yeeso mooɗon faa ɓe fuu ɓe timma.

Fillitagol 7:24 ပူးပေါင်းရင်းမြစ်များ

Wurtagol 17:14

Joomiraaɗo wi'i Muusaa: — Winndu ɗum fuu ley dewtere faa taa ɗum yeggitee. Hollu Yoosuwa, mi halkan Amalekinkooɓe fuu faa abada, faa taa fay gooto miccitoo ɓe e adunaaru.

Banndi 10:7

Miccitagol ponnditiiɗo wo barke, de inɗe bonɓe kaa nyolan.

Romankooɓe 8:37

Ammaa e ley majjum fuu, saabe jiɗɗo en oon, eɗen ɓuri fay jaalotooɓe.

1 Korintunkooɓe 15:57

Ammaa jettooje ngoodanii Laamɗo kokkiroowo en jaalagol saabe Joomiraaɗo meeɗen Iisaa Almasiihu.

Fillitagol 11:25

Fay gooto waawataa daraade yeeso mooɗon. To njottiɗon e leydi ndiin fuu Joomiraaɗo, Laamɗo mooɗon waɗan kuleɗon kulol manngol faa ɓerɗe yimɓe ɓeen ndiwna fodde no wi'iri on noon.

Fillitagol 25:19

Nde Joomiraaɗo, Laamɗo mooɗon hokkowi on powtiri tawi riiwii lenyi piiliiɗi on ley leydi ndi hokkata on faa laatoo ndongu mon ndiin fu, ngaɗon innde Amalek lalla ley adunaaru. Taa njeggiton.

Fillitagol 29:20

sennda o e lenyi Israa'iila saabe bone kewtotooɗo o fodde kuddiiji binndaaɗi ley dewtere Tawreeta ndee.

Fillitagol 9:14

Accaa mi halka ɓe, mi mooyta innde maɓɓe ley duuniyaaru de mi waɗe aan lenyol ɓurngol ɓe semmbe e ɗuuɗal.

Fillitagol 9:3

Ndelle paamon hannden, Joomiraaɗo, Laamɗo mooɗon na ardii on hono yiite nyaamoowe. Wo kam halkata ɓe, leeƴina ɓe yeeso mooɗon. On teetan leydi maɓɓe de kalkon ɓe law fodde no Joomiraaɗo wi'iri on noon.

Yoosuwa 1:5

Haddu nguurndam maa fuu walaa darotooɗo yeeso maa. Mi wondan e maaɗa hono no ngondirnoomi e Muusaa ni. Mi woɗɗataako ma, mi yoppataa ma feere maa.

Yoosuwa 10:23

Ɓe ngaɗiri noon, ɓe mburtini laamiiɓe njoyo ɓeen ley loho koon, ɓe ngaddi ɓeen to makko. Kamɓe ngoni kaananke Urusaliima e mo Heberon e mo Yarmut e mo Lakis e mo Egilon.

Yoosuwa 10:40

Ndelle, Yoosuwa jaalii leydi ndiin fuu. O jaalii gure gonɗe dow baamle e gonɗe horɗoore, e ley baamle e nder naɗɗi fuu, kanje e kaanankooɓe majje. O accidaay fay gooto e yonki. O halki ko foofata fuu, hono no Joomiraaɗo, Laamɗo Israa'iila yamirnoo mo noon.

Yoosuwa 10:42

Yoosuwa jaalii laamiiɓe ɓeen e leyɗe muɓɓen fuu, ley orngal konu gootal. Ɗuum fuu waɗii sabo Joomiraaɗo, Laamɗo Israa'iila honani yimɓe muuɗum ley wolde ndeen.

Yoosuwa 10:8

Joomiraaɗo wi'i Yoosuwa: — Taa hulu ɓe, sabo mi wattii ɓe e junngo maa. Fay gooto maɓɓe walaa darotooɗo yeeso maa.

Yoosuwa 11:17

O heɓi jaalagol gilla waamnde Halak faro Seyir faa yottii Ba'al-Gada ley naɗɗol Liban faa ley waamnde Hermon.

Yoosuwa 12:24

e kaananke Tirsa. Limgal kaanankooɓe leyɗe ɗeen fuu wo 31.

Yoosuwa 21:44

Joomiraaɗo hokki ɓe jam nokku fuu nder leydi ndiin, hono no o hunoraninoo maamiraaɓe maɓɓe noon. Walaa fay gooto nder wayɓe maɓɓe baawɗo daraade yeeso maɓɓe, sabo Joomiraaɗo wattii wayɓe maɓɓe ɓeen fuu nder juuɗe maɓɓe.

Yoosuwa 23:3

Onon e ko'e mooɗon on nji'ii huunde fuu ko Joomiraaɗo, Laamɗo mon waɗi yimɓe leyɗe ɗeen fuu saabe mooɗon. Joomiraaɗo, Laamɗo kam e hoore muuɗum honani on ɓe.

Yoosuwa 23:9

Joomiraaɗo riiwii leyɗe mawɗe e cemmbiɗinɗe yeeso mooɗon. Walaa baawɗo daraade yeeso mon faa warde hannden.

Yoosuwa 6:2

Joomiraaɗo wi'i Yoosuwa: — Ndaar, mi wattii Yeriko e kaananke muuɗum e worɓe mum semmbiɗinɓe fuu e junngo maa.