Fillitagol 7:13 - Dewtere Laamɗo Fulfulde Burkina Faso

¹³ O yiɗan on, o barkina on de o ɗuunna on. O barkinan ɓeyngu mooɗon, wooɗi du, o barkinan alkama mon e inaboojam mon e nebbam mon, e ɓiɓɓe gese mon fuu. Daabaaji mon pamari e mawɗi fuu ngaɗan barke ley leydi ndi o hunanii maamiraaɓe mon o hokkan on ndiin.

Fillitagol 7:13 ပူးပေါင်းရင်းမြစ်များ

Nehemiya 9:32

Laamɗo amin, a mawɗo, a jom teddeengal, a kulɓiniiɗo, a tiigoriiɗo amaana maaɗa e hoolaare. Taa yawu torraaji ɓurɗi min semmbe, caamuɗi dow amin, minen e laamiiɓe amin e mawɓe amin e almaami'en amin e annabaaɓe amin e maamiraaɓe amin e yimɓe maaɗa fuu, gilla jamaanu kaananke Asuura faa hewti hannden.

Ayuuba 1:10

Wanaa wo aan reeni mo, aɗa fiilii mo hono hoggo, kanko e wuro makko e ko o jogii fuu? A barkinii golleeji juuɗe makko, a lanyini mardiiji makko faa keewi ley leydi ndiin.

Ayuuba 42:12

Joomiraaɗo du barkini Ayuuba e balɗe muuɗum cakitiiɗe faa ɓuri ko barkinnoo ɗum arande. O heɓi baali e be'i 14.000 e geelooɗi 6.000 e na'i 2.000 e araaji debbi 1.000.

Wurtagol 23:25

Ɗowtanoɗon Laamɗo, Joomiraaɗo mooɗon, ndeen o barkinan ko nyaamoton e ko njaroton, wooɗi du, o riiwan nyawu ley ɓalli mooɗon.

Banndi 10:22

Barke Joomiraaɗo na wadda jawdi, mettorgal walaa e maggol.

Banndi 15:9

Laabi bonɓe ina nyiddinii yeeso Joomiraaɗo, de jokkoowo ponnditiingol kaa, imo yiɗi ɗum.

Lewinkooɓe 26:9

Mi haybanan on, mi barkina ɓeyngu mon de keewon. Mi ɗuuɗinan on de mi tabintina amaana mo ngaddumi e mooɗon oon.

Matta 6:33

Ndelle, piloɗon laamu Laamɗo tafon, kam e fonnditaare muuɗum. Ndeen ko heddii ɗuum fuu, on ɓeydante ɗum.

Yuhanna 14:21

Neɗɗo fuu tiigiiɗo jamirooje am de jokki ɗe, kam woni jiɗɗo kam. Jiɗɗo kam, Baaba am yiɗan ɗum. Miin du, mi yiɗan ɗum, mi ɓanginanan ɗum hoore am.

Yuhanna 15:10

Si on njokkii jamirooje am, on ngonan ley njinngu am hono no njokkirmi jamirooje Baaba am de ngonumi e njinngu muuɗum ni.

Yuhanna 16:27

sabo Baabiiwo e hoore muuɗum ina yiɗi on. O yiɗirii on saabe ko njiɗuɗon kam, on ngoonɗinii to Laamɗo ƴuurumi.

Fillitagol 1:8

Ndaaron, mi hokkii on ndi. Njehee njeytowee ndi. Kayri woni ndi Joomiraaɗo huninoo hokkan maamiraaɓe mon Ibrahiima e Isiyaaka e Yaakuuba laatoo ndongu muɓɓen, kam'en e ƴuwdi muɓɓen fuu.

Fillitagol 13:17

Kawrondinon jawdi maɓɓe fuu hakkunde galluure ndeen de mbulanon nde Joomiraaɗo, Laamɗo mooɗon, kayre e ko woni e mayre fuu. Nde laatoo winnde, wooɗi du nde nyiɓtataake faa abada.

Fillitagol 28:1

Si on kettindanake Joomiraaɗo, Laamɗo mooɗon, on ɗowtanake jamirooje muuɗum fuu fodde no kollirammi on hannden noon fu, teddinan on ɓurna lenyi adunaaru keddiiɗi fuu.

Fillitagol 28:11

Joomiraaɗo hebbinan on barke, o ɗuuɗinan ɓeyngu mooɗon. O barkinan daabaaji mon e gese mon fuu ley leydi ndi o hunaninoo maamiraaɓe mon o hokkan on ndiin.

Fillitagol 30:5

O wartiran on ley leydi ndi o hokkunoo maamiraaɓe mon laatoo jeyal muɓɓen de njeyton ndi. O barkinan on de o ɓurna on maamiraaɓe mon ɗuuɗude.

Fillitagol 7:7

Wanaa saabe oɗon ɓuri lenyi keddiiɗi fuu ɗuuɗude de Joomiraaɗo suɓii on, haɓɓondiri e mooɗon, sabo oɗon anndi onon ɓuri lenyi keddiiɗi ɗiin fuu famɗude.