Fillitagol 6:3 - Dewtere Laamɗo Fulfulde Burkina Faso

³ Ndelle onon Israa'iila'en, kettindoɗon faa wooɗa de tinnoɗon ngaɗon ko yamiraa faa keɓon jam, ɓeydoɗon keewon fodde no Joomiraaɗo, Laamɗo maamiraaɓe mooɗon wi'iri on laatoyto ley leydi ndi kosam e njuumndi ilata e muuɗum ndiin.

Fillitagol 6:3 ပူးပေါင်းရင်းမြစ်များ

Fuɗɗoode 12:2

Mi waɗete lenyol manngol, mi barkinte, mi mawninan innde maa. Yimɓe fuu keɓan barke saabe maaɗa.

Fuɗɗoode 13:16

Mi waɗan ƴuwdi maa ɗuuɗa faa fay gooto waawataa limude ndi. Si njaareendi na waawi limeede fu, ƴuwdi maa ndiin du waawete limeede.

Fuɗɗoode 15:5

Joomiraaɗo wurtini mo yaasin, wi'i: — Ndaar kammu, de limaa koode si aɗa waawi. O ɓeydi, o wi'i: — Noon ƴuwdi maaɗa ɗuuɗirta.

Fuɗɗoode 22:17

mi barkinte, mi ɗuuɗinan ƴuwdi maa hono koode kammu, hono gabbe njaareendi daande maayo. Ƴuwdi maa ronan galluuje wayɓe muuɗum.

Fuɗɗoode 26:4

Mi ɗuuɗinan ƴuwdi maa hono koode, mi hokkan ƴuwdi maa leyɗe ɗee fuu. Lenyi adunaaru fuu keɓan barke saabe ƴuwdi maa.

Fuɗɗoode 28:14

Ƴuwdi maa ɗuuɗan hono gabbe njaareendi, ndi sankitoto faro lettugal e gorgal e soɓɓirre e horɗoore. Lenyi duuniyaaru fuu keɓan barke saabe maa e saabe ƴuwdi maaɗa.

Wurtagol 1:7

Yimɓe Israa'iila ndimi, ɗuuɗi sanne. Ɓe ɓeydii, ɓe ɗuuɗi sanne, semmbe maɓɓe du ɓeydii. Ɓe keewi e leydi ndiin fuu.

Wurtagol 3:17

Ɗum saabii mbi'umi mi wurtinan on e mettorgal mooɗon ley leydi Misira, mi yaara on leydi Kanaaninkooɓe e Hittiyankooɓe e Amorinkooɓe e Perisinkooɓe e Hewinkooɓe e Yebusinkooɓe. Ndiin woni leydi ndi kosam e njuumndi ilata e muuɗum.

Wurtagol 3:6

O wi'i katin: — Miin woni Laamɗo baaba maaɗa, Laamɗo Ibrahiima e Isiyaaka e Yaakuuba. Ndeen Muusaa suddi yeeso muuɗum sabo hulii ndaarude Laamɗo.

Wurtagol 3:8

Saabe ɗuum de njippiimi faa mi danna yimɓe am e baawɗe Misirankooɓe, mi itta ɓe leydi Misira, mi yaara ɓe leydi lobbiri njaajundi, leydi ndi kosam e njuumndi ilata e muuɗum, nokkuure ɗo Kanaaninkooɓe e Hittiyankooɓe e Amorinkooɓe e Perisinkooɓe e Hewinkooɓe e Yebusinkooɓe njooɗii.

Tindinoowo 8:12

Si goonga, gaɗoowo hakke ina waawi waɗude ko boni kile hemre wooɗi balɗem njuutaa, ammaa miɗo anndi wo kuloowo Laamɗo kam heɓoyta ko wooɗi saabe kulol muuɗum Laamɗo.

Golle Nelaaɓe 7:17

Nde amaana mo Laamɗo waɗannoo Ibrahiima ɓadinoo yottaade ndeen, Ibraninkooɓe keewi ley Misira.

Fillitagol 11:9

Noon waɗata de balɗe mon njuuta ley leydi ndi Joomiraaɗo hunanii maamiraaɓe mon hokkan ɗum'en kam'en e taaniraaɓe muɓɓen, ndi kosam e njuumndi ilata e muuɗum ndiin.

Fillitagol 26:15

Yaa Joomiraaɗo! Miɗen ŋaare, tiimaa min gilla nokkuure maaɗa seniinde dow kammuuli toon de mbarkinaa Israa'iila, lenyol maaɗa e leydi ndi kokkuɗaa min fodde no kunoraninoɗaa maamiraaɓe amin noon. Ɗum woni leydi ndi kosam e njuumndi ilata e muuɗum ndiin.

Fillitagol 26:9

O waddi min nokkuure ndee, o hokki min leydi ndi kosam e njuumndi ilata e muuɗum.

Fillitagol 27:3

Mbinndon jamirooje ɗeen fuu dow kaaƴe ɗeen. Ngaɗon noon wakkati naatoyɗon leydi ndi Joomiraaɗo, Laamɗo maamiraaɓe mooɗon hokkata on, ndi kosam e njuumndi ilata e muuɗum ndiin, fodde no wiirunoo noon.

Fillitagol 31:20

Sabo mi nannan lenyol ngool leydi ndi kunaninoomi maamiraaɓe maɓɓe mi hokkan ɗum'en ndiin. Ɗum woni leydi ndi kosam e njuumndi ilata e muuɗum ndiin. Toon, ɓe nyaamoyta faa ɓe kaara, ɓe paya de ɓe tottitoo kam ɓe ndewa allaaji goɗɗi. Ɓe ɗowtanoo ɗum'en, ɓe kuyfina kam de ɓe mbonna amaana am oon.

Fillitagol 4:40

Njogitoɗon sariyaaji makko e jamirooje makko fodde no ekitinirmi on hannden noon faa keɓon jam onon e ɓiɓɓe mooɗon de balɗe mon njuuta ley leydi ndi Joomiraaɗo, Laamɗo mooɗon hokkata on ndiin faa abada.

Fillitagol 4:6

Ɗowtanoɗon ɗe de ngaɗon ko ɗe mbi'i. Ɗuum seedantoo lenyi nanooji haala jamirooje ɗeen hakkillo mon e anndal mon, faa ɓe mbi'a: — Sikke walaa, lenyol ngol na woodi hakkillo e anndal. Wo ngol lenyol manngol!

Fillitagol 8:8

Leydi keewndi alkama e sa'iiri e inabooje e ƴibbe e rummaneeje e nebbam jaytun e njuumndi.