Fillitagol 6:18 - Dewtere Laamɗo Fulfulde Burkina Faso

¹⁸ Ngaɗon ko dartii, ko wooɗi yeeso Joomiraaɗo faa keɓon jam de naaton leydi lobbiri ndi hunaninoo maamiraaɓe mooɗon ndiin.

Fillitagol 6:18 ပူးပေါင်းရင်းမြစ်များ

Wurtagol 15:26

O wi'i ɓe: Si on kettindanake daande am e goonga, on ngaɗii ko wooɗi yeeso am, on ɗowtanake jamirooje am fuu, miin Joomiraaɗo, Laamɗo mooɗon, mi fiirataa on masiibaaji ɗi piirunoomi Misirankooɓe ɗiin. Sabo wo miin woni Joomiraaɗo dannoowo on.

Yuhanna 8:29

Nulɗo kam oon ina wondi e am, o yoppaay kam mi perwuɗo, sabo ko weli mo tan ngaɗammi wakkati fuu.

Romankooɓe 12:2

Taa nyemmbitee adunaaru, ammaa accee Laamɗo heyɗintina hakkillooji mon faa ɓerɗe mooɗon mbaylitoo. Ndeen, on mbaawan anndude muuyɗe Laamɗo: ko wooɗi e ko weli mo e ko hiɓɓi.

Fillitagol 12:25

Taa nyaamon ɗam faa keɓon jam onon e ɓiɓɓe mon fuu. Ngaɗon ko fotanta Joomiraaɗo.

Fillitagol 12:28

Kettindoɗon jamirooje ɗeen de ngaɗon ko mbiimi faa onon e ɓiɓɓe mon fuu keɓon jam faa abada saabe on ngaɗii ko dartii e ko wooɗi yeeso Joomiraaɗo, Laamɗo mooɗon.

Fillitagol 13:18

Taa kooƴon faa'e e ko halketee ɗuum faa tikkere Joomiraaɗo, Laamɗo mooɗon nyanngunde ndeen tottitoo on de o yurmoo on, o ɗuuɗina on faa keewon fodde no o hunoraninoo maamiraaɓe mon noon.

Fillitagol 4:40

Njogitoɗon sariyaaji makko e jamirooje makko fodde no ekitinirmi on hannden noon faa keɓon jam onon e ɓiɓɓe mooɗon de balɗe mon njuuta ley leydi ndi Joomiraaɗo, Laamɗo mooɗon hokkata on ndiin faa abada.

Fillitagol 5:29

Si kulol am ngool waawuno heddaade ley ɓerɗe maɓɓe faa ɓe ɗowtanoo jamirooje am nyannde fuu, ndeen ɓe keɓanno wuurude e jam kamɓe e ɓiɓɓe maɓɓe fuu faa abada.

Fillitagol 5:33

Tokkon laawol ngol Joomiraaɗo, Laamɗo mooɗon hokki on ngool faa mbuuron de keɓon jam, wooɗi du, balɗe mooɗon njuuta ley leydi ndi njeytoyton ndiin.

Fillitagol 6:10

Nde Joomiraaɗo, Laamɗo mooɗon nannowi on leydi ndi hunaninoo maamiraaɓe mooɗon Ibrahiima e Isiyaaka e Yaakuuba hokkan on ndiin fu, on tawan galluuje lobbe mawɗe ɗe on nyiɓaay.

Fillitagol 6:19

O riiwan wayɓe on fuu yeeso mooɗon fodde no o wi'iri noon.

Fillitagol 8:11

Kakkilon, taa njeggiton Joomiraaɗo, Laamɗo mooɗon de kunngoɗon ɗowtanaade jamirooje e kiite e sariyaaji muuɗum fodde no ekintiniranmi on hannden noon.