Fillitagol 6:13 - Dewtere Laamɗo Fulfulde Burkina Faso

¹³ Kulon Joomiraaɗo, Laamɗo mooɗon. Wo oon ɗowtantoɗon wooɗi du, e innde makko kunortoɗon.

Fillitagol 6:13 ပူးပေါင်းရင်းမြစ်များ

Fuɗɗoode 24:3

e innde Joomiraaɗo, taguɗo kammu e leydi, a ɓaŋantaa ɓiyam gorko oon gooto e ɓiɓɓe Kanaaninkooɓe rewɓe ɓe njooɗodiimi ɓee.

2 Kaanankooɓe 17:36

Wo Joomiraaɗo burtinirɗo on leydi Misira e semmbe e baawɗe mawɗe, oon tan haani kulon. Wo kam tan njeyɗon hofaade yeeso muuɗum, wooɗi du, wo oon tan kaanɗon waɗande kirsamaaji.

Wurtagol 20:7

Taa noddaa innde am ɓolum, miin Joomiraaɗo, Laamɗo maaɗa, sabo mi accataa pijirɗo innde am ɓolum.

Wurtagol 23:25

Ɗowtanoɗon Laamɗo, Joomiraaɗo mooɗon, ndeen o barkinan ko nyaamoton e ko njaroton, wooɗi du, o riiwan nyawu ley ɓalli mooɗon.

Lewinkooɓe 19:12

Taa kunoroɗon innde am dow fewre. Si on ngaɗii noon fu, on kuyfinii innde Laamɗo mooɗon. Miin woni Joomiraaɗo.

Matta 4:10

Iisaa wi'i mo: — Woɗɗam Seyɗaani! Sabo ina winndaa: «Wo Laamɗo Joomiraaɗo maa kaanɗaa sujidande, kam tan kaanɗaa rewude.»

Matta 5:33

— On nanii katin, maamiraaɓe meeɗen mbi'anooma: «Taa fiirtu hunayeere maa, tabintinaa nde yeeso Joomiraaɗo.»

Luuka 4:8

Iisaa jaabii mo, wi'i: — Ina winndaa: «Wo Laamɗo, Joomiraaɗo maa kaanɗaa sujidande, kam tan kaanɗaa rewude.»

Fillitagol 10:12

Joonin le, onon Israa'iila'en, ɗume Joomiraaɗo, Laamɗo mooɗon haajaa to mooɗon? Si wanaa kulon ɗum de ndewon laabi muuɗum, njiɗon ɗum de ɗowtanoɗon ɗum e ɓerɗe mon e yonkiiji mon fuu.

Fillitagol 10:20

Wo Joomiraaɗo, Laamɗo mooɗon haani kulon. Wo oon haani ɗowtanoɗon de kaɓɓondiron e muuɗum. Wo e innde makko kunortoɗon.

Fillitagol 13:4

taa kettindanee annabaajo naa piirtoowo koyɗi oon sabo wo Joomiraaɗo, Laamɗo mooɗon oon ndaartintoo on faa faama yalla oɗon njiɗiri ɗum e ɓerɗe mon e yonkiiji mon fuu.

Fillitagol 13:5

Ndewon Joomiraaɗo, Laamɗo mooɗon de kulon ɗum. Kettindoɗon jamirooje muuɗum de ɗowtanoɗon konngol muuɗum. Wo oon ndewoton de kaɓɓondiron e muuɗum.

Fillitagol 5:11

Taa noddaa innde am ɓolum, miin Joomiraaɗo, Laamɗo maaɗa, sabo mi accataa pijirɗo innde am ɓolum.

Fillitagol 5:29

Si kulol am ngool waawuno heddaade ley ɓerɗe maɓɓe faa ɓe ɗowtanoo jamirooje am nyannde fuu, ndeen ɓe keɓanno wuurude e jam kamɓe e ɓiɓɓe maɓɓe fuu faa abada.

Fillitagol 6:2

Noon waɗata faa kulon Joomiraaɗo, Laamɗo mooɗon de ndeenon sariyaaji e jamirooje ɗe ekintinanmi on ɗeen haddi nguurndam mon fuu, onon e ɓiɓɓe mon e taaniraaɓe mon faa balɗe mooɗon njuuta.

Yoosuwa 2:12

Ammaa joonin kunanee kam e innde Joomiraaɗo. Yalla hono no ngaɗirammi on moƴƴere ni, onon du on ngaɗanan kam miin e yimɓe am iri moƴƴere ndeen. Kokkee kam maande hoolniinde holloore on

Yoosuwa 23:7

Taa kawtee e lenyi keddiiɗi hakkunde mon ɗiin. Taa inndee inɗe allaaji maɓɓe, taa kunoree inɗe majji du, taa teddinee ɗi, taa cujidanee ɗi.

Yoosuwa 24:14

Ndeen Yoosuwa ɓeydi, wi'i: — Joonin kaa, kulee Joomiraaɗo, ngolliranee mo ngoongalaaku e ɓernde wootere. Ittee allaaji ɗi maamiraaɓe mooɗon ɗowtantonoo caggal maayo Efaratis e ley Misira ɗiin. Ɗowtanee Joomiraaɗo tan.

1 Samuwiila 20:3

Daawda hunake, wi'i: — Bammaa na anndi faa wooɗi mi heɓii yardaa-muye e maaɗa. O yiɗaa faaminde ma ko o waɗata kam, sabo o anndii ɓernde maa mettan. Ammaa mi hunake hakkunde am e Joomiraaɗo buurɗo, wooɗi, hakkunde am e maaɗa du, taaɓannde wootere tan heddii hakkunde am e maayde.

1 Samuwiila 7:3

Ndeen Samuwiila wi'i yimɓe Israa'iila fuu: — Si on ngartii to Joomiraaɗo e ɓerɗe mooɗon fuu, sanaa mboɗɗoɗon alla'en woɓɓe e tooru wi'eteendu Astarta hakkunde mooɗon. Sanaa ponndinon ɓerɗe mooɗon to Joomiraaɗo, ɗowtanoɗon ɗum kam tan. Ndeen o dannan on e juuɗe Filistiyankooɓe.