Fillitagol 6:12 - Dewtere Laamɗo Fulfulde Burkina Faso

¹² tinnoɗon taa njeggiton Joomiraaɗo burtinɗo on leydi Misira, ley suudu maccungaaku oon.

Fillitagol 6:12 ပူးပေါင်းရင်းမြစ်များ

2 Kaanankooɓe 17:36

Wo Joomiraaɗo burtinirɗo on leydi Misira e semmbe e baawɗe mawɗe, oon tan haani kulon. Wo kam tan njeyɗon hofaade yeeso muuɗum, wooɗi du, wo oon tan kaanɗon waɗande kirsamaaji.

2 Kaanankooɓe 17:38

Taa njeggiton amaana mo ngaddunoomi e mooɗon, wooɗi du taa kulon allaaji goɗɗi.

Ayuuba 8:13

Noon woni laawol mono fuu si hiisaaki Laamɗo, jikke mo hulataa Laamɗo oon ɓeeɓan lay!

Wurtagol 13:14

Ndeen le, ley ko warata, si ɓiɓɓe mooɗon ƴamii on maanaa majjum fu, mbi'on ɗum'en: «Wo Joomiraaɗo wurtiniri min e baawɗe muuɗum mawɗe ley leydi Misira nder wuro maccungaaku.

Wurtagol 13:3

Ndeen Muusaa wi'i yimɓe ɓeen: — Miccoɗon nyalaande nde, wo nyalaande nde mburtiɗon Misira, ley leydi maccungaaku, sabo wo junngo Joomiraaɗo semmbiɗingo wurtini on. Taa nyaamon huunde fuu ko jillaa rabilla.

Wurtagol 6:6

Saabe ɗuum mbi'aa yimɓe Israa'iila: Miin woni Joomiraaɗo, mi wurtinan on ley golleeji tiiɗɗi ɗi Misirankooɓe ngatti on ɗiin. Mi dannan on e maccungaaku maɓɓe, mi rimɗiniran on junngo semmbiɗinngo e sariyaaji mawɗi ɗi ngaɗammi.

Banndi 30:9

Sabo si a waɗii kam jom jawdi keewndi, miɗo waawi salaade ma, mi wi'a: «Moy woni Joomiraaɗo?» Si mi jogaaki faa'e du, miɗo waawi wujjude, de mi famɗina innde maa, yaa Laamɗo am.

Limle 15:39

Noon waɗata faa nde nji'oyɗon bukki ɗiin fu, miccitoɗon jamirooje Joomiraaɗo de ngaɗon ko wi'i taa ɓerɗe mooɗon maa gite mooɗon ngaddana on luttude yamiroore makko.

Fillitagol 32:18

On njeggitii Laamɗo kokkuɗo on yonkiiji oon, paɗɗuɗon Tefaare rimunde on ndeen.

Fillitagol 4:23

Ndeentee, taa njeggiton amaana mo Joomiraaɗo, Laamɗo mooɗon waddi e mooɗon de ngaɗanon ko'e mooɗon tooru gomma, natal nanndinaangal e ko Joomiraaɗo, Laamɗo mooɗon haɗi ɗuum fuu.

Fillitagol 4:9

Ammaa ndeentee, kakkilee faa wooɗa taa njeggiton ko njiiruɗon gite mon ɗuum. Taa ɗum wurtoo e ɓerɗe mooɗon haddi nguurndam mooɗon fuu. Ekintinon ɗe ɓiɓɓe mooɗon e taaniraaɓe mooɗon.

Fillitagol 8:10

Nde nyaamoyɗon kaaruɗon fu, njetton Joomiraaɗo, Laamɗo mooɗon saabe leydi lobbiri ndi hokki on ndiin.

Koloosiyankooɓe 2:8

Tinnee taa fay gooto hiilira on haalaaji lugguɗi e haalaaji hiila ɓoli. Haalaaji ɗiin ƴuurii e al'aadaaji ɓiɓɓe-Aadama e tindinooje adunaaru, ɗe ƴuuraay e Almasiihu.

Ardiiɓe 2:12

Ɓe njoppi Joomiraaɗo, Laamɗo maamiraaɓe maɓɓe, burtinɗo ɓe e leydi Misira oon. Ɓe ɗowtanii allaaji goɗɗi ɗi lenyi piiliiɗi ɓe. Ɓe cujidani ɗi, ɓe ɓernini Joomiraaɗo.