Fillitagol 6:10 - Dewtere Laamɗo Fulfulde Burkina Faso

¹⁰ Nde Joomiraaɗo, Laamɗo mooɗon nannowi on leydi ndi hunaninoo maamiraaɓe mooɗon Ibrahiima e Isiyaaka e Yaakuuba hokkan on ndiin fu, on tawan galluuje lobbe mawɗe ɗe on nyiɓaay.

Fillitagol 6:10 ပူးပေါင်းရင်းမြစ်များ

Fuɗɗoode 15:18

Nyannde ndeen, Joomiraaɗo waddi amaana e Abram, wi'i ɗum: — Wo ƴuwdi maaɗa kokkammi leydi ndii, gilla maayo Misira faa yottoo Efrat, maayo manngo ngoon.

Fuɗɗoode 26:3

Keddoɗaa ley leydi ndi ɗo. Mi wondan e maaɗa, mi barkinte. Sabo wo aan e ƴuwdi maa kokkammi leydi ndii fuu. Mi hiɓɓinan hunayeere nde kunaniimi bammaa Ibrahiima ndeen.

Fuɗɗoode 28:13

Joomiraaɗo darii dow maggal, wi'i: — Miin woni Laamɗo, Joomiraaɗo bammaa Ibrahiima, Laamɗo Isiyaaka. Leydi ndi pukkiɗaa dow muuɗum ndiin, mi hokkete ndi, aan e ƴuwdi maa.

Nehemiya 9:25

Ɓe teeti kuɓeeje cemmbinɗiniraaɗe kokuuji e leydi lobbiri e gure keewɗe ɗe kujje lobbe e gayɗe ndiyam e gese cabiije e jaytun e leɗɗe feere feere dimooje ɓiɓɓe ɗuuɗɗe. Ɓe nyaami, ɓe kaari, ɓe payi, ɓe ceyorii ko kokkuɗaa ɓe.

Fillitagol 1:8

Ndaaron, mi hokkii on ndi. Njehee njeytowee ndi. Kayri woni ndi Joomiraaɗo huninoo hokkan maamiraaɓe mon Ibrahiima e Isiyaaka e Yaakuuba laatoo ndongu muɓɓen, kam'en e ƴuwdi muɓɓen fuu.

Fillitagol 19:1

Nde Joomiraaɗo, Laamɗo mooɗon halkidowi lenyi jooɗiiɗi ley leydi ndi hokkata on ndiin, wakkati njeytoyɗon leydi ndiin de njooɗiɗon ley galluuje maɓɓe e cuuɗi maɓɓe fu,

Fillitagol 31:20

Sabo mi nannan lenyol ngool leydi ndi kunaninoomi maamiraaɓe maɓɓe mi hokkan ɗum'en ndiin. Ɗum woni leydi ndi kosam e njuumndi ilata e muuɗum ndiin. Toon, ɓe nyaamoyta faa ɓe kaara, ɓe paya de ɓe tottitoo kam ɓe ndewa allaaji goɗɗi. Ɓe ɗowtanoo ɗum'en, ɓe kuyfina kam de ɓe mbonna amaana am oon.

Fillitagol 6:18

Ngaɗon ko dartii, ko wooɗi yeeso Joomiraaɗo faa keɓon jam de naaton leydi lobbiri ndi hunaninoo maamiraaɓe mooɗon ndiin.

Fillitagol 6:23

O wurtini en toon faa o wadda en leydi ndi o hunaninoo maamiraaɓe men o hokkan en ndiin.

Fillitagol 8:12

Nde nyaamoyɗon kaaruɗon de nyiɓanɗon ko'e mooɗon cuuɗi lobbi,

Fillitagol 9:1

Kettinee, onon Israa'iila'en! Hannden on peƴƴitan Urdun faa teeton leyɗe ɓurɗe on manngu e semmbe, galluuje mawɗe piilniraaɗe kokuuji toowɗi faa na tukkowi kammu ɗeen.

Yoosuwa 24:13

Mi hokkii on leydi ndi on tampanaay. Mi hokkii on du kuɓeeje ɗe on nyiɓaay, ɗe njooɗiɗon e muɓɓen joonin ɗeen. On nyaami ɓiɓɓe gese cabiije e jaytunje, ɗe on aawaay.»