Fillitagol 5:33 - Dewtere Laamɗo Fulfulde Burkina Faso

³³ Tokkon laawol ngol Joomiraaɗo, Laamɗo mooɗon hokki on ngool faa mbuuron de keɓon jam, wooɗi du, balɗe mooɗon njuuta ley leydi ndi njeytoyton ndiin.

Fillitagol 5:33 ပူးပေါင်းရင်းမြစ်များ

1 Kaanankooɓe 3:14

Si nii a jokkii laabi am, si a ɗowtanake sariyaaji am e jamirooje am, hono no bammaa Daawda waɗirno noon, mi juunnan balɗe maaɗa.

2 Kaanankooɓe 17:37

Ndelle tinnee kaybanee tindinooje e sariyaaji e jamirooje ɗe o winndani on ɗeen wakkati fuu. Wooɗi du taa kulon allaaji goɗɗi.

1 Kabaaruuji Laamiiɓe 28:8

Joonin oo, onon Israa'iila'en, jamaare Joomiraaɗo, hawritinɓe yeeso Laamɗo meeɗen ɓee, ɗowtanee jamirooje Laamɗo. Ngaɗon ko Joomiraaɗo, Laamɗo mooɗon wi'i ɗuum pay, faa njeyton leydi lobbiri ndi. Gaɗa mooɗon du, ndi laatoo ndongu ɓiɓɓe mon faa abada.

Wurtagol 20:12

Teddinaa baaba ma e inna ma faa balɗe maaɗa njuuta ley leydi ndi Joomiraaɗo, Laamɗo maaɗa hokkete ndiin.

Banndi 3:1

Ɓiyam, taa yeggitin tindinooje am, joga jamirooje am ley ɓernde maa.

Luuka 1:6

Ɓe ɗiɗo fuu ɓe fonnditiiɓe to Laamɗo. Iɓe njokki jamirooje Joomiraaɗo e sariyaaji muuɗum fuu. Feloore fuu walaa e maɓɓe.

Romankooɓe 2:7

Waɗooɓe ko wooɗi e ley munyal, filotooɓe darja e teddeengal e ko duumotoo ɓeen, keɓan nguurndam nduumiiɗam.

Efeesunkooɓe 6:3

Amaana o woni: «yalla aɗa heɓa moƴƴere, balɗe maa du njuuta e leydi ndi.»

Fillitagol 10:12

Joonin le, onon Israa'iila'en, ɗume Joomiraaɗo, Laamɗo mooɗon haajaa to mooɗon? Si wanaa kulon ɗum de ndewon laabi muuɗum, njiɗon ɗum de ɗowtanoɗon ɗum e ɓerɗe mon e yonkiiji mon fuu.

Fillitagol 11:9

Noon waɗata de balɗe mon njuuta ley leydi ndi Joomiraaɗo hunanii maamiraaɓe mon hokkan ɗum'en kam'en e taaniraaɓe muɓɓen, ndi kosam e njuumndi ilata e muuɗum ndiin.

Fillitagol 12:25

Taa nyaamon ɗam faa keɓon jam onon e ɓiɓɓe mon fuu. Ngaɗon ko fotanta Joomiraaɗo.

Fillitagol 12:28

Kettindoɗon jamirooje ɗeen de ngaɗon ko mbiimi faa onon e ɓiɓɓe mon fuu keɓon jam faa abada saabe on ngaɗii ko dartii e ko wooɗi yeeso Joomiraaɗo, Laamɗo mooɗon.

Fillitagol 22:7

Njoppaa inniiwo oon dilla de kooƴaa ɓikkoy kooy tan. Noon waɗata faa keɓaa jam wooɗi du njuutaa balɗe.

Fillitagol 29:8

Ndelle tinnoɗon kaybanon haalaaji amaana oo, de ngaɗon ko yamiraa faa keɓon barke ley ko ngaɗoyton fuu.

Fillitagol 30:16

Ko njamirammi on woni njiɗon Joomiraaɗo, Laamɗo mooɗon, ndewon laabi muuɗum, ngaɗon ko jamirooje e sariyaaji e kiite muuɗum mbi'i. Si on ngaɗii noon fu, on mbuuran de ɗuuɗon, wooɗi du, o barkina on ley leydi ndi naatoton faa njeyton ndiin.

Fillitagol 4:1

Muusaa ɓeydi wi'i: Onon yimɓe Israa'iila, kettinee jamirooje e sariyaaji ɗi njannginanmi on. Ɗowtanoɗon ɗi faa mbuuron de njahon njeytowon leydi ndi Joomiraaɗo, Laamɗo maamiraaɓe mooɗon hokkata on ndiin.

Fillitagol 4:40

Njogitoɗon sariyaaji makko e jamirooje makko fodde no ekitinirmi on hannden noon faa keɓon jam onon e ɓiɓɓe mooɗon de balɗe mon njuuta ley leydi ndi Joomiraaɗo, Laamɗo mooɗon hokkata on ndiin faa abada.

Fillitagol 5:16

Teddinaa baaba ma e inna ma hono no Joomiraaɗo, Laamɗo maaɗa yamiri ma noon faa balɗe maaɗa njuuta de keɓaa barke ley leydi ndi o hokkete ndiin.

Fillitagol 5:29

Si kulol am ngool waawuno heddaade ley ɓerɗe maɓɓe faa ɓe ɗowtanoo jamirooje am nyannde fuu, ndeen ɓe keɓanno wuurude e jam kamɓe e ɓiɓɓe maɓɓe fuu faa abada.

Fillitagol 6:1

Inan jamirooje e sariyaaji e kiite ɗe Joomiraaɗo, Laamɗo mooɗon yamiri njanngineɗon faa ɗowtanoɗon ko wi'i ley leydi ndi ponndiɗon faa laatoo jeyal mooɗon ndiin.

Fillitagol 6:3

Ndelle onon Israa'iila'en, kettindoɗon faa wooɗa de tinnoɗon ngaɗon ko yamiraa faa keɓon jam, ɓeydoɗon keewon fodde no Joomiraaɗo, Laamɗo maamiraaɓe mooɗon wi'iri on laatoyto ley leydi ndi kosam e njuumndi ilata e muuɗum ndiin.

Fillitagol 8:1

Tinnoɗon e ɗowtanaade jamirooje ɗe ekintinanmmi on hannden ɗeen fuu faa mbuuron, keewon wooɗi du naaton leydi ndi Joomiraaɗo hunaninoo maamiraaɓe mon hokkan ɗum'en ndiin.

1 Timote 4:8

Eltude ɓanndu muuɗum ina nafa e kulle goɗɗe, ammaa kulol Laamɗo ina nafa e huunde fuu, sabo ina wondi e aadi nguurndam joonin e ngaroojam ɗaam fuu.