Fillitagol 5:32 - Dewtere Laamɗo Fulfulde Burkina Faso

³² Muusaa wi'i ɓe: — Kakkilon wooɗa, ngaɗon ko Joomiraaɗo, Laamɗo mooɗon yamiri on fuu. Taa oonyoroɗon nano naa nyaamo.

Fillitagol 5:32 ပူးပေါင်းရင်းမြစ်များ

2 Kaanankooɓe 17:37

Ndelle tinnee kaybanee tindinooje e sariyaaji e jamirooje ɗe o winndani on ɗeen wakkati fuu. Wooɗi du taa kulon allaaji goɗɗi.

2 Kaanankooɓe 21:8

Wooɗi du, si Israa'iila'en tinnake e ɗowtanaade ko njamirmi ɗum'en e hunnduko maccuɗo am Muusaa ɗuum fuu, mi accataa ɓe ndiiwee leydi ndi kokkumi maamiraaɓe maɓɓe ndiin.

2 Kaanankooɓe 22:2

O waɗi ko wooɗi yeeso Joomiraaɗo. O tokki laawol maamiiko Daawda. Fay nde wootere o seliraay nano maa nyaamo.

Banndi 3:2

Ɗe njuunnan nguurndam maa duuɓi keewɗi, a heɓan jam ley nguurndam maa.

Banndi 4:27

Taa wosora nano naa nyaamo, woɗɗin koyɗe maa e bone.

Fillitagol 11:32

Tinnoɗon e ɗowtanaade kiite e sariyaaji ɗi kokkumi on hannden ɗiin fuu.

Fillitagol 17:11

Ngaɗon sariya mo ɓe kolli on fodde no ɓe njamiri on. Taa oonyoroɗon nano naa nyaamo ammaa ngaɗon ko ɓe mbi'i tan.

Fillitagol 17:20

Noon waɗata taa o mawninkinoo, o sikka imo ɓuri sakiraaɓe makko de o selira laawol goonga ngool nano naa nyaamo. Si o waɗii noon fu, laamu makko juutan kanko e ɓiɓɓe makko fuu hakkunde Israa'iila.

Fillitagol 24:8

Kakkilon sanne e nyawuuji nguru bonɗi. Ngaɗon ko Lewinkooɓe almaami'en njanngini on dow majjum fuu. Tinnoɗon ngaɗon ko mbiimi ɓe njanngina on ɗuum.

Fillitagol 28:14

Si on mbosoraaki nano naa nyaamo, on ndewaay allaaji goɗɗi faa ɗowtanoɗon ɗum'en, de on njokkii jamirooje ɗe kokkammi on hannden ɗeen fuu, Joomiraaɗo barkinan on.

Fillitagol 29:8

Ndelle tinnoɗon kaybanon haalaaji amaana oo, de ngaɗon ko yamiraa faa keɓon barke ley ko ngaɗoyton fuu.

Fillitagol 6:17

Tinnoɗon e ɗowtanaade jamirooje makko, kakkilanon kiite makko e sariyaaji makko fodde no o yamiri on noon.

Fillitagol 6:25

Ndelle en laatoto dartiiɓe si en tinnake e ɗowtanaade jamirooje ɗe Joomiraaɗo, Laamɗo meeɗen hokki en ɗeen fuu.

Fillitagol 6:3

Ndelle onon Israa'iila'en, kettindoɗon faa wooɗa de tinnoɗon ngaɗon ko yamiraa faa keɓon jam, ɓeydoɗon keewon fodde no Joomiraaɗo, Laamɗo maamiraaɓe mooɗon wi'iri on laatoyto ley leydi ndi kosam e njuumndi ilata e muuɗum ndiin.

Fillitagol 8:1

Tinnoɗon e ɗowtanaade jamirooje ɗe ekintinanmmi on hannden ɗeen fuu faa mbuuron, keewon wooɗi du naaton leydi ndi Joomiraaɗo hunaninoo maamiraaɓe mon hokkan ɗum'en ndiin.

Yoosuwa 1:7

Ammaa sanaa cemmbinɗinaa hoore maa, cemmbinɗinaa ɓernde maa du, ɗowtanoɗaa jamirooje ɗe Muusaa maccuɗo am winndani ma fuu. Taa selir nyaamo naa du nano, noon keɓirta mbarjaari nokku fuu to njahataa.

Yoosuwa 23:6

Taa celee hakkilande e gollude ko winndaa nder dewtere Tawreeta Muusaa fuu, taa celiree nano naa nyaamo.

2 Piyeer 2:21

Si ɓe anndaano laawol fonnditaare ngool faa'e fu, ɗuum ɓuri ko ɓe anndi ngol faa wooɗi de ɓe tottitii yamiroore seniinde nde ɓe keɓunoo.