Fillitagol 5:22 - Dewtere Laamɗo Fulfulde Burkina Faso

²² Wo haalaaji ɗii, Joomiraaɗo hokki jamaare Israa'iila dow waamnde hakkunde yiite e ruulde e nimre tekkunde. O haaliri ɗi e daande toownde, o ɓeydaay faa'e. O winndii ɗi dow alluuje kaaƴe ɗiɗi de o hokki kam.

Fillitagol 5:22 ပူးပေါင်းရင်းမြစ်များ

2 Kaanankooɓe 17:37

Ndelle tinnee kaybanee tindinooje e sariyaaji e jamirooje ɗe o winndani on ɗeen wakkati fuu. Wooɗi du taa kulon allaaji goɗɗi.

Wurtagol 20:21

Yimɓe ɓeen ndarii to woɗɗi ammaa Muusaa ɓattitii ruulde niɓɓunde to Laamɗo woni toon.

Wurtagol 24:12

Joomiraaɗo wi'i Muusaa: Ƴeeŋu ngaraa to am dow waamnde ndee de keɗoɗaa faa mi hokke alluuje kaaƴe cehaaɗe. Mi winndii jamirooje e sariyaaji dow majje faa ekintinaa yimɓe ɓeen.

Wurtagol 31:18

Nde Joomiraaɗo tilinoo haaldude e Muusaa dow waamnde Sinayi ndeen, hokki ɗum alluuje kaaƴe ɗiɗi miccintinooje amaana ɗe Laamɗo e hoorem winndiri honndu muuɗum.

Fillitagol 4:33

Yalla woodii lenyol nanungol daande alla gomma ley yiite hono no mooɗon ni de heddodii e yonki naa?

Fillitagol 4:36

Gilla kammu, o waɗii nanuɗon daande makko faa o eelta on. Dow leydi du, o waɗii on njiirii gite mooɗon yiite makko maawnge de nanuɗon konngol makko hakkunde magge.

Fillitagol 5:23

Wakkati nanunoɗon daande nder nimre tekkunde, tawi waamnde ndeen fuu na huɓɓa yiite, onon ardiiɓe lenyi e mawɓe tawaaɓe hakkunde mooɗon fuu ɓattitiɗon kam.

Fillitagol 5:4

Joomiraaɗo haaldii e meeɗen hunnduko e hunnduko dow waamnde Sinayi hakkunde yiite.

Ibraninkooɓe 12:18

Onon, on ngaraay to huunde waawnde meemeede hono no yimɓe Israa'iila ngardunoo to waamnde Sinayi. Ɓeen kaa ngarii to yiite nyanngunge e to cuddi tekkundi e nimre e henndu mawndu.