Fillitagol 5:15 - Dewtere Laamɗo Fulfulde Burkina Faso

¹⁵ Miccitoɗaa a laatakeno maccuɗo leydi Misira de Joomiraaɗo, Laamɗo maaɗa wurtiniri ma semmbe mawɗo. Saabe ɗuum de Joomiraaɗo, Laamɗo maaɗa yamiri ma kakkilanaa nyalaande fowteteende ndeen.

Fillitagol 5:15 ပူးပေါင်းရင်းမြစ်များ

Fuɗɗoode 15:13

Joomiraaɗo haaldi e Abram, wi'i: — Paamaa ƴuwdi maa ndiin laatoyto yananɓe ley leydi njananndi. Ɓe laatoyto maccuɓe ley leydi ndiin, ɓe torriree duuɓi 400.

Fuɗɗoode 19:16

Ammaa Luudu wonnoo na sikkitira. Ndeen maleyka'en ɓeen nanngi junngo muuɗum e junngo jom suudu muuɗum e juuɗe ɓiɓɓe muuɗum rewɓe ɗiɗo ɓeen, sabo Joomiraaɗo yurmake mo. Ɓe mburtini ɓe, ɓe ɗowi ɓe faa e caggal wuro ngoon.

Wurtagol 13:14

Ndeen le, ley ko warata, si ɓiɓɓe mooɗon ƴamii on maanaa majjum fu, mbi'on ɗum'en: «Wo Joomiraaɗo wurtiniri min e baawɗe muuɗum mawɗe ley leydi Misira nder wuro maccungaaku.

Wurtagol 13:16

Kirsamaaji ɗiin laatoto maande dow juuɗe mooɗon e dow tiiɗe mooɗon. Ɗi miccintinan wo junngo Joomiraaɗo semmbiɗingo wurtini on leydi Misira.»

Wurtagol 13:3

Ndeen Muusaa wi'i yimɓe ɓeen: — Miccoɗon nyalaande nde, wo nyalaande nde mburtiɗon Misira, ley leydi maccungaaku, sabo wo junngo Joomiraaɗo semmbiɗingo wurtini on. Taa nyaamon huunde fuu ko jillaa rabilla.

Wurtagol 13:9

Iidi oon laatanto on huunde miccintinoore on, hono maande dow juuɗe mooɗon e dow tiiɗe mooɗon. Noon jamirooje Joomiraaɗo ngonirta e kunnduɗe mooɗon sabo wo kanko wurtini on leydi Misira e junngo makko semmbiɗingo.

Wurtagol 20:11

Sabo ley balɗe jeegom miin Joomiraaɗo ngaɗumi kammu e leydi e maayo e ko woni ley muɓɓen fuu. Saabe ɗuum mi barkinii nyannde jeɗɗaɓerde, mi seninii nde.

Wurtagol 6:6

Saabe ɗuum mbi'aa yimɓe Israa'iila: Miin woni Joomiraaɗo, mi wurtinan on ley golleeji tiiɗɗi ɗi Misirankooɓe ngatti on ɗiin. Mi dannan on e maccungaaku maɓɓe, mi rimɗiniran on junngo semmbiɗinngo e sariyaaji mawɗi ɗi ngaɗammi.

Fillitagol 15:15

Miccitoɗaa a laatakeno maccuɗo leydi Misira de Joomiraaɗo, Laamɗo maaɗa rimɗini ma. Wo saabe ɗuum de miɗo hokke yamiroore ndee hannden.

Fillitagol 16:12

Miccitoɗon on laatakeno maccuɓe leydi Misira. Tinnoɗon e ɗowtanaade jamirooje ɗeen de ngaɗon ko mbi'i.

Fillitagol 26:8

Ndeen o wurtiniri min leydi Misira ndiin e semmbe makko mawɗo e maandeeji kaayniiɗi kulɓiniiɗi.

Fillitagol 5:6

— Miin woni Joomiraaɗo, Laamɗo maaɗa, wo miin wurtini ma leydi Misira, ley suudu maccungaaku.

Fillitagol 9:12

Ndeen Joomiraaɗo wi'i kam: — Njippoɗaa law sabo yimɓe ma ɓe mburtinɗaa leydi Misira ɓeen ngaɗii ko boni. Ɓe njaawii tottitaade laawol ngol njamirmi ɓe tokka ngool, ɓe ngaɗani ko'e maɓɓe tooru njamndi ciiwaandi.

Titus 2:14

Kam hokkitiri yonki muuɗum saabe meeɗen, faa rimɗina en e ko boni fuu, laamna en, laatoɗen lenyol muuɗum, tinniingol e gollude golleeji lobbi.