Fillitagol 5:10 - Dewtere Laamɗo Fulfulde Burkina Faso

¹⁰ Ammaa yiɗuɓe kam de na ɗowtanoo jamirooje am ɓeen kaa, mi hinnoto ɗum'en faa hewta jamaanuuji ujunere.

Fillitagol 5:10 ပူးပေါင်းရင်းမြစ်များ

Wurtagol 20:5

Taa kofoɗaa yeeso kujje ɗeen, wooɗi du, taa ɗowtanoɗaa ɗe sabo miin Joomiraaɗo, Laamɗo maaɗa oon, wo mi Laamɗo keewɗo kiram. Mi kiitotooɗo ɓiɓɓe saabe hakkeeji baabiraaɓe muɓɓen faa hewta taaniraaɓe e jaatiraaɓe wanyuɓe kam ɓeen.

Wurtagol 34:7

kolloowo hinney muuɗum koolniiɗo faa yottoo taaniraaɓe taaniraaɓe, jaafotooɗo hakkeeji e lutti. Wo mi kiititooɗo gooduɗo hakkeeji fuu. Wo mi kiitotooɗo ɓiɓɓe saabe hakke baabiraaɓe muɓɓen faa yottoo e taaniraaɓe e taaniraaɓe taaniraaɓe.

Limle 14:18

«Miin Joomiraaɗo mi jom munyal, mi keewɗo hinney, mi jaafotooɗo hakkeeji e lutti yimɓe. Ammaa wo mi kiitotooɗo waɗuɓe hakkeeji fuu, miɗo jukkoo ɓiɓɓe muɓɓen e taaniraaɓe muɓɓen saabe hakkeeji ɗiin faa yottoo taaniti taaniraaɓe muɓɓen.»

Yuhanna 14:15

— Si oɗon njiɗi kam, on njokkan jamirooje am.

Yuhanna 15:14

Onon, wo on yigiraaɓe am, si on ngaɗii ko njamirmi on ɗuum.

Romankooɓe 8:28

Eɗen anndi Laamɗo ina gollira huunde fuu faa laatanoo yiɗuɓe ɗum ko wooɗi, ɓe o noddi fodde anniya makko.

Galaatiyankooɓe 5:6

Sabo kaɓɓiiɗo e Iisaa Almasiihu, taadagol e rafi taadagol fuu fotu. Ko nafata tan, goonɗinal golliroowal njinngu.

Fillitagol 4:40

Njogitoɗon sariyaaji makko e jamirooje makko fodde no ekitinirmi on hannden noon faa keɓon jam onon e ɓiɓɓe mooɗon de balɗe mon njuuta ley leydi ndi Joomiraaɗo, Laamɗo mooɗon hokkata on ndiin faa abada.

Fillitagol 7:12

Si on kettindake jamirooje ɗeen, on tinnake e waɗude ko mbi'i fu, Joomiraaɗo, Laamɗo mooɗon tabintinan amaana e hinney muuɗum mo hunaninoo maamiraaɓe mooɗon oon.

Fillitagol 7:9

Ndelle annditon wo Joomiraaɗo, Laamɗo mooɗon oon kam tan woni Laamɗo. Oon woni Laamɗo koolniiɗo, tabintinoowo amaana muuɗum e hinney muuɗum to yiɗuɓe ɗum de ɗowtanii jamirooje muuɗum faa hewta jamaanuuji ujunere.

Yaakuuba 1:25

Ammaa neɗɗo fuu taykotooɗo yamiroore hiɓɓunde rimɗinoore ndeen, si heddake e mayre fu, laatoto hono golliroowo konngol ngool, wanaa hono nanoowo tan de yeggita. Wo oon neɗɗo barkintee e golle muuɗum.

Yoosuwa 22:5

Ammaa kakkilee wooɗa, njokkon Tawreeta mo Muusaa maccuɗo Joomiraaɗo hokki on oon faa laaɓa. Njiɗee Joomiraaɗo, Laamɗo mooɗon, njokkee laabi makko fuu, ɗowtanee jamirooje makko, tiigonduree e makko, ngollanee mo e ɓerɗe mooɗon fuu e yonkiiji mon fuu.

1 Yuhanna 1:7

Ammaa si e annoora mbuurɗen hono no o worri e annoora kanko e hoore makko ni fu, ndeen eɗen ngoodi kawtal hakkunde meeɗen. Katin du ƴiiƴam Ɓiyiiko Iisaa na laaɓina en e hakkeeji fuu.